Қоғамдық кеңес туралы ереже

Астана қаласы
Қоғамдық кеңес отырыс
хаттамасымен
бекітілген
2025 жылғы 02 сәуірдегі

Астана қаласының қоғамдық кеңесі туралы ереже

1 тарау. Жалпы ережелер

1. Осы Астана қаласының қоғамдық кеңесі туралы ереже (бұдан әрі – Ереже) «Қоғамдық кеңестер туралы» Қазақстан Республикасының Заңына (бұдан әрі - Заң), Қазақстан Республикасы Ақпарат және қоғамдық даму министрінің 2021 жылғы 26 ақпандағы № 69 бұйрығымен бекітілген Қоғамдық кеңес туралы Үлгілік ережеге сәйкес әзірленді.
2. Астана қаласының қоғамдық кеңесі (бұдан әрі – Қоғамдық кеңес) консультативтік-кеңесші, байқаушы орган болып табылады.
3. Қоғамдық кеңес өз қызметінде Қазақстан Республикасының Конституциясын, Заңын және өзге де нормативтік құқықтық актілерін, сондай-ақ осы Ережені басшылыққа алады.
4. Қоғамдық кеңес қызметінің мақсаты азаматтық қоғамның қоғамдық маңызы бар мәселелер бойынша пікірін білдіру болып табылады.
5. Қоғамдық кеңестің міндеттері:

1) жергілікті деңгейде шешімдерді талқылау және қабылдау кезінде азаматтық қоғамның мүдделерін білдіру және жұртшылықтың пікірін ескеру;

2) жергілікті мемлекеттік басқару және өзін-өзі басқару органдарының азаматтық қоғаммен өзара іс-қимылын дамыту;

3) қоғамдық бақылауды ұйымдастыру және жергілікті мемлекеттік басқару және өзін-өзі басқару органдары қызметінің ашықтығын қамтамасыз ету.

2. Қоғамдық кеңес өз қызметін келесі қағидаттар негізінде жүзеге асырады:

1) тәуелсіздік;

2) кеңес мүшелерінің қоғамдық негіздегі қызметі;

3) автономия;

4) дербестік;

5) жариялылық.

2 тарау. Қоғамдық кеңестің қызметін ұйымдастыру
Азаматтық қоғамнан Қоғамдық кеңесті қалыптастыру жөніндегі жұмыс тобының мүшелерін іріктеу

7. Қоғамдық кеңесті қалыптастыру жөніндегі жұмыс тобының құрамы (бұдан әрі -Жұмыс тобы) мемлекеттік органдардың өкілдері қатарынан және конкурстық негізде коммерциялық емес ұйымдардың, азаматтардың өкілдері қатарынан қалыптастырылады.
8. Жұмыс тобының сандық құрамын жұмыс тобының мүшелерін іріктеу жөніндегі конкурс өткізілгенге дейін Астана қаласы мәслихатының (бұдан әрі – Мәслихат) төрағасы айқындайды.

Жұмыс тобының құрамындағы мемлекеттік органнан өкілдік ету Жұмыс тобы мүшелерінің жалпы санының үштен бірінен аспайды. Осы өкілдіктің жеке құрамын Мәслихат төрағасы дербес айқындайды.

Жұмыс тобының құрамында азаматтық қоғамнан өкілдік ету Жұмыс тобы мүшелерінің жалпы санының кемінде үштен екісін құрайды және Ережеде көзделген тәртіппен конкурстық негізде қалыптастырылады.

9. Мәслихат бұқаралық ақпарат құралдарында және (немесе) өзінің интернет-ресурсында мемлекеттік органдар мен коммерциялық емес ұйымдар өкілдерінің, азаматтардың қатарынан жұмыс тобының сандық құрамын, құжаттарды тапсыру мерзімдерін, сондай-ақ құжаттар жіберілетін почта және электрондық мекенжайларды көрсете отырып, Жұмыс тобының мүшелерін іріктеу бойынша конкурс өткізу туралы хабарландыруды жариялайды.
10. Конкурсты өткізу мерзімі конкурс туралы хабарландыру жарияланған күннен кейін он жұмыс күнін құрайды.
11. Конкурсқа қатысуға ниет білдірген азаматтар, коммерциялық емес ұйымдарының өкілдері Жұмыс тобының мүшелерін іріктеу жөніндегі конкурс өткізу туралы хабарландыру орналастырылған күннен бастап күнтізбелік бес күн ішінде мынадай құжаттарды қолма-қол береді немесе хабарландыруда көрсетілген Мәслихаттың электрондық мекенжайына жібереді:

1) Ережеге 1-қосымшаға сәйкес нысан бойынша Жұмыс тобының құрамына кандидатура ұсыну туралы азаматтың өтініші;

2) Жұмыс тобының мүшелігіне кандидатура (бар болса) ұсыну туралы Коммерциялық емес ұйымның жазбаша ұсынысы;

3) кандидаттың кәсіптік және (немесе) қоғамдық қызметі туралы мәліметтер;

4) соттылығының болуы не болмауы туралы анықтама;

5) психикалық, мінез-құлық, оның ішінде психоактивті заттарды қолдануға байланысты бұзылыстарының (ауруларының) болуы не болмауы туралы анықтама.

12. Құжаттарды қабылдау мерзімі аяқталғаннан кейін бір жұмыс күні ішінде мәслихат жұмыс тобына кандидаттардың тізімін қалыптастырады.
13. Кандидаттар тізімін қалыптастыру аяқталғаннан кейін үш жұмыс күні ішінде Жұмыс тобына кандидаттардың қатысуымен Жұмыс тобының отырысы өткізіледі. Қоғамдық кеңесті қалыптастыру жөніндегі Жұмыс тобының мүшесі Қоғамдық кеңес мүшелігіне сайлау үшін конкурсқа жіберілмейді.
14. Жұмыс тобының отырыстарына үкіметтік емес ұйымдарының, бұқаралық ақпарат құралдарының, мемлекеттік органдарының, халықаралық ұйымдарының өкілдері болып табылатын дауыс беру құқығы жоқ байқаушылар қатысуға жіберіледі.

Мәслихат жұмыс тобының мүшелерін іріктеу жөніндегі конкурс өткізу туралы хабарландырумен бір мезгілде бұқаралық ақпарат құралдарында және (немесе) өзінің интернет-ресурсында құжаттарды беру мерзімдерін, сондай-ақ құжаттар жіберілетін пошта және электрондық мекенжайларды көрсете отырып, байқаушылардың тізімін қалыптастыру бойынша іріктеу өткізу туралы хабарландыруды жариялайды.

Байқаушы болуға ниет білдірген адам Жұмыс тобының отырысына байқаушы ретінде қатысу үшін Мәслихатқа өтініш береді не хабарландыруда көрсетілген электрондық поштаға байқаушы ретінде қатысу үшін қоғамдық кеңесті қалыптастыру жөніндегі Жұмыс тобының мүшелерін іріктеу жөніндегі конкурсқа мынадай құжаттарды қоса бере отырып, Ережеге 2-қосымшаға сәйкес нысан бойынша өтініш жібереді:

1) үкіметтік емес ұйымның, бұқаралық ақпарат құралының, мемлекеттік органының, халықаралық ұйымының қоғамдық кеңесті қалыптастыру жөніндегі Жұмыс тобының мүшелерін іріктеу жөніндегі конкурсқа байқаушы ретінде кандидатура ұсыну туралы жазбаша ұсынысы;

2) жеке басын куәландыратын құжаттың көшірмесі.

15. Жұмыс тобының отырысын өткізу уақыты мен орны туралы Жұмыс тобының мүшелігіне кандидаттарды, байқаушыларды мәслихат отырыс өткізілгенге дейін кемінде үш жұмыс күні бұрын хабардар етеді.
16. Мәслихат Жұмыс тобының отырысын дайындау мен өткізудің ұйымдастырушылық мәселелерін шешуді қамтамасыз етеді.
17. Жұмыс тобының бірінші отырысын мәслихат төрағасы өткізеді.

Жұмыс тобының кейінгі отырыстарын жұмыс тобының басшысы өткізеді.

18. Жұмыс тобының құрамына мүшелерді іріктеу - азаматтық қоғам өкілдерін ашық дауыс беру жолымен жүзеге асырылады, оған коммерциялық емес ұйымдардың өкілдері мен азаматтар арасынан Жұмыс тобының мүшелігіне кандидаттар қатысады. Коммерциялық емес ұйымнан кандидат, азамат өз кандидатурасы үшін дауыс беруге қатыспайды.

Ең көп дауыс жинаған кандидаттар Жұмыс тобының құрамына сайланды деп есептеледі. Бірдей дауыс санын жинаған кандидаттар бойынша Мәслихат төрағасы шешуші дауыс құқығын өзіне қалдырады.

19. Жұмыс тобының құрамын мәслихат төрағасы бекітеді.

2 тарау. Азаматтық қоғамнан Қоғамдық кеңесті қалыптастыру жөніндегі жұмыс тобының отырыстарын өткізудің функциялары мен тәртібі

20. Жұмыс тобының бірінші отырысында:

1) жұмыс тобының басшысы сайланады;

2) Қоғамдық кеңес мүшелерінің сандық құрамы айқындалады.

21. Жұмыс тобының басшысы азаматтық қоғам өкілдерінің арасынан дауыс беруге қатысқан жұмыс тобы мүшелерінің көпшілік даусымен сайланады.
22. Жұмыс тобы мыналарды жүзеге асырады:

1) Қоғамдық кеңес мүшелерін сайлау жөніндегі конкурс туралы халықты хабардар етеді;                     

2) Қоғамдық кеңес мүшелерінің сандық құрамын айқындайды;

3) Қоғамдық кеңес мүшелерін сайлау рәсімін жүргізеді;

4) Қоғамдық кеңеске кандидаттардың резервтік тізімін қалыптастырады;

5) Қоғамдық кеңес туралы ереженің жобасын әзірлейді.

23. Жұмыс тобының отырысы Жұмыс тобының басшысын ескере отырып, оған жұмыс тобы мүшелерінің жалпы құрамының кемінде үштен екісі қатысқан кезде заңды деп есептеледі.
24. Жұмыс тобының шешімі Мәслихаттың ресми интернет-ресурсында отырыс аяқталғаннан кейін үш жұмыс күні ішінде жарияланады.
25. Жұмыс тобының отырысында Жұмыс тобының басшысы айқындайтын Жұмыс тобының мүшесі хаттама жүргізеді, оған жұмыс тобының басшысы қол қояды.
26. Жұмыс тобының және оның басшысының өкілеттігі Қоғамдық кеңес туралы ережені Қоғамдық кеңес бекіткеннен және Ережеде көзделген Жұмыс тобының басқа да функцияларын орындағаннан кейін тоқтатылады.

3. Қоғамдық кеңестің өкілеттік мерзімі және құрамын қалыптастыру тәртібі
   

27. Қоғамдық кеңестің өкілеттік мерзімі үш жылды құрайды.
28. Қоғамдық кеңес мемлекеттік органдар өкілдерінен және конкурстық негізде – коммерциялық емес ұйымдарының, азаматтардың өкілдерінен тұратын Жұмыс тобынан қалыптасады.
29. Қоғамдық кеңес мүшелігіне кандидатуралар коммерциялық емес ұйымдар, азаматтар, оның ішінде өзін-өзі ұсыну арқылы қалыптасады.
30. Қоғамдық кеңестердің жаңа құрамын қалыптастыру рәсімі Заңның 8 және 9-баптарында белгіленген тәртіпке сәйкес Қоғамдық кеңестің қолданыстағы құрамының өкілеттік мерзімі аяқталғанға дейін екі ай бұрын басталады.
31. Жұмыс тобы Қоғамдық кеңес мүшелерін сайлау жөніндегі конкурс туралы хабарландыруды бұқаралық ақпарат құралдарында жариялайды және (немесе) мәслихаттың интернет-ресурсында орналастырады.
32. Хабарландыруда:

1) жергілікті өкілді органның атауы;

2) Заңның 10-бабының 1 және 2-тармақтарына сәйкес құжаттар жіберілетін пошталық және электрондық мекенжайлар, құжаттар жіберу мерзімдері, конкурсқа қатысу үшін құжаттардың тізбесі және кандидаттарға қойылатын талаптар;

3) мемлекеттік органдар мен коммерциялық емес ұйымдар, азаматтар өкілдерінен тұратын Қоғамдық кеңестің сандық құрамы.

33. Конкурсқа қатысуға ниет білдірген азаматтар, коммерциялық емес ұйымдарының өкілдері конкурс өткізу туралы хабарландыру жарияланған күннен кейін он жұмыс күні ішінде хабарландыруда көрсетілген қажетті құжаттарды қоса бере отырып, Қоғамдық кеңес мүшелігіне кандидатуралар бойынша ұсыныстарды қолма-қол береді немесе мәслихаттың электрондық мекенжайына жібереді.
34. Жұмыс тобы құжаттарды қабылдау аяқталған күннен кейін бес жұмыс күні ішінде отырыста Қоғамдық кеңес мүшелігіне кандидаттардан келіп түскен құжаттарды талқылайды, отырыста кандидаттардан келіп түскен құжаттарды талқылайды, әрбір кандидатпен әңгімелесу өткізеді және әрбір кандидат бойынша ашық дауыс береді.
35. Әңгімелесу аяқталғаннан кейін Жұмыс тобы әрбір кандидат бойынша ашық дауыс береді.
36. Ең көп дауыс жинаған кандидаттар қоғамдық кеңестің құрамына сайланды деп есептеледі. Бірдей дауыс санын жинаған кандидаттар бойынша Жұмыс тобының басшысы шешуші дауыс құқығын өзіне қалдырады.
37. Қоғамдық кеңестің қазіргі мүшелері конкурсқа қатысу үшін өз өтініштерін Заңның 10-бабында көзделген жалпы негіздерде береді.
38. Мемлекеттік органның Қоғамдық кеңеске өкілдігін Мәслихат төрағасы конкурс өткізбей бекітеді.
39. Қоғамдық кеңестің қалыптастырылған құрамын Мәслихат төрағасы бекітеді және бұқаралық ақпарат құралдарында жариялануға және (немесе) Қоғамдық кеңестің құрамы бекітілгеннен кейін үш жұмыс күні ішінде Мәслихаттың интернет-ресурсында орналастырылуға тиіс.
40. Қоғамдық кеңес мүшелерінің өкілеттіктерін тоқтату Заңның 15-бабында көзделген тәртіппен жүзеге асырылады.
41. Мемлекеттік орган атынан өкілдік ететін Қоғамдық кеңес мүшесінің өкілеттігі тоқтатылған кезде, өкілеттігі тоқтатылған мүшенің орнына Қоғамдық кеңестің жаңа мүшесін қосу туралы шешімді Мәслихат төрағасы қабылдайды.
42. Азаматтық қоғамның мүддесін білдіретін қоғамдық кеңес мүшесінің өкілеттігі тоқтатылған кезде, өкілеттігі тоқтатылған мүшенің орнына Қоғамдық кеңестің жаңа мүшесін қосу туралы шешімді Қоғамдық кеңес кандидаттардың резервтік тізімінен келесі кандидатты Қоғамдық кеңеске іріктеу не Ережеде айқындалған тәртіппен қосымша конкурс өткізу арқылы қабылдайды.
43. Қоғамдық кеңестің жаңа мүшелері Қоғамдық кеңес мүшелерінің өкілеттігін тоқтатқан қалған өкілеттік мерзіміне сайланады (тағайындалады).

4. Қоғамдық кеңеске кандидаттардың резервтік тізімін қалыптастыру және резервтік тізімнен Қоғамдық кеңеске кандидаттарды іріктеу тәртібі
   

44. Қоғамдық кеңестің шығып қалған мүшелерін кейіннен ауыстыру мақсатында жұмыс тобының шешімімен әңгімелесу рәсіміне қатысқан, бірақ ашық дауыс беру қорытындылары бойынша Қоғамдық кеңестің құрамына кірмеген азаматтық қоғам өкілдерінің қатарынан Қоғамдық кеңеске кандидаттардың резервтік тізімі қалыптастырылады.
45. Қоғамдық кеңес мүшелігіне кандидаттар қатарынан резервтік тізімге енгізуді Жұмыс тобы конкурстық іріктеуге қатысу үшін құжаттарды тапсыру күніне байланысты кезектілік тәртібімен жүзеге асырады.
46. Жұмыс тобының өкілеттігі тоқтатылғаннан кейін резервтік тізімнен кандидаттарды одан әрі іріктеуді Қоғамдық кеңес дербес жүргізеді.

Резервтік тізімдегі әрбір үміткер жазбаша өтініш негізінде өз қалауы бойынша одан шығады.

Резервтік тізімдегі кандидат Қоғамдық кеңеске мүше болудан бас тартқан және қоғамдық кеңеске кандидаттардың резервтік тізімінде басқа кандидаттар болмаған жағдайларда, сондай-ақ резервтік тізім болмаған жағдайларда Қоғамдық кеңес Қоғамдық кеңестің құрамына қосымша конкурс өткізу туралы шешім қабылдайды.

Азаматтық қоғам өкілдігінен сайланған Қоғамдық кеңес мүшесінің өкілеттігі тоқтатылған кезде жаңа мүшені іріктеу резервтік тізімнен жүзеге асырылады.

Резервтік тізімнен алған Қоғамдық кеңестің құрамына жаңа мүшелерді Мәслихат төрағасы бекітеді және  осы мәлімет бұқаралық ақпарат құралдарында жариялануға және (немесе) мәслихаттың интернет-ресурсында орналастырылуға тиіс.

      Осы тармақта көзделген жағдайларда жаңа мүшені іріктеуді Қоғамдық кеңес қосымша конкурс өткізу жолымен жүзеге асырады.

5. Қосымша конкурс өткізу тәртібі

47. Қоғамдық кеңес қосымша конкурс өткізу үшін бұқаралық ақпарат құралдарында қоғамдық кеңес мүшелерін сайлау жөніндегі конкурс туралы хабарландыруды жариялайды және (немесе) мәслихаттың интернет-ресурсында орналастырады.
48. Хабарландыруда:

1) жергілікті өкілді органның атауы;

2) Заңның 10-бабының 1 және 2-тармақтарына сәйкес құжаттар жіберілетін пошталық және электрондық мекенжайлар, құжаттарды жіберу мерзімдері, конкурсқа қатысу үшін құжаттардың тізбесі және кандидаттарға қойылатын талаптар;

3) мемлекеттік органдар мен коммерциялық емес ұйымдар, азаматтар өкілдерінен тұратын Қоғамдық кеңестің сандық құрамы көрсетіледі.

49. Конкурсқа қатысуға ниет білдірген азаматтар, коммерциялық емес ұйымдарының өкілдері конкурс өткізу туралы хабарландыру жарияланған күннен кейін он жұмыс күні ішінде Заңның 10-бабының 2-тармағына сәйкес пошта немесе электрондық мекенжайға қажетті құжаттарды қоса бере отырып, ұсыныстар береді.
50. Қоғамдық кеңес құжаттарды қабылдау аяқталған күннен кейін бес жұмыс күні ішінде отырысқа қоғамдық кеңес мүшелігіне кандидаттар жөнінде келіп түскен құжаттарды талқылауды және әрбір кандидат бойынша ашық дауыс беруді жүргізеді. Ең көп дауыс жинаған кандидаттар қоғамдық кеңестің құрамына сайланды деп есептеледі. Бірдей дауыс санын жинаған кандидаттар бойынша Қоғамдық кеңестің төрағасы шешуші дауыс құқығын өзіне қалдырады.

6. Қоғамдық кеңестің жұмыс органдарын ұйымдастыру
   

51. Қоғамдық кеңес тұрақты және (немесе) уақытша жұмыс органдарын: комитеттерді, сараптамалық топтарды құрады.
52. Қоғамдық кеңес тұрақты жұмыс органдарыy – комитеттерді құрады. Комитеттердің сандық құрамын Қоғамдық кеңес дербес айқындайды, бұл ретте комитеттердің құрамы кемінде үш адамды құрайды.
53. Комитеттер Қоғамдық кеңестің құзыретіне жатқызылған тиісті саланың немесе тиісті әкімшілік-аумақтық бірліктің қоғамдық маңызды мәселелерін зерделеу үшін Қоғамдық кеңестің шешімімен құрылады.
54. Комитеттердің құрамы Қоғамдық кеңес мүшелерінен, коммерциялық емес ұйымдарының, ғылыми, кәсіподақ және басқа ұйымдардың, бұқаралық ақпарат құралдарының, сарапшылардың өкілдерінен құралады, құрамды Қоғамдық кеңестің өзі айқындайды және оның отырысында бекітіледі.
55. Комитеттердің қызметі Қоғамдық кеңестің шешімі бойынша тоқтатылады.
56. Қоғамдық кеңестер уақытша жұмыс органдарын – сараптамалық топтарды құрады, олар Қоғамдық кеңестің құзыретіне жатқызылған тиісті саланың немесе әкімшілік-аумақтық бірліктің нақты мәселелерін зерделеу үшін Қоғамдық кеңестің шешімімен құрылады.
57. Сараптама топтарының құрамы Қоғамдық кеңес мүшелері, мемлекеттік органдарының, коммерциялық емес ұйымдарының, ғылыми, кәсіподақ және мүдделі ұйымдардың, бұқаралық ақпарат құралдарының өкілдері, сарапшылар қатарынан қалыптастырылады.
58. Қоғамдық кеңестің сараптамалық топтары:

1) зерттелетін мәселелер жөніндегі материалдармен алдын ала танысуды және қарау қорытындылары бойынша мәселелерді оның бағытына сәйкес Қоғамдық кеңес комиссиясының отырысында қарауға дайындауды жүзеге асырады; және оларды қоғамдық кеңестер комиссияларында оның бағытына сәйкес қарау үшін ұсынады;

2) зерттелетін мәселелер бойынша сараптамалық қорытындылардың жобаларын дайындайды және оларды қоғамдық кеңестердің комиссияларында оның бағытына сәйкес қарау үшін ұсынады.

59. Нақты мәселе жөніндегі материалдарды зерделеу қорытындысы бойынша сараптама тобы қорытынды жасайды және оның бағытына сәйкес Қоғамдық кеңестің тиісті комиссиясына қарау үшін жібереді.

Зерттелетін мәселелер жөнінде сараптама тобының қорытынды материалдарын Қоғамдық кеңес тиісті комиссияның ұсынуы бойынша Қоғамдық кеңес қарайды.

60. Қоғамдық кеңестің құрылған құрамының бірінші отырысында ашық дауыс беру арқылы Қоғамдық кеңестің төрағасы, төралқа құрамы, Қоғамдық кеңес комиссиясының құрамы жай көпшілік дауыспен сайланады.

Төралқаның төрағасы мен құрамы Қоғамдық кеңес мүшелерінің арасынан азаматтық қоғамнан сайланады.

Төралқа мүшелерінің санын дербес айқындайды.

Қоғамдық кеңестің төрағасы болмаған кезде ол өз міндеттерін атқаруды Қоғамдық кеңес төралқасы мүшелерінің біріне береді.

Қоғамдық кеңес төрағасының өкілеттігі жаңа төраға сайланғанға дейін тоқтатылған жағдайда оның өкілеттігі Қоғамдық кеңестің шешімі бойынша төралқа мүшелерінің біріне беріледі.

7. Қоғамдық кеңестің ұйымдық құрылымы және оның төралқасының өкілеттіктері

61. Қоғамдық кеңестің құрылған құрамының бірінші отырысында ашық дауыс беру арқылы Қоғамдық кеңестің төрағасы, төралқа құрамы, Қоғамдық кеңес комиссиясының құрамы жай көпшілік дауыспен сайланады.

Төралқаның төрағасы мен құрамы Қоғамдық кеңес мүшелерінің арасынан азаматтық қоғамнан сайланады.

Төралқа мүшелерінің санын Қоғамдық кеңес дербес айқындайды.

Қоғамдық кеңестің төрағасы болмаған кезде ол өз міндеттерін атқаруды Қоғамдық кеңес төралқасы мүшелерінің біріне береді.

Қоғамдық кеңес төрағасының өкілеттігі жаңа төраға сайланғанға дейін тоқтатылған жағдайда оның өкілеттігі Қоғамдық кеңестің шешімі бойынша төралқа мүшелерінің біріне беріледі.

62. Қоғамдық кеңес өз қызметін ағымдағы жылға арналған жұмыс жоспарына сәйкес жүзеге асырады.

Жұмыс жоспарлары Қоғамдық кеңес мүшелерінің ұсыныстары негізінде жасалады және қоғамдық Кеңес туралы Ережеге сәйкес Қоғамдық кеңестің отырысында бекітіледі.

63. Заңның 5-бабының 1-тармағында және 5-1-бабының 1-тармағында көзделген өкілеттіктерді іске асыру үшін қоғамдық кеңестер отырыстар өткізеді.

Қоғамдық кеңестің отырыстары қажеттілігіне қарай Қоғамдық кеңестің шешімі бойынша, бірақ тоқсанына кемінде бір рет өткізіледі.

64. Қоғамдық кеңестің отырыстарына мүдделі мемлекеттік органдардың, жергілікті мемлекеттік басқару органдарының, квазимемлекеттік сектор субъектілерінің, бұқаралық ақпарат құралдарының, ғылыми, кәсіподақ және басқа да ұйымдардың өкілдері, сондай-ақ сарапшылар мен өзге де мамандар шақырылады.
65. Мәселелерді қарау нәтижелері бойынша Қоғамдық кеңес Заңның 5-бабының 2-тармағында, 5-1-бабының 2-тармағында көзделген мерзімдерде мемлекеттік органдардың, квазимемлекеттік сектор субъектілерінің қарауы және шешімдер қабылдауы үшін міндетті болып табылатын ұсынымдарды қабылдайды.
66. Қоғамдық кеңес жергілікті өкілді немесе жергілікті атқарушы орган жіберген азаматтардың құқықтарына, бостандықтары мен міндеттеріне қатысты нормативтік құқықтық актілердің жобаларын қарайды.

Нормативтік құқықтық актінің жобасын алған сәттен бастап Қоғамдық кеңестің хатшысы ұсыныстар енгізу үшін бір жұмыс күні ішінде Қоғамдық кеңес мүшелеріне қағаз немесе электрондық жеткізгіште не электрондық пошта арқылы жіберуді ұйымдастырады.

67. Қоғамдық кеңестің мүшелері екі жұмыс күні ішінде нормативтік құқықтық актінің жобасын қарайды және Нормативтік құқықтық актінің жобасын қарау не нормативтік құқықтық актінің жобасын қараусыз қалдыру жөнінде қабылданған шешім туралы Қоғамдық кеңестің хатшысын хабардар етеді.
68. Қоғамдық кеңестің хатшысы түпкілікті шешім қабылдау үшін Қоғамдық кеңес мүшелерінің келіп түскен ұсыныстарын Қоғамдық кеңес төрағасының қарауына енгізеді.
69. Нормативтік құқықтық актінің жобасын қарау не қараусыз қалдыру жөніндегі Қоғамдық кеңестің шешімі Қоғамдық кеңес мүшелерінің жалпы санының көпшілік даусымен қабылданады. Дауыстар тең болған кезде Қоғамдық кеңес төрағасының дауысы шешуші болып табылады.
70. Қоғамдық кеңес шешім қабылдағаннан кейін бір жұмыс күні ішінде Қоғамдық кеңестің хатшысы Орталық мемлекеттік органдарды, жергілікті өкілді немесе жергілікті атқарушы органдарды қоғамдық кеңестің қабылданған шешімі туралы хабардар етеді.
71. Қоғамдық кеңес нормативтік құқықтық актінің жобасын қарау туралы шешім қабылдағаннан кейін бір жұмыс күні ішінде нормативтік құқықтық актінің жобасы оның мүшелерінің қатысуымен Қоғамдық кеңестің отырысына қарау үшін енгізіледі.
72. Нормативтік құқықтық актінің жобасын қарау қорытындысы бойынша шешім Қоғамдық кеңес мүшелерінің жалпы санының көпшілік даусымен қабылданады. Дауыстар тең болған кезде Қоғамдық кеңес төрағасының дауысы шешуші болып табылады.
73. Дауыс беру қорытындыларын ескере отырып, Қоғамдық кеңестің хатшысы қаралып отырған нормативтік құқықтық актінің жобасы бойынша Қоғамдық кеңестің ұсынымдарының жобасын дайындайды және қоғамдық Кеңестің Төрағасына қол қоюға енгізеді.
74. Жергілікті өкілді немесе жергілікті атқарушы орган қағаз немесе электрондық жеткізгіште не электрондық пошта арқылы қарау үшін жіберген нормативтік құқықтық актінің жобасына әзірленген Қоғамдық кеңестің ұсынымдарын Қоғамдық кеңестің хатшысы Қоғамдық кеңестің төрағасы қол қойған күннен бастап бір жұмыс күні ішінде жібереді.
75. Заңның 5 - бабы 1-тармағының 6) тармақшасына сәйкес қоғамдық кеңестер мемлекеттік орган қызметінің тиісті саласындағы қоғамдық маңызы бар мәселелер бойынша жеке және заңды тұлғалардың өтініштерін қарайды.
76. Өтініштерді қарау нәтижелері бойынша Қоғамдық кеңес мынадай шешімдердің бірін қабылдайды:

1) құзыреті бойынша тиісті мемлекеттік органға немесе жергілікті мемлекеттік басқару органына өтінішті жіберу туралы;

2) осы өтінішті Қоғамдық кеңестің отырысында қарау туралы;

3) келіп түскен өтінішті қарау бойынша қоғамдық бақылау нысандарының бірін жүргізу туралы.

77. Қоғамдық кеңестің хатшысы заңнамада көзделген мерзімдерде өтініш берушіге жолдануға дайындалған жауапты жібереді.
78. Өз өкілеттігі шеңберінде Қоғамдық кеңестің төрағасы:

1) Қоғамдық кеңестің қызметін ұйымдастырады;

2) отырыстарда төрағалық етеді;

3) Қоғамдық кеңестің атынан құжаттарға қол қояды;

4) Қоғамдық кеңестің шешімдерін іске асыру жөніндегі қызметті үйлестіреді;

5) кеңесші дауыс құқығымен жергілікті мемлекеттік басқару органының отырыстарына қатысады;

6) Қоғамдық кеңестің төрағасы болмаған уақытта төрағаның міндеттерін атқаруды Қоғамдық кеңес төралқасы мүшелерінің біріне береді.

79. Ұйымдастыру мәселелерін шешуді қамтамасыз ету, Қоғамдық кеңестің отырыстарын дайындау және өткізу, Қоғамдық кеңесте іс жүргізуді ұйымдастыру және өткізу мақсатында Қоғамдық кеңестің хатшысы:

1) Қоғамдық кеңестің отырыстарын дайындау мен өткізудің ұйымдастырушылық мәселелерін шешуді қамтамасыз етеді;

2) Қоғамдық кеңесте іс жүргізуді ұйымдастырады және өткізеді, сондай-ақ Қоғамдық кеңес шешімдерінің орындалу мерзімдерін бақылайды.

80. Қоғамдық кеңестің хатшысы Қоғамдық кеңестің мүшесі болып табылмайды.

ҚОСЫМША 1

ҚОСЫМША 2