Бюджет, экономика, өнеркәсіп және кәсіпкерлік жөніндегі мәслихаттың тұрақты комиссиясы отырысы өтті

Аудан әкімдіктерінен жарықтандыру, санитария мен астананы абаттандыру үшін бөлінген бюджет қаражатын пайдаланудың тиімділігін тексеру 2015 жылдан бастап жалғасып, 2017 жылдың 7 айын қамтыды.

- Абаттандыру - бұл қалалық бюджеттің шығынды бөлігі. 2017 жылы елорданың шығын бюджеті 36 миллиардтан астам теңгені құрады, бұл қаланың ағымдағы шығындарының 20 пайызын құрайды. Бұл, ең алдымен, қызмет көрсетілетін аумақтың өсуіне және елеулі іс-шаралардың өткізілуіне байланысты. Аудит бөлінген қаражат нысаналы мақсатта пайдаланылатынын көрсетті. Барлық жобалы іс-шаралар жүзеге асырылып, жоспарланған көрсеткіштерге қол жеткізілді. Абаттандыру саласын дамытудың сапалы өзгеруімен қатар, аудит жүргізіліп жатқан шаралардың тиімділігіне әсер ететін белгілі бір кемшіліктердің бар екенін көрсетті, - деп атап өтті Аудиторлық тексеру жөніндегі комиссияның басшысы.

Оның айтуынша, абаттандыру тұрғысынан тиімді іс-әрекеттердің жеткіліксіз болуының негізгі себебі – жұмыстарды жүргізу және активтерді дұрыс есепке алу процесін жүйелейтін құжаттардың жоқтығы болып табылады.

- Абаттандыру жұмыстары жүргізілетін құжаттар жетілмеген. Бұл қаражаттың қолданылуына әсер етпей қоймайды. Қаланы абаттандыру жұмыстарының, сондай-ақ жасыл екпелерді күтіп – ұстау мен қорғау ережелері мен нормаларының кемшіліктер мен олқылықтары болды, атап айтқанда, Республиканың Экологиялық кодексінің және үлгі ережелерінің кейбір талаптарына сәйкес келмеуі.

Осылайша, оларда жұмысты ұйымдастыруды, есепке алуды, олардың орындалуын және төлемнің дұрыстығын реттейтін нормалар болған жоқ; көптеген тікелей және жанама сілтеме нормалары болды. Ережелерде жұмыстың сипаты, жинау жиілігі, әсіресе, механикаландырылған болуы керек деп есептейміз. Елдің басқа өңірлерінде осындай тәжірибе бар, - деді Ғалымжан Молдаш.

Мәслихаттың тұрақты комиссиясының мәжілісінде айтылған басты пікір жасыл екпелердің бірыңғай тізілімін қабылдау қажеттілігі болды. Жасыл екпелерді тіркеу, аудан әкімдіктеріне абаттандыру үшін бөлінген бюджет қаражатын мақсаты бойынша пайдаланатынын қадағалауға көмектеседі.

- Әр ағаш үшін штрих-кодты бекіту жеткілікті және мәселе шешіледі. Егер бір бөлім ағаштарды есептесе, екіншісі оларды өлшейді, үшінші - тазартады. Жыл өтіп, жаңа ағаштар отырғызамыз, қайтадан оларды есептейміз. Қаланың IT-мамандарын іске кірістіру қажет және біз бұл мәселені шешеміз», - деді мәслихат депутаты Алмаз Ким.

Бұл ұсынысты қатысушылар қолдады. Оны қаулы жобасына енгізу туралы шешім қабылданды.

- Бейнелеп айтқанда, бұл қасиеттері, түрі, биіктігі, түбірлік жүйенің құрылымы және т.б. бойынша әр ағаш үшін төлқұжат. Бұл ғылыми құжаттың бір түрі және әрбір жасыл объектіге егжей-тегжейлі ақпарат беріп, оған нөмір тағайындайды, бұл ағаш шежіресі болады.

Тізілім ағаштың қашан отырғызылғанын, оның жасын көрсетеді. Аудиторлар ретінде, біз оны қажет деп есептейміз. Оның болуы суару мен тыңайтқыштар бойынша шығындарды есептеуге мүмкіндік береді. Мүмкін қосымша реагенттер қажет болады. Егер тіркелім болса, онда шығындар бұдан да ашық болатын еді. Тағы бір сұрақ: кім бұл жұмысты атқарады? Бұл қиын, ауыр жұмыс.

Дегенмен, қала өсіп келеді. Менің білуімше, Астанада жыл сайын жасыл екпелер саны 15-20 мыңға жуық өседі. Сондықтан, тізілім осы аймақта қанша ағаш бар екенін нақты білу үшін керек», - деп санайды Астана қаласы бойынша тексеру комиссияның төрағасы.

Бұдан басқа, депутаттар қаланың аудан әкімдері А.З.Сарсембаев, Т.К.Закарьянова, А.А.Тұрлыбектің қосымша баяндамаларын тыңдады.

Кездесудің қорытындысы бойынша тұрақты комиссияның қаулысы қабылданды, онда мәселелі сұрақтар белгіленіп, Астана қаласы бойынша тексеру комиссиясы мен «Алматы», «Есіл», «Сарыарқа» аудандары әкімдерініне тиісті ұсыныстар берілді.

Тұрақты комиссия жұмысына мәслихат хатшысы Ж.Г. Нұрпейісов, қаланың аудан әкімдері, қалалық басқармалар басшылары, бұқаралық ақпарат құралдары қатысты.

Қала тұрғындары алдында есеп беру кездесулері жалғасуда.

Жыл сайын бірінші тоқсан бойы барлық деңгейдеші әкімдер тұрғындармен есеп беру кездесулерін өткізеді, олардың барысында елде жүргізіліп жатқан реформалар, тиісті әкімшілік – аумақтық дамуы туралы, оның одан әрі дамуының міндеттері мен негізгі бағыттары туралы хабардар етеді. Бұл кездесулер атқарушы органдардың нақты сынағы болып табылады, өйткені тұрғындар белгілі бір аймақтың әлеуметтік – экономикалық дамуының ең өткір мәселерін қозғайды. Бұл атқарушы биліктің халықпен ашық диалогы, ол Мемлекет басшысының талабы бойынша оның жауапкершілігі мен есеп беруінің артуына ықпал етеді.