Астана мәслихатының ұсынымдары мен хаттамалық тапсырмаларының орындалу барысы туралы

Қалалық мәслихатта Алтыншаш Табулдинаның төрағалығымен әлеуметтік-мәдени даму мәселелері жөніндегі тұрақты комиссияның отырысы өтті.

Тұрақты комиссия отырысы барысында «Нұр-Сұлтан қаласы мәслихатының әлеуметтік-мәдени даму мәселелері бойынша 2021 жылға арналған ұсыныстары мен хаттамалық тапсырмаларының орындалу барысы туралы» мәселе талқыланды.

Бірінші болып «Нұр-Сұлтан қаласының Дене шынықтыру және спорт басқармасы» ММ басшысы Самат Жылқыбаев баяндама жасады, ол спорт саласындағы әрбір МЖӘ жобасының тиімділігіне бюджеттік, коммерциялық, қоғамдық, салалық бағалау жүргізу жөніндегі ұсынысқа қатысты басқарманың «Дене мүмкіндіктері шектеулі адамдарға арналған паралимпиадалық жаттығу орталығы мен «Тарлан» Мұз аренасының қызметін ұйымдастыру» және «Қазақстан» спорт сарайын зияткерлік технологияларды қолдана отырып жаңғырту және кейіннен пайдалану» - екі МЖӘ жобаларын іске асырып жатқанын хабарлады.

Жылқыбаев Мемлекеттік-жекешелік әріптестік жобаларын жоспарлау қағидаларының 181-188-тармақтарына сәйкес МЖӘ жобаларының іске асырылуын бағалауды жүргізу үшін мемлекеттік жоспарлау жөніндегі орталық уәкілетті орган МЖӘ дамыту орталығын тартатынын атап өтті. МЖӘ жобаларын іске асыруды бағалау нәтижелері МЖӘ жобаларын басқару сапасын жақсарту жөніндегі ұсынымдарды қамтитын есепте көрсетіледі.

Депутат Азамат Айтхожин следж-хоккейді дамыту, сондай-ақ басқарма қызметін ақпараттық жариялау мәселесіне байланысты спорт басқармасының жазбаша жауабының жоқтығына байланысты ескерту жасады. Нәтижесінде федерация әлі күнге дейін басқарма, мемлекеттік орган ретінде қоғамдық ұйымдарды қаржыландырмайтыны туралы білмейді. Федерация - бұл қоғамдық ұйым. Қажымұқан Мұңайтпасов атындағы стадионды жөндеу мәселесі бойынша да ештеңе белгісіз. Одан әрі депутат басқарма хоккей, теннис және т.б. жаттығулар үшін спорт алаңдарының есебін жүргізіп жатыр ма деген сұрақ қойды, барлық спорт алаңдарының тізімі қажет. Федерация спортшылары медициналық тексеруден өтуді қаламайтыны белгілі, федерация өкілдерінің шағымдары көп, оларға үнемі бір нәрсе бөлу керек. Кездесу өткізіп, барлық қойылған сұрақтарға егжей-тегжейлі жауап беру керек.

Депутат Ләззат Разбекова-Төлеуханова тиімділікті қоғамдық бағалауға қатысты жауаптың жоқтығына наразылық білдірді. МЖӘ жобаларының пайдасы неде? Оның пікірінше, депутаттарға терең талдау емес, іс-шаралар тізімі ұсынылған.

Тұрақты комиссияның төрағасы Алтыншаш Табулдина спорт саласындағы әрбір МЖӘ жобасының тиімділігін бағалауға талдау жасалмағанына қатысты әріптесінің наразылығын қолдады.

Мәслихат хатшысы Ерлан Каналимов Қазақстан сарайын жөндеу мәселесі үш жыл бойы шешілмей келе жатқанын, жұмысты екі бөлікке бөліп, бірінші кезекте ғимаратқа демонтаж жасаумен айналысып, мәселені шұғыл түрде шешу керектігін атап өтті. Қала тұрғындары үшін спорт алаңдарына қандай көлемде, қай уақытта тегін бару мүмкіндігі туралы нақты ақпарат қажет. Келесі аптада спорт саласында жан басына қаржыландыру жобасын қарау қажет.

Федерацияларды қаржыландыру мәселесі бойынша қызметтің басым бағыттарын айқындау қажет, 107 федерация бұл қала үшін тым көп. Сондай-ақ, Каналимов басқармаға әр мектепте, мектепке жапсарлас үй-жайларда спорттық сыныптар ашу мәселесін зерттеуді ұсынды, ресейлік оң тәжірибені қарастыруға болады (Пермь). Мәселені осылайша шешу қала бюджетінен қаржыландыруды азайту мәселесін түбегейлі шешеді, мәселен үлкен спорт мектептерінің құрылысы бюджетке әлдеқайда қымбатқа түседі.

Мәслихат хатшысы 16 сәуірде экологиялық марафон басталатынын, тұрғындар үшін аудандар бойынша алдын ала ақпарат дайындау керектігін еске салды. Ол үшін осы ақпаратты таратуға белсенділердің көмегін пайдалануға болады. Спорт басқармасы бойынша брошюра қажет, онда объектінің деңгейі көрсетілген (қалалық/республикалық) спорт объектілері бойынша ақпарат орналастырылады.

Қалада спорт кешендерін салуға дайын инвесторлар бар және оларға құрылыс үшін жер телімдері қажет. Жыл өтті, ал жұмыс әлі жүргізілген жоқ.

Депутат Владислав Сергеев елордада спортты дамытудың бірнеше кезеңін атап өтті. Шаңғы базасы бойынша мәселе ұзақ уақыт бойы шешілмей келеді, қазір жастар мен балалар жертөледе жаттығуда, мәселені шешу бағасы 60-70 млн., байдарочниктермен біріктіруге болады. Ол жеңіл ангар салуды ұсынды, бюджеттік өтінімді талқылау барысында бұл мәселені шешу қажет. Депутат БЖСМ рейтингі, қол жетімді спорт туралы және т.б. ақпарат орналастырылатын бірыңғай ақпараттық портал құруды ұсынды. Депутаттар қолдауға дайын, өйткені спорт денсаулықпен тікелей байланысты, және де ол үшін көп қаражат қажет емес.

Депутат Талғат Қожахметов Astana Energy management компаниясының Барыс-Аренаны басқаратынын, оларға жыл сайын 3,6 млрд.теңге бөлінетінін айтты. Бірақ депутаттарға әкімшілік шығындар туралы ақпарат ұсынылмаған, оған қоса олар қосымша тағы 1 млрд. теңге сұрап отыр. Сондай-ақ, депутат дене шынықтыру-сауықтыру кешендерін (ДШСК) күтіп-ұстау мәселесін көтерді, екеуі іске қосылған, тағы 2-уі іске қосылады. Депутат келесі жылға қосымша қаржыландыру талап етілмеуі үшін ұстауға жылына қанша қаражат қажет болатынын алдын ала бірге есептеуді ұсынды. Коммерциялық құраушысын жақсарту үшін, ол балалар жаттығуынан кейін ДШСК үй-жайларын ересек тұрғындар үшін жалға беруге пайдалануды ұсынды. Мәселен, объектіні күтіп-ұстауға қажетті 120 млн. теңге қаражатты ДШСК-дер өздері табатын болады.

Қоғамдық денсаулық сақтау басқармасы басшысының орынбасары Әлия Рүстемова сөз сөйледі. Ол депутаттарға хаттамалық тапсырмалардың орындалуы туралы ақпарат берді.

№12 емхананы жөндеу мәселесі ол ШЖҚ МКК болып табылатындықтан, кәсіпорын ретінде жөндеуді өз қаражаты есебінен жүзеге асыруы тиіс екендігіне байланысты созылған, осыған байланысты жөндеуді жүзеге асыруға өтінім қабылданбаған.

Мәслихат хатшысы денсаулық сақтау мәселелері отырыстарда бірнеше рет егжей-тегжейлі қаралғанын атап өтті, сондықтан басқарма Кешенді жоспарды орындау бойынша нақты жұмыс істеуі керек. Балалардың денсаулығын сақтау мәселелері жалпы жоспарға енген жоқ, сондықтан балалар жоспарын бөлек дайындау керек. Сондай-ақ, бірінші кезекте медициналық қызметкерлерге арналған жатақханалар салу, бюджеттік негізде оқитын стипендиаттар (әкімнің гранттары) бойынша мәселелерді шешу қажет. Грант алушылармен жасалған шартта олардың міндеттемелері бойынша тармақтар жоқ, бұл мәселені білім басқармасымен бірлесіп пысықтау қажет. Теміржол ауруханасын жөндеу мәселесін шешу керек. Бұл басқарма үшін минимум бағдарлама.

Тұрақты комиссияның төрағасы Алтыншаш Табулдина инвесторға қайда баруға болатынын көру үшін электронды картаға ақпарат дайындау бойынша ұсынымдарды еске салды. Профилакторий салу басқарманың құзыретінде емес, бірақ осы мәселе бойынша ұсыныстар дайындау қажет.

Жұмыспен қамту және әлеуметтік қорғау басқармасының басшысы Сәуле Нұрғожина сөз сөйлеп, 6 позиция бойынша тапсырмалар болғанын, барлығы орындалғанын хабарлады.

Депутат Ләззат Разбекова-Төлеуханова басқарма бойынша 20 ұсыныс болғанын және жетім балалар мәселесі, тастанды балаларды құжаттандыру, жетім балаларды күтіп-бағу мәселелері шешілмегенін атап өтті.

Депутат Нұрдәулет Оразхановтың пікірінше, кейбір жауаптар іс жүзінде жай ғана сырғытпа жауап болып отыр. Мәселен, мүгедектер үшін автокөліктің қолжетімділігі, инватакси жұмысы туралы мәселелер шешілмеген. Автобустарда, вокзалдарда және т.б. басқарма жұмысы туралы ақпарат қажет. Депутаттар кейбір мәселелер басқарманың құзырында емес екенін түсінеді, бірақ халық бұл мәселелерді көп жылдар бойы көтеріп келе жатқандықтан, басқарма тарапынан министрлікке бастамашылық жасау маңызды.

Мәслихат хатшысы Ерлан Каналимов депутаттар басқарманың штаты үлкен емес екенін білетінін атап өтті. Бірақ басқарма күшімен инватакси мәселесін шешуге болады, мәселен 15 азамат өтінім орналастыру жөнінде өтініш берген. Мәселе мынада, операторлар күніне екі-үш сағат қана жұмыс істейді. Тәулік бойы болмаса да, жұмыс күні ішінде бұл қызмет қолжетімді болуы керек. Оңалту орталықтары ересектер мен балалар үшін бөлек болуы тиіс. Бұдан әрі мәслихат хатшысы сайтта орналастырылған техникалық құралдардың сапасын кім бақылайтыны, тек 2 маман ғана баптайтын арбалардың, есту аппараттарының сапасын кім бақылайтыны туралы сұрады. Бір жылдан, алты айдан кейін істен шығып қалатын техникалық құралдардың жұмыс істеу мерзіміне қатысты өтініштер көп. Егер басқармаға депутаттардың көмегі қажет болса, барлық мәселелер бойынша министрлікке сұрау салу ұйымдастырылады. Мәслихат хатшысы өткен жылы мүгедектердің 15 қоғамдық ұйымымен (ересектер мен балалар) кездесу өткенін, мәселелердің шешілген-шешілмегенін түсіну үшін осындай іс-шараны ағымдағы жылдың мамыр айының соңында өткізуге болатынын айтты.

Білім басқармасының басшысы Қасымхан Сенғазыев басқарманың атына 38 ұсыным келіп түскенін хабарлады.

Қ. Сенғазыев мектепке дейінгі білім беру ұйымдарының қызметін бағалау критерийлерін әзірлеу мақсатында ата-аналар үшін қолжетімді және қаржылық салымдарды талап етпейтін Colibri мобильді қосымшасы әзірленгенін хабарлады. Тасталған, бас тартылған балаларды құжаттандыру үшін бірқатар мемлекеттік ұйымдармен меморандумдар жасалды, іс-қимыл алгоритмі әзірленді.

Мектеп бейнебақылау камераларын жедел орталыққа қосу мәселесі бойынша Сенғазыев бүгінде барлық дабыл түймелері орталыққа (90-нан астам мектеп) қосылғанын хабарлады. Жаңғырту орталығының қызметі туралы мәселе бойынша білім беру басқармасының басшысы қайта құру жүзеге асырылып жатқанын, атауы Білім берудің әдістемелік орталығы болып өзгергенін, әкімшілік аппараты айтарлықтай қысқарғанын, орталықтың мақсаттары мен міндеттері өзгертілгенін, сыртқы және ішкі өлшегіштер арқылы кадрлық әлеуетті дамыту және оқу-тәрбие процесінің сапасын жақсарту бойынша шаралар жүзеге асырылғанын атап өтті. Қала мектептері үшін БҒМ-мен, Ы. Алтынсарин атындағы ҰБА-мен, НЗМ-мен бірыңғай қалалық платформа әзірленетін болады.

Депутат Гүлжамал Жапарова мектепке дейінгі білім беру ұйымдарының көптеген педагогтары бүгінде оқытудың интерактивті әдістеріне дайын емес екенін айтты. Интерактивті құмсалғыштардың, сенсорлық тақталардың, компьютерлердің жетіспеушілігі біліктілікті арттыру курстары барысында алынған білімнің пайдасыздығына әкеледі. Депутат балабақшаларды жабдықтау мәселесі қалай шешіліп жатқаны туралы сұрақ қойды.

Мәслихат хатшысы Ерлан Каналимов білім басқармасының басшысына мамыр айында 19 мектепті аралап шығуды жоспарлап, білім беру нысандарына бару кестесін ұсынуды тапсырды. Каналимовтың пікірінше, оқулықтар мәселесі өзекті мәселе болып табылады және тез арада шешуді талап етеді. Депутаттар бұл министрліктің бағдарламасы екенін біледі, бірақ мектептердің үздік педагогтері арасында сауалнама жүргізу қажет. Мәселен, бірінші сыныпта балалар 6 түрлі әліппемен оқиды. Сондай-ақ, мектептердің шағын учаскелерін қайтару қажеттілігі бар, 60-70 мың бала тұратын саяжай учаскелеріне қатысты проблемалар бар. Мектепке барудың осал тұстарының барлығы көрсетілмеген. Мүмкіндігі шектеулі балаларды оңалту мәселесі бойынша Каналимов қалада қарапайым мектепке баруға мүмкіндіктері болу үшін ерте көмек ала алмаған 10 мың бала бар екенін атап өтті. Мұндай көмекті 5 жасқа дейін алу маңызды. Кадрларға қатысты мәселе - қазір бірқатар мамандықтар қажет емес, бірақ оларды қала колледждерінде дайындау жалғастырылуда, алайда өте қажет мамандықтар да бар. Тәсілдемелер бірнеше жыл бойы өзгермей келеді. Жұмыс тобына депутаттарды қосып, қала колледждері дайындайтын мамандықтар тізімін қайта қарау керек.

Алтыншаш Табулдина ескі мектептер бойынша ЖСҚ әзірлеу талап етілетінін, басқарманың жағдайды қалай бақылайтынын және жазбаша түрде жауап дайындауды сұрады.

Депутат Динара Байсеркина №57 және №13 мектептер маңындағы футбол алаңдарының құрылысы бойынша сұрақ қойды.

«Нұр-Сұлтан қаласының Мәдениет басқармасы» ММ басшысының орынбасары Жаңабай Мейірманқұлов 10 ұсынымның орындалғаны туралы баяндады. 4 кітапхананы жөндеу жоспарлануда, қосымша қаржыландыру талап етіледі. Кітапханаларда бейнебақылау камераларының болмауы, кітапханашылардың жалақысын арттыру мәселелері шешілуде.

Депутат Айтжан Әбдіров Мәслихат ұсынымдарының тізілімінде күнін көрсетуді ұсынды. Депутаттың пікірінше, балалар кітапханасын жаңғырту жобасы бойынша мәселелер бар, процестің мазмұны түсініксіз. Жалақыны арттыру бойынша нақты шешімдер ұсынылмаған. Сондай-ақ, ескерткіштерді күтіп-ұстау мәселелері бар, басқарма ескерткіштерді жөндеуді қандай негізде жоспарлап отыр. МЖӘ жобаларының жұмысы бойынша да ақпарат жоқ. Мәдениет саласындағы әрбір МЖӘ жобасының тиімділігін бағалау мәселесіне келетін болсақ, Қадамдық жоспар әзірленген, бірақ мерзімдері бойынша сұрақтар бар, 2025 жылға дейінгі перспективалық стратегия жоқ. ЖСҚ әлі әзірленбеген. Шығармашылық үйірмелерге қатысатын балаларды қамту мәселесі бойынша, бұл жобаның даму перспективасы туралы ақпарат жоқ. Креативті индустрия орталығы бойынша ақпарат жоқ, іс-шаралар тізбесі, іске асыру мерзімдері көрсетілмеген, талдау жоқ. Сондай-ақ, амфитеатрға бюджеттік қажеттілік анық емес, бұл жаңа қажеттілік пе, әлде ескісін қайта қарау ма. Депутаттың пікірінше, мәдениет басқармасында мәселелерді шешудің жүйелі тәсілі жоқ.

Тұрақты комиссияның төрағасы Алтыншаш Табулдина депутаттар үлкен жұмыс атқарғанын, әрбір есепті зерделеп, талдағанын атап өтті. Ол халық тарапынан айтылған проблемалар мұқият талдауды қажет ететінін, ол басқармалардың алдағы жұмысына көмектесетін атап өтті.