Мемлекет басшысының сөзін депутаттар қолдады

Қалалық мәслихат депутаттарымен кездесуге Қазақстан Республикасының Парламенті сенатының депутаттары Толебек Мукашев, Владимир Редкокашин, Бактыбай Чельпеков келді, шақырылғандардың арасында Астана қаласы Қоғамдық кеңесінің төрағасы Сансызбай Есилов та болды.

«Қазақстанның мәслихат депутаттарының бірлестігі» республикалық қоғамдық бірлестігінің төрағасы, Қазақстан Республикасының Парламенті сенатының депутаты Толебек Мукашев депутаттарды ел конституциясына енгізу ұсынылған өзгерістермен таныстырды.

Қалалық мәслихат депутаты Мажит Шайдаров қонақтармен сәлемдескеннен кейін Қазақстан Республикасының президенті Н.Ә.Назарбаевтың Үкіметке, Парламентке және басқа да атқарушы билік органдарына көрсетіп отырған зор сенімі туралы айтты. Бұл фактіні әлеуметтік-экономикалық үдерістерді реттеу бойынша көптеген өкілеттіліктерді жүктеу туралы шешімі растайды.

- Билік өкілеттілігін қайта жіктеу және тұтас саяси жүйені демократияландыру демократиялық қоғам қалыптастыру жолындағы тарихи оқиға болып табылады. Президенттің өзі айтып кеткендей: «Мықты президенттік тірек өзін толықтай ақтады, енді жауапкершіліктің көп бөлігін Үкімет және Парламент алады». Енді біздер көрсетілген сенімді қойылған міндеттерді жүзеге асыру арқылы ақтауымыз тиіс. Бұл мемлекеттік басқарудың заманауи жүйесін қалыптастыру үшін қажетті маңызды қадам, - деді ол.

Зулфухар Султанович Гаипов Президенттің жолдауы мемлекеттік аппарат халыққа қызмет етуі үшін жұмыс жасаған президенттік тіректің маңыздылығының тағы бір дәлелі болғанын айтты. Депутат уақыт өте келе әр мемлекет саяси жүйесін жаңартатынын және біздің Елбасымыз дәл уақытында Парламент мен Үкіметтің өкілеттілігі мен рөлін күшейтіп отырғанын атап өтті. Ол қатысып отырғандарға 2015 жылы Мемлекет басшысының бес институционалдық реформасы қабылданғанын, мұнда «бағынышты Үкімет» және «Заңның үстемдігі» ұғымдары айтылған – бұл біртіндеп саяси жаңарту жолындағы нақты қадамдар болды. Депутат  З.С.Гаипов отырыстың барлық қатысушыларын Президент жолдауын қолдау мақсатында халыққа түсіндірме жұмыстарын жүргізуді күшейтуге шақырды.

Өз кезегінде халық қалаулысы Мирас Шекенов Ұлт көшбасшысы өзінің жолдауымен мемлекет институттарын нығайту мен биліктің барлық тармақтарындағы жауапкершілікті күшейтудің жаңа бағдарын анықтағанын айтып кетті.

- Саяси жүйе реформасы іс жүзінде басталды дап айтуға болады, биліктің көп орталықтығы тренді анықталды, - деп түсіндірді ол, - Парламент мәжілісінің билікті қалыптастырудағы рөлін кеңейту және Парламенттің бақылау өкілеттілігін күшейту – бұл барлық тармақтардың тиімді жұмыс жасап, олардың арасындағы тепе-теңдікті қалыптастыру үшін қажет.

Үкіметке Мемлекет басшысының мемлекеттік бағдарламаларды бекіту, барлық органдардағы жұмыскерлердің қаржыландыру мен еңбек ақы төлемінің бірыңғай жүйесін қалыптастыру секілді өкілеттіліктерін беру ұсынылып отыр, оларды үкімет мемлекет басшысымен кеңесу арқылы жүзеге асыратын болады.

- Тағы бір маңызды тармақты айтып кеткім келеді, ол – конституциялық қатар негіздерін қорғау механизмін күшейту. Дүние жүзіндегі қазіргі ахуалды ескере отырып, еш уақытта, тіпті негізгі заңды қайта қарастырған жағдайда да өзгермейтін конституциялық құндылықтар тізімін толықтыру ұсынылған. Олардың қатарына мемлекет тәуелсіздігін жатқызу ұсынылып отыр, - деп қосты Мирас Шекенов.

Ел президентінің жолдауы түріндегі тарихи сәттің маңыздылығы туралы Қазақстан Республикасы Парламенті сенатының депутаты Владимир Редкокашин де тоқталып кетті.

- Ол логикалық мәні бар жағдай. Тәуелсіз еліміздің тарихында Президент біздің қоғамды демократияландыруға үнемі мән беріп келген. Әлем тарихында өзінің белгілі өкілеттіліктерін алып, оларды Парламент жұмысы немесе жергілікті өзін-өзі басқару үшін берген көптеген көшбасшылар бар.

Владимир Редкокашин, Президенттің мұндай қадамын түсіндіре келе, біздің қазіргі тарихымызды еске алуды ұсынды, ол кезде қатал мақсатты бағытталған билік болмаған жағдайда қазіргі таңда әлем мойындап отырған мемлекетті қалыптастыру мүмкін болмас еді деп айтып кетті.

- 2007 жылды естеріңізге түсіріңіздер, осы жылы мәслихаттарға қосымша өкілеттілік беріліп, біз, депутаттар қоғам өмірінің әр түрлі үдерістеріне ықпал ете алдық. Осы үрдіс бүгінгі таңда да жалғасын тауып отыр. Елбасы әрбір азаматқа жаңа Қазақстанды қалыптастыруға, басқаруға қатысуға мүмкіндік беріп отырғандықтан бұл құрметтеуге лайықты жағдай.

Кеңейтілген отырыс қорытындысы бойынша барлық деңгейдегі мәслихат депутаттарының сайлаушылармен кездесуін ұйымдастыру, кеңейтілген түсіндірме жұмыстарын жүргізу және конституциялық реформалар бағдарламасына ұсыныстар қалыптастыру туралы шешім қабылданды.