Астаналық мәслихат депутаттары «Астана – жаңа қала» арнайы экономикалық аймақтың объектілеріне баруды аяқтады.

Өндіріс үдерісімен танысу барысында депуттарға зауыттың дайын өнімі көрсетілді.  Көрсетілген машиналарда  4 қорғаныс класы бар,  бұл техниканың басты мақсаты – жеке құрамды қорғау. Ол экипажды орналасу жеріне жеткізеді. Осындай бір машинаның салмағы шамамен 13 тонна және ол сағатына 100-120 километрге дейін жүре алады.

- Жалпы алғанда, машиналар MRAP технологиясы бойынша өндіріледі, бұл дегеніміз, олар миналардың жарылуы  мен  тосқауылдағы шабуылдардан қорғалған деген сөз. Біздің машиналардың түбі V-бейнелі, алғаш рет бұл технология ОАР-да 90-шы жылдардың басында ойлап табылды, кейіннен басқа елдерде де белсенді пайдаланыла бастады, соның ішінде, АҚШ, Германия және т.б., – деді «Казахстан Парамаунт Инжиниринг» ЖШС бас директорының орынбасары Көбей Жаңбыршы.

Зауытта құрастырылған барлық техника, ықтимал кемшіліктерді анықтау үшін түрлі климаттық жағдайларда міндетті тәртіпте барлық түрлі сынақтардан өтеді. 

К.Жаңбыршының айтуынша, машиналар өндірісі кезінде компания өндірісті оқшаулауға баса көңіл бөледі. Қазіргі кезде оқшаулау деңгейі 35-40% белгісінде тұр. Отандық нарықта сапасы және бағасы бойынша сай келетін барлық зат өндіріс үшін сатып алынады.  

- Біздің өндіріс әрқилы емес, барлық металл өңдеу жұмыстары, корпусты әзірлеу біздің кәсіпорында жүзеге асады. Біздің машиналар – аталған класс бойынша әлемдегі ең бәсекеге қабілетті, алдыңғы қатарлы, ең заманауи машиналар, сондықтан біз оларды әлемдік нарықта батыл ілгерілете аламыз, - деп қосты  К.Жаңбыршы.

Зауыттың жоспарлы өндірістік қуаты жылына 120 машина құрайды, алайда қажет болған жағдайда және тапсырыс болса, егер 2-3 ауысыммен жұмыс істесе, бұл сан 200-300 машинаға дейін артуы мүмкін. Зауытта шамамен 130 адам жұмыс істейді, орташа еңбекақы шамамен 200 мың теңге құрайды, және де қызметкерлер тегін тамақпен де қамтамасыз етіледі.   

Әскери техника зауыты бойынша серуеннен кейін халық қалаулылары Орталық Азиядағы ең ірі, А класты Көліктік-логистикалық орталыққа бет алды, ол Астана-Қарағанды республикалық магистралі бойында орналасқан. Бұл кәсіпорын да мемлекеттік-жекеменшік серіктестік механизмдері арқылы 2014 жылы құрылды.  Жалпы алаңы 49 гектар болатын объект құрғақ, климаттық қоймалардан, дистрибьюторлық орталықтан, контейнерлік алаңқайдан тұрады. Сонымен бірге бұл жерде тауарды ұзақ уақыт бойы сақтауға мүмкіндік беретін арнайы газ камералары бар.  

- Біздің аумақта бірегей жағдайлар жасалған. Бұл жерде тауар өндіруші жүкті жөнелте алады, станцияға, кеденге барудың еш қажеті жоқ, біздің аумақта кедендік бекет, фитосанитарлар, карантин қызметі орналасқан – жалпы алғанда, кез келген логистикалық қызмет түрі бар. Сондай-ақ «Кенмарт»  дистрибьюторлық орталық та бар. Яғни, тауар осында келеді, кедендік тазартылады, осы жерде оны сақтауға, осы жерден сатуға және экспортқа шығаруға да болады, - деп түсіндірді компаниия өкілі Евгений Киршин.

КЛО қызметтерін көрсетуге өтінімді клиенттер онлайн түрде бере алады. Сонымен бірге мамандар шынайы уақыт режімінде барлық тапсырыстарын бақылай алады – қай жерде қандай тауар орналастырылған, оларды сақтау мерзімі және басқа ақпарат. Осылайша, тауар өндірушіге Астанада қызметкерлер штатын ұстаудың қажеті болмайды.

Осы жерде депутаттар «Астана – кедендік рәсімдеу орталығы» кедендік бекетінің де жұмысымен танысты.

- Біз бір терезе қағидаты бойынша жұмыс істейміз. Мұнда кедендік қызметпен байланысты барлық мемлекеттік органдардың өкілдері бар. Олар  бухгалтерлер, сақтау компаниялары, ветеринариялық, санитариялық қызметтер және т.б. Біз машина  келіп тоқтаған уақыт кезеңінде бәріне үлгеруге тырысамыз, және де, ол келген сәттен бастап үш сағат ішінде бізден толық кедендік құжаттамамен шығуы керек, - дейді бекет басшысы Ерлан Канафин.

Талқылау барысында депутаттар қызметкерлерге қажетті еңбек шарттарын жасауға баса назар аударды. Жеке алғанда, әңгіме бекеттегі әлсіз жылытылатын үй-жай туралы қозғалды.   

Сапар аяғында қала мәслихатының депутаттары «Астаналық шыныпакет компаниясына» барды. Айта кету керек, кәсіпорын алдыңғыларға қарағанда Индустриалдық саябақтан тыс жерде орналасқан, бұл, компания өкілдерінің айтуынша,  оларды мемлекеттік жеңілдіктерден айырады.

Халық қалаулылары зауыттың жылыту жүйесіне бастапқы назар аударды. Ғимарат Германия фирмаларының бірінің панель өндірісі есебінен  жылытылады. Ол инфрақызыл сәулелену қағидаты бойынша ысиды, панельдер беткейді жылытатындай болып дайындалған, сол беткейден жылу келеді, алайда шаң мүлдем жоқ деуге болады.    

Жалпы алғанда, кәсіпорын  2006 жылы ашылды және өзін елдегі табақ шыныны қайта өңдеушілердің жетекшісі ретінде көрсете білді.  Бүгінде бұл жерде 136 адам еңбек етеді. Және де, бұл – өз өнімдеріне 5 жыл мерзімге дейін кепілдік беретін жалғыз компания.

Өндірістік цехтар бойынша экскурсия барысында депутаттарға қаладағы көптеген ғимараттардың қасбетін безендіріп тұрған шыныпакеттерді дайындаудың барлық технологиясы – шыныны кесу, өңдеу, шыңдау, бітеуден бастап дайын өнімге дейін көрнекті түрде көрсетілді.

Компания өкілдері атап өткендей, олардың негізгі өзекті мәселелері болып коммуникациялар мен инфрақұрылымды өткізу және Индустриалдық саябақ аймағында орналасқан кәсіпорындарға тиесілі жеңілдіктердің болмауы табылады.

Қала мәслихатының көшпелі тобының жұмысына оның хатшысы Жанат Нұрпейісов,  қалалық басқармалардың басшылары мен мамандары,   бұқаралық ақпарат құралдарының өкілдері қатысты.