ТКШ пайдасына біріктіру

Елордада ТКШ саласындағы проблемалық мәселелерді бірлесіп шешу үшін бірыңғай реттеуші орган құруды ұсынады. Ол үшін идея авторлары "Өркен қала" ЖШС, "I QALA" ЖШС, "Астана БЕО" ЖШС, ПИК қауымдастығы және т.б. сияқты ұйымдарды біріктіруді ұсынады. Жобаның тұсаукесері қалалық мәслихаттың құрылыс, экология, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының отырысында өтті.

"Astana Group Companies" ЖШС директоры Александр Разумовскийдің айтуынша, реттеуші тұрғын үй-коммуналдық саладағы заңдардың орындалуына әсер ете алар еді. - Пәтер иелері ПИК-не шағымдануда, ал олар, өз кезегінде, тұрғындарға алымдардың болмағанын, тарифтерінің төмендігін және т.б. айтады. Бұл ретте бір шағым "Nur Otan" партиясынан бастап, қалалық басқармалармен аяқтай отырып, 9 инстанцияға дейін өтуі мүмкін. ТКШ бойынша барлық өтініштер бірдей, - дейді ол. - Бүгінде "ТКШ ҚазОрталығы" да, қалалық Орта сапасын бақылау басқармасы да тұрғын үй-коммуналдық сектордағы қазіргі жағдайға ықпал етуге жеткілікті өкілеттілігі жоқ. ПИК Ассоциациясы бар, бірақ оның ТКШ саласында қызмет көрсету сапасына әсер ететін толық құралдар пакеті жоқ. Біз жаңа алқалы органда барлық мемлекеттік органдар, тәуелсіз бірлестіктер, тұрғын үй-коммуналдық саламен байланысты қалалық қызметтер біріктірілуін ұсынамыз. Олардың өкілдері бірыңғай шешімдер әзірлеу үшін жұмыс тобын құруы мүмкін. Жоба мақұлданған және ол іске қосылған жағдайда тұрғындардың шағымдары жартысына жуық азайуы мүмкін, ал қызмет көрсету және үйді басқару сапасы жоғарылайды, деп санайды идея әзірлеушілер. Және бұл нәтиже үш ай бойы пайда болады. - Бұл ПИК қоғамдық бірлестіктер санатынан жұмыс берушілер санатына өтеді деген сөз. Олар басқарушылармен, сервистік компаниялармен өздері шарттар жасайды деп болжануда. Бізге бірыңғай ережелерді әзірлеу қажет. Тұрғын үй иесінің міндеттерін көрсете отырып, Ұжымдық аралас шарт жасауды ұсынамыз, бұл үшін ол сервистік компаниялар да жауап беруі тиіс. Осының барлығы тұрғындардың жалпы жиналысында бекітілуі тиіс және шешім заңды күші бар құжат болуы мүмкін, - деді Александр Разумовский.

Бүгін көп қабатты үйлердің тұрғындары негізінен үйді ұстауға жұмсалатын қаражаттың ашық еместігіне шағымданады, дейді мәслихат депутаты Рамзия Өмірбаева. - Көптеген тетіктерді ойлап табуға болады, бірақ егер ашықтық болмаса, ештеңе көмектесе алмайды. Бұл жағдайды шешу үшін не ұсынуға болады? - дейді ол. – Көптеген - е-ПИК, "Smart Astana" топ-ПИК сынды интернет-алаңдар бар, бірақ бәрі қалағандай жұмыс істемейді. Біз электронды жүйелердің жеке кабинеттеріне әр үйдің техникалық жағдайы туралы ақпарат енгізіп, тұрғындардың бірыңғай өтініштерін сол жерде барлық инстанцияларды көруін қарастыру қажет деп есептейміз, - деп жауап берді баяндамашы.

Мәслихат депутаттары мақұлданған жағдайда жобаның қандай қаражат есебінен жүзеге асырылатынын және бұл тарифтердің өсуіне әкеп соқпайтынын сұрады. - Органның жұмысы мүшелік жарналарды төлеуді қарастыра ма? Ұйым ненің есебінен қаржыланады, ол тұрғындардың иығына қосымша жүк артпайма? – деп депутат Гүлнар Данбаева сұрады.

- Білесіздер, қалалық акселератор қаржы салымынсыз табысты жұмыс істейді. Біз органдар мен қызметтерді осындай принцип бойынша біріктіруді ұсынамыз, - деп жауап берді баяндамашы.

ПИК төрағалары үшін біліктілік талаптары қажет, деп есептейді мәслихат депутаты Мәжит Шайдаров. - ПИК басшыларының таңдауына мұқият қарау керек. Ол, жұмыс барысында біліктілікті арттыру курстарынан өтетін, оқытылған адам болуы тиіс. Үлкен ұйымға басшылық ету-жауапты еңбек, - деді ол. Реттеуіштің жұмысы ПИК басшыларын дайындау мен сертификаттауды қарастырады, деп атап өтті Александр Разумовский. - Бізде қандай да бір шамада ТКШ-мен байланысты 163 министрлік, комитеттер мен кіші комитеттер, 200-ге жуық нормативтік құжаттар, соның ішінде Бас жоспар бар. ПИК төрағасы ретінде барлығы қамтылғанба? Сондықтан бұл орган қажет, - дейді ол.

Отырыста сондай-ақ қалалық Орта сапасын бақылау басқармасының басшысы Төлеген Құлұшев сөз сөйледі.  Оның ақпаратына қарағанда, бүгінде елорданың тұрғын үй қоры 2609 көп пәтерлі үй бар, олар 488 ұйымға қызмет көрсетеді. Алайда, барлық құрамның тұрғын үй қорынан 134 үйлерде ПИК жоқ. - Бұл үйлердің техникалық жағдайының нашарлауына алып келеді. Жыл басынан бері түскен өтініштер негізінде 244 қызмет көрсетуші ұйымға тексеру жүргізілді. Өткен жылдың осы кезеңімен салыстырғанда шағымдардың 30 пайызға азайғаны байқалады. Қазіргі уақытта 422 тексеру ұйымдастырылып, анықталған бұзушылықтар бойынша 419 ұйғарым жасалды. Оң өзгерістер пайда болды, бұл туралы ПИК-тің атқарған жұмысы куәландырады: 31 үйдегі кіреберістерді жөндеу, 49 үйдің шатырын жөндеу және 24 үйдің қасбеттерін ішінара жөндеу. Оның айтуынша, 2609 көпқабатты үйдің 87-і апатты-тозған. Олардың жағдайын анықтау үшін қазір техникалық тексеру жүргізілуде. - Егер 2018 жылы техникалық тексеру 29 көп пәтерлі тұрғын үйде (КПТҮ), энергетикалық аудит – 27-де ұйымдастырылса, сонымен қатар бюджет есебінен 98 үйде техникалық тексеру және 19-да энергия аудиті өткізілді. Жыл соңына дейін қосымша 36 үйде техникалық тексеру жүргізу, 39-да энергия аудиті жоспарлануда. Талдау көрсеткендей, күрделі жөндеу 271 КПТҮ қажет, - деп атап өтті Орта сапасын бақылау басқармасының басшысы.