Астаналық мәслихат депутаттары Астананың Индустриалдық саябағында орналасқан өндірістік объектілердің бірқатарына барып қайтты, және олардың жұмысымен танысты.

Елдің жеңіл өнеркәсібі саласында көшбасшылардың бірі болып табылатын кәсіпорынның өндірістік қуаты жылына 1,8 миллион бұйым құрайды. Сонымен бірге, компания тігін жабдықтарының 500-ге жуық атауын және бұйымдардың 200-ден артық атауын шығарады.

- Біздің компания «Zoje» атақты әлемдік бренд атынан тігін жабдықтарын құрастырумен де айналысады. Бөлшектерді, біз, әрине дайындамаймыз, оның есесіне біз жабдықты құрастырамыз, автоматтандырамыз және жиынтықтаймыз, және де, өндірістің өзінде-ақ оқытуды жүргіземіз, - деп хабарлады компания өкілі Айнұр Ибраимова.

6 ірі цехы бар өндірісте барлығы 200-ге жуық адам жұмыс істейді. Келген депутаттарға Астанада жасалған және тігілген топтамалар ұсынылды: 100% қазақстандық құрамды әскери киім-кешек, мектеп формасын әзірлеу, арнайы киім, 100% отандық мақтадан жасалған тоқыма – көрпелер, сүлгілер, халаттар. Айта кететін жайт, дизайнерлер сонымен бірге алдағы «ЭКСПО-2017» көрмесі үшін де арнайыландырылған топтама әзірлеуде.

Халық қалаулылары кәсіпорынның даму қарқынын жоғары бағалады, және де өндіріске және дизайн дайындауға астаналық жасампаз жастарды да белсенді тартуға болатынын айтты.  

Кәсіпорынның шешілмеген сұрақтары ішінде олар кадрлар жетіспеушілігін, сондай-ақ қажетті инфрақұрылымның жоқтығын атап өтті.

Келесі объект – жолаушылар вагондарын шығару бойынша зауыт «Тұлпар Тальго» ЖШС болды. 

Испаниялық технологияларды қолданатын өндіріс астанада 2011 жылы іске қосылды. Осы уақыт ішінде зауыт Қазақстан аумағы бойынша жүріп-тұратын 436 вагон немесе 16 құрам шығарды.

- Бір жобаны біз аяқтадық. Қазір келісімшартқа қол қойылды, оған сәйкес біз осы жылдан бастап жаңа жобаға кірістік - 603 вагон шығару.  Бұл ретте де испаниялық технологияны қолданамыз, бірақ бұл жолы вагондар біршама жетілдірілген -  кеңдеу, биіктеу, жылдамдау болады, қауіпсіздік пен жайлылық жақсартылған. Қазіргі сәтте статистикалық сынақтар жүргізілуде. Жылдың аяғына қарай біз сертификаттаудан өтуді және алуды жоспарлаудамыз,  ол біздің құрамдардың Ресей және басқа да ТМД елдерінің аумағы бойынша жүруіне мүмкіндік береді, - деп хабарлайды зауыттың өндірістік директорының орынбасары Владимир Киселев.

 Оның сөзі бойынша, жоба толығымен отандық теміржолға және климаттық шарттарға бейімделген. Құрамның ең жоғары жылдамдығы – сағатына 200 километр.  Әйтсе де, жолдағы жылдамдық жолдың әрбір телімінің инфрақұрылымына байланысты және жолшылармен беріледі.

Елдегі ең жылдам құрамдардың өндіріс технологиясымен танысу барысында депутаттар қазақстандық құрамның пайызына, сондай-ақ өндірістегі еңбек шарттарына көңіл қойды. Зауытта шамамен 150 адам жұмыс істейді, олардың ішінде 4 маман – испаниялықтар, қалғандары – Қазақстанның азаматтары. Олардың барлығы әлеуметтік топтамамен, оның ішінде тағаммен, тасымалдаумен, сыйақылармен және әр түрлі жәрдемақылармен қамтамасыз етілген.

Мамандар тұрақты түрде Испаниядағы зауытта да, Астанадағы өндірісте де тікелей технология иелерімен оқытудан өтеді.    

Қазақстандық құрамның үлесі бүгінгі күнге 20-30% құрайды – бәрі вагонның типіне байланысты болады, алайда 2017 жылға қарай бұл көрсеткішті  50% дейін арттыру жоспарлануда.  

- Бізде техникалық қызмет көрсету базасы бар. Өндіруші-зауытпен тағайындалған кепілдік мерзімі - 2 жыл, - деп түсіндірді В.Киселев.

«Тальго» жаңа құрамдарымен танысқаннан кейін, депутаттар электровоз құрастыру бойынша көрші зауытқа «Электровоз құрастыру зауыты» ЖШС-ге барды,  ол 7,5 га жуық жер аумағында орналасқан.

Қауіпсіздік техникасы бойынша жан-жақты нұсқаулықтан өткен соң, халық қалаулылары  цехтарға барды және дайын электровоздарды дайындау және шығарудың барлық сатысымен танысты. Айта кетейік, бір локомотивтің құны 600 млн. теңгеге дейін жетуі мүмкін. 

Ауыспалы тоқ электровоздары әлемдік машина жасау нарығындағы жетекшілердің бірі – «Alstom Transport» компаниясының француз технологиялары бойынша шығарылады.   

Кәсіпорынның жылдық өндірістік қуаты KZ8A ауыспалы тоқтың жүк тасығыш магистралдық электровоздарының және KZ4AТ ауыспалы тоқтың жолаушылар электровоздарының  100 секциясын құрайды. Өндірісте шамамен 650 адам еңбек етеді. 

Сапар шеңберінде барған соңғы пункт – түнде көретін электрондық-оптикалық аспаптар, тепловизорлар өндірісі бойынша зауыт «Казахстан  ASELSAN   Инжиниринг» ЖШС.

Қорғаныс өнеркәсібі саласында кәсіпорын құру идеясы  2010 жылы Қазақстан мен Түркия мемлекеттерінің басшылары кездесуі нәтижесінде туындады. Сол жылы компания құру туралы құжатқа қол қойылды, және 2013 жылы зауыттың салтанатты ашылуы болды. 

- «Казахстан Инжиниринг» ұлттық компаниясы 50%-ға Құрылтайшы болып табылады, Түрік Республикасының қорғаныс өнеркәсібі саласындағы   локомотив болып саналатын «Аселсан» компаниясы 49%-ға ие, - деп түсіндіреді компанияның бизнесті және сатылымды дамыту жөніндегі директоры Ерасыл Байжұманов.   

Жыл сайын өндірістегі штаттық бірлік өсуде, мысалы, 3 жыл бұрын бұл жерде 65 адам жұмыс істесе, осы жылы – 136 маман еңбек етеді. Және де, олардың көпшілігі Қазақстан азаматтары болуы да маңызды. Бүгінде жабдықтар – күндіз және түнде көретін оптикалық аспаптар – түрік технологияларының негізінде өндіріледі. 

Зауыт түнде және күндіз көретін тепловизиялық жүйелер, электрондық платалар, барлау құралдарын, тұрақтандырылған әскери модульдер, инфрақызыл линзалар шығарады, бұл да өз кезегінде нанотехнология болып табылады.

- Біздің барлық өніміміз – әскери мақсатта және дала жағдайларында – шаң, тұман, батпақ, жаңбырда қолданылады. Тиісті сынақтарды біз міндетті түрде жүргіземіз. Әскери қару-жарақ импорттайтын елдердің негізгі проблемасы – техникалық қызмет көрсету. Егер бір нәрсе істен шықса, оны дайындаушы елдің жөндеуі үшін  бір жыл, тіпті одан да көп уақыт кетеді.  Біз болсақ, барлық ақауларды 2 аптада, ең ұзақ мерзім бір айда жоямыз. Біздің жедел тобымыз бар, ол жартыжылда бір рет Қазақстанды шарлап шығады, барлық аспаптарға 12 айлық кепілдікпен техникалық қызмет көрсетеді, - деп атап өтті Ерасыл Байжұманов.

Депутаттар өндірісте болашағынан көп үміт күттіретін жастардың еңбек ететініне баса назар аударды.  Мамандар жоғарғы оқу орындарының, және де колледждердің үздік студенттері қатарынан іріктеледі, бұл келешегі зор жастар үшін жақсы қолдау мен көмек болып табылады.

Көшпелі топтың жұмысына қала мәслихатының хатшысы Жанат Нұрпейісов,  мүдделі астаналық басқармалардың және бұқаралық ақпарат құралдарының өкілдері қатысты.