Астана қаласы мәслихатының бюджет, экономика, өнеркәсіп және кәсіпкерлік сұрақтары жөніндегі тұрақты комиссиясының көшпелі отырысы болып өтті.

Астананың салық төлеушілері үшін жаңа орталықтың басты жайлылығы – уақыттың үнемделуінде. Бірнеше минут ішінде дерлік орталықтың клиенттері барлық қажетті ақпаратты ала алады.

Салық органдарындағы көп сағаттық кезектерде тұру мәжбүрлігі міндеттерді секторлар бойынша бөлудің арқасында сұрақтардың тез шешілуімен алмасты. Мәслихат депутаттарының назарына ауданның интерактивті картасы ілікті, онда мемлекеттік кірістерді басқару бойынша толық және жедел ақпарат көрсетілген. Астана бойынша мемлекеттік кірістер Департаментінің басшысы Әбілқайыр Сқақов түсіндіргендей, мұндай карта салық төлеушілерге қызмет көрсету уақытын да көрсетуге арналған. Алайда егер клиенттің орталықтың менеджеріне ешқандай сұрағы болмаса, ол өз-өзіне қызмет көрсету аумағында орналасқан сервисті қолдана алады, ол жерде 21 сервис қолжетімді болған. Ведомство басшысының сөздері бойынша, бүгінгі күнде салықтық және басқа борыштың жоқтығы туралы мәліметтер ең жиі сұратылатын мәлімет болып табылады, оларды ЖСН көмегімен оңай тексеруге болады. Депутаттар түрлі мәліметтер сұратуға мүмкіндік беретін жүйені өздері байқап көрді және көңілдері толды. Бірнеше минут ішінде олар өз сұратуларына жауап алды.

– Біз бүгін сенімгерлік қатынастарға бағыттаумен жұмысты толығымен қайтадан бағдарладық, - дейді Әбілқайыр Сқақов. Жаңа бастаған бизнесмендер үшін жаңа бастап жүрген кәсіпкерлерге арналған арнайы аймақ үлкен демеу болды, себебі олар басқаларға қарағанда ақпараттық сүйемеледеуге жиірек мұқтаж болады.

Электрондық сандық қолтаңба алу қызметі құрылған, оның көмегімен салықтық есептілікті электрондық түрде тапсыруға болады. Әбілқайыр Сқақовтың сөзі бойынша, бүгін бизнестің  97 %-ы электрондық қызметтерге көшуде.

Ескі дағды бойынша, есептілікті қолдан қолға бере отырып жұмыс істеуді жақсы көретіндер үшін, орталықта кезектерді басқарудың электрондық жүйесі орнатылған. Департамент басшысы айтқандай, бүгінгі күнде бір адамға қызмет көрсетуге екі минуттан кем уақыт кетеді.

- Біз ағындарды бөліп, оларға сәйкес жұмысты үш топқа бөлдік – құжаттарды қабылдау, өңдеу және беру, - дейді ол. 

Демекші, қызметті алғаннан кейін арнайы tachpad көмегімен қызмет көрсету сапасын бағалауға да болады. Егер клиенттің қөрсетілген қызметке көңілі толмаса, бұл ақпарат дереу бөлім басшысына және жағдаяттық орталыққа жіберіледі, олар, өз кезегінде, көрсетілген қызметтердің уақытылы және сапалы болуына бақылау жасауға арналған. Шынайы уақыт режімінде видеобақылау көмегімен қаланың барлық үш ауданындағы статистика бақыланады. Орталық мониторда бір күн ішінде көрсетілген қызметтер саны ғана емес, тіпті күту режіміндегі адамдар саны да көрінеді.

Тұрақты комиссияның көшпелі отырысына мәслихат хатшысы Ж.Г.Нұрпейісов, депутаттар, басқа тұрақты комиссиялар мүшелері, қалалық мекемелер басшылары, бұқаралық ақпарат құралдарының өкілдері қатысты.