Астана қаласының Қоғамдық кеңесі комиссияларының құрамы

Нұр-Сұлтан қаласы
Қоғамдық кеңесінің
2022 жылғы 11 сәурдің №2/1-Р
шешімімен бекітілген

Нұр-Сұлтан қаласының Қоғамдық кеңесі комиссияларының құрамы

1. Ақпараттық-талдау жұмысы мәселелері жөніндегі комиссия

Негізгі бағыты: Қоғамдық кеңестің жұмысын ақпараттық, талдамалық қамтамасыз ету, әкімнің баспасөз қызметімен, бұқаралық ақпарат құралдарының өкілдерімен жұмыс, ресми сайттың мазмұны, әлеуметтік зерттеулер, қоғамдағы әлеуметтік ахуалды талдау, қоғаммен жұмыс, азаматтардың өтініштерімен, ұсыныстарымен жұмыс, сараптамалық жұмыс жүргізу және нысаналы көрсеткіштерге мониторинг жүргізу, Қоғамдық кеңестің жұмысын жоспарлау және басқалар.

2. Бюджет, экономика және қаржы мәселелері жөніндегі комиссия

Негізгі бағыт: бюджеттік бағдарламалар әкімшісінің бюджеттік бағдарламаларының жобаларын, стратегиялық жоспарлардың және қаланы дамыту бағдарламаларының жобаларын, бюджеттің атқарылуы туралы, нысаналы индикаторларға қол жеткізу жөніндегі есептерді және басқаларды талқылау және қарау.

3. Әлеуметтік саясат мәселелерін іске асыру саласында азаматтық қоғамның мүдделерін білдіру жөніндегі комиссия

Комиссия қызметінің негізгі бағыты: Нұр-Сұлтан қаласы бойынша әлеуметтік бағдарламаларды әзірлеуге қатысу, халықты әлеуметтік қорғауға, денсаулық сақтау, білім беру, мәдениет, спорт және жастармен жұмыс мәселелеріне және әлеуметтік саланың басқа да мәселелеріне қатысты қағидалардың, нормативтік құқықтық актілердің жобаларын қарау және талқылау.

4. Кәсіпкерлікті дамытудың экономикалық саясаты саласындағы азаматтық-құқықтық қатынастарды қорғау, сондай-ақ заңдылық пен құқық тәртібі мәселелері жөніндегі жұмысты ұйымдастыру жөніндегі комиссия

Негізгі бағыт: кәсіпкерлік бастаманы іске асыру үшін қолайлы құқықтық, экономикалық, әлеуметтік жағдайлар мен кепілдіктер жасауға бағытталған мәселелерді қарау және талқылау. Қала аудандары әкімдерінің және атқарушы органдар басшыларының мемлекеттік қызметтер көрсету, заңдылық, құқық тәртібі, сыбайлас жемқорлыққа қарсы іс-қимыл және мемлекеттік органдар қызметінің ашықтығын қамтамасыз ету мәселелері және т.б. бойынша есептерін талқылау және қоғамдық бақылау жүргізу.

5. Энергия тиімділігі, тұрғын үй-коммуналдық шаруашылық, құрылыс және экология мәселелері жөніндегі комиссия

Негізгі бағыт: энергиямен, жылумен жабдықтау саласында, тұрғын үй-коммуналдық шаруашылық жүйесінде қоғамдық маңызы бар мәселелерді мониторингілеу. Әкімшілердің экологиялық бағдарламаларды іске асыру, қалалық жайлы орта құру, инфрақұрылымдық даму, құрылыс саласындағы жобаларды дамыту және іске асыру және басқа мәселелер бойынша есептерін қарау және талқылау