Бюджет қаражатын тиімді пайдалану мәселелері бойынша жария тыңдаулар

Қалалық мәслихатта Ерлан Каналимовтың төрағалығымен жария тыңдаулар өтті.

Күн тәртібінде "Электрмен жабдықтау объектілерін, сондай-ақ инженерлік желілерді (электрмен жабдықтау, жылумен жабдықтау, газбен жабдықтау және сумен жабдықтау) абаттандыруға, салуға, көгалдандыруға және санитариялық тазалауға бөлінген бюджет қаражатын тиімді пайдалану жөніндегі шаралар туралы" мәселе.

Бірінші болып көлік және жол-көлік инфрақұрылымын дамыту басқармасының басшысы Жансұлтан Сапарбаев баяндама жасады, ол депутаттарға 2021 жылы басқармаға 75,5 млрд.теңге бөлінгені, оның 66,6 млрд. теңгесі орындалғанын, қалғаны 8,9 млрд. теңге екені, оның 2,8 млрд. теңгесі РБ-дан бөлінгені туралы ақпарат берді. Бюджеттің ағымдағы атқарылуы шамамен 88,1% - ды құрайды.

Ағымдағы жылы инженерлік желілердің құрылысына 29 жобаны іске асыруға 33,3 млрд.теңге бөлінді, 23 жоба бойынша жұмыстар аяқталды. Жалпы ұзындығы 89,2 км құрайды, оның ішінде шаруашылық-тұрмыстық кәріз 18,1 км, нөсер кәрізі 18 км, су құбыры 17 км, сыртқы жарықтандыру 5,2 км, электрмен жабдықтау 13,9 км, жылу желісінің ұзындығы 5 км.

Отын-энергетикалық кешен және коммуналдық шаруашылық басқармасының басшысы Төлеген Құлышев сөз сөйледі. Ол бюджеттік-инвестициялық жобаларды ұйымдастыруға 2021 жылы 51 млрд.575 млн. теңге бөлінгенін, оның 36 млрд. 459 млн. теңгесі игерілгенін атап өтті. Электрмен жабдықтау саласында 10 жоба іске асырылуда, электрмен жабдықтау жүйесін салуға және қайта жаңартуға 1,7 млрд.теңге бөлінді, жыл соңына дейін 2 жобаны аяқтау жоспарлануда. 20 дана ТП, ТП-ны қайта жаңарту қажет.

2021 жылға 5 млрд.теңгеден астам қаржы бөлініп, 4,4 млрд. теңгесі игерілді. Газбен жабдықтауға 10,4 млрд.теңге бөлінді. ЖЭО-1-де 7 қазандық газбен жұмыс істейді, сондай-ақ барлық қазандықтардың жұмысы қамтамасыз етілді.

Сумен жабдықтау және су бұру жүйесіне 23 млрд.теңге бөлініп, 6,5 млрд. теңгесі игерілді. "Астана қаласындағы су құбыры желілерін салу және қайта жаңарту" жобасы бойынша. 1-ші көтерме сорғы станциясынан қаланың ССС-ға берілетін су құбырын, 1-ші көтерме СС учаскесінен т.а. дейін қайта жаңарту. Теміржол - 11,7 млрд.теңгенің 3,7 млрд. теңгесі игерілді.

Шикізаттың, материалдар мен жабдықтардың күрт қымбаттауына байланысты, 1-ші көтермедегі сорғы станциясынан Теміржол т. а. дейін беруші су құбырын салу бойынша  жұмыстар жобаны түзетуге байланысты тоқтатылды. "Астана қаласындағы кәріз желілерін салу және қайта жаңарту. Е429 к-сі бойынша Е32 к-сінен кәріздік тазарту құрылыстары алаңына дейін магистральдық кәріздік коллектор мен кәріздік сорғы станциясының құрылысы" (құрылыстың 1-кезегі) жобасы бойынша 5,2 млрд.теңгенің 1,4 млрд. теңгесі игерілді. "Интернациональный кентінің жаңа сорғы-сүзгі станциясының құрылысы" жобасы бойынша ағымдағы жылы қаржыландыру қарастырылмаған. Мердігер жұмыстарды өз қаражаты есебінен жүргізуде.

Мәслихат хатшысы Ерлан Каналимов жария тыңдауларға қатысушылардың назарына ОЭКБ бойынша өтініштерге талдау жүргізілгенін жеткізді. Сумен жабдықтау мәселелері бойынша өтініштер санының айтарлықтай өсуі байқалады (50% - ға), 26 мың өтініш болған, қазір 41 мың өтінішке жетті. Жүйелік сипаттағы қателіктер жіберілуі мүмкін. Ағымдағы жылы суық, ыстық судың болмауы, әлсіз қысым, құбырдың жиі жарылуы, үзілістер, тоттанған су, судың ағуы және т. б. мәселелер бойынша өтініштер жиілеп кетті.

Мәслихат хатшысы тұрғындардың ажыратудан 2 сағат бұрын ғана хабарланатын жоспарлы жөндеу жұмыстарына қатысты шағымдармен жүгінетінін атап өтті. Жоспарлы ажыратулар барысында жұмыс регламенті қажет. Бұрын әлеуметтік желілерде схемаларды, маршруттарды, бригада жетекшісінің аты-жөнін, оның телефондарын көрсете отырып, ажырату кестесі орналастырылатын.

Талдау нәтижелеріне сәйкес өтініштердің 59% - ы ӨЭК қызметіне тиесілі. Ерлан Каналимов қалада қанша кезекші бригада жұмыс істейтінін сұрады, 40 мың тұрғын жеке секторда тұрады, өтініштердің 56% - ы дәл осы жеке сектордан түскен. Ведомстволық бағынысты ұйымдар бюджетті нақтылау кезінде қосымша қаржыландыру сұраған кезде, мәслихат депутаттары барлық ұсыныстарды қолдайды.

Мәслихат хатшысы ОЭКБ ведомстволық бағынысты ұйымдары басшыларының жария тыңдаулар өткізуге нашар дайындалғанына байланысты наразылығын білдірді.

Қоршаған ортаны қорғау және табиғатты пайдалану басқармасының басшысы Әлия Қожабаева сөз сөйлеп, абаттандыру шеңберінде "Нұр-Сұлтан қаласының аумағында жаяу жүргіншілер аймақтарын қайта жаңарту және қоғамдық кеңістікті үйлесімді, жайлы жайластыру" объектісінің құрылысы жүргізіліп жатқанын атап өтті. Республика даңғылынан Қазақ драма театрына дейінгі учаскеде "Театральный" бульвары, заманауи субұрқақтар, ойын-сауық және ойын аймақтары, балалар алаңдары және шағын сәулет нысандары салынды. Объектінің барлық аумағы көше жиһаздарымен, орындықтармен, қоқыс жәшіктерімен және заманауи дизайндағы шамдармен жабдықталған. 6 жобаны жобалау бойынша жұмыстар басталды.

2021 жылы Нұр-Сұлтан қаласының аумағында жоспарлы отырғызу аяқталды, барлығы 1 065 568 дана жасыл желек отырғызылды.

Астананың әкімшілік шекараларындағы Есіл өзені мен оның салаларының су айдынын санитарлық тазалау жұмыстарын Нұр-Сұлтан қаласы әкімдігінің "ЖасНұр" ӨШК" МКҚК мердігерлік ұйымы жүргізеді.

2021 жылы Есіл өзені мен оның салаларының су айдынын санитарлық тазалау жұмыстарына 299 000 мың теңге бөлінді. Ағымдағы жылдың желтоқсан айында су объектілерін қысқы күтіп ұстау, көпірлер, құбырлар астын қоқыстардан тазарту, арналардың қоқыстарын, мұздардан тазарту жұмыстары жүргізіледі.

Депутат Нұрәулет Оразханов соңғы үш жылдағы өтемдік көшет отырғызу санына қатысты сұрақ қойды. Қағидаларға сәйкес 2 жыл ішінде жасыл желектерге күтім жасау қамтамасыз етілуі тиіс, аудан әкімдіктерінің теңгеріміне беру қалай жүргізіледі, жер учаскелерін беру қандай қағидат бойынша жүргізіледі, әкімдіктерде отырғызу бойынша кәсіби ұсыныс бере алатын мамандар бар ма? Сондай-ақ, ол Заречный т/а-дағы жағдай туралы сұрады, қазіргі уақытта онда жылу трассасы тартылуда, басқармада шағын саябақтың толығымен кесіліп тасталған жасыл көшеттерінің саны туралы мәліметтер бар ма?

Мәслихат хатшысы өтемдік көшет отырғызу бойынша соңғы үш жылда бір ай ішінде қала аудандары бөлінісі бойынша талдау дайындауды ұсынды. Өтемдік көшет отырғызу орындарына баруды БАҚ-тың қатысуымен келесі жылдың сәуір айында ұйымдастыруға болады.  Ол ағымдағы жылы Л.Гумилев атындағы ЕҰУ-нің 25 жылдығына арналған іс-шаралар барысында депутаттар салтанатты шараның қонақтарымен бірге өзенді балдырлар мен лалагүлдердің басып кеткенін, басқаша айтқанда өзеннің батпаққа айналғанын  көргендерін  атап өтті.  Сұр-қоңыр балдырларды жоюдың заманауи ғылыми әдістері қандай, жағалауды қайта жаңарту бойынша қандай жұмыстар жасалуда, есептеулер жүргізілді ме.

Активтер және мемлекеттік сатып алу басқармасының басшысы Ерсін Өтебаев сөз сөйледі. Ол жария тыңдауларға қатысушыларға 2020 жылы қаланың коммуналдық меншігіне 2 млрд.теңгеден астам сомаға 740 объекті, иесіз инженерлік желілер, соның ішінде су құбыры желілері, кәріз, жылу трассалары, өрт гидранттары, кабель желілері мен құдықтар қабылданғанын хабарлады. Бұл жұмыстың 2021 жылы жалғасын тапқанын атап өтті. 11 айда 1,8 млрд.теңге сомаға 158 объект қабылданды.

Сондай-ақ, басқарма тарапынан бюджеттік-инвестициялық жобаларды коммуналдық меншікке қабылдау бойынша жұмыстар және мониторинг жүргізілуде. 2015 жылы қабылданбаған бюджеттік-инвестициялық жобаларға толық талдау жүргізілді. 2016-2018 жылдары жұмыстар жүргізіліп, 2019 жылы 150 млрд.теңгеге, 2020 жылы - 120 млрд. теңгеге 430 объекті қабылданды.

Мәслихат хатшысы басқармаға иесіз қалған объектілердің жағдайын бақылауды және қаланың коммуналдық шаруашылығының теңгеріміне өткізуді жылдам жүргізуді ұсынды, бұл бағытта иесіз объектілер болмауы керек, олар не жекеменшікте не қаланың коммуналдық меншігінде болуы керек.

Депутат Нұрдәулет Оразханов Алматы ауданы әкімінің орынбасарына Қордай көшесіндегі скверге қатысты сұрақ қойды. Бұл сквер әкімдіктің назарынан тыс қалған. Депутаттың екінші сұрағы жазғы уақытта бизнес алаңына айналатын саябақтардың, скверлердің жағдайына қатысты болды, бұл ретте жасыл желектерге зиян келтірілуде.

Ерлан Каналимов аудан әкімдіктеріне мердігерлермен жасалған шарттарды мұқият зерделеуді және шарт тармақтары орындалмаған жағдайда оларды бұзуды ұсынды. Ол мораторийге және бақылау тетіктерінің жоқтығына сілтеме жасаудың орынды еместігін атап өтті, өйткені кез келген МЖӘ жобасының уақыттық шекаралары бар, сондықтан әкімдіктер санитариялық және өзге де қағидалардың сақталуын талап етуі тиіс. Өткен жылдың 1 маусымынан бастап барлық кәсіпкерлік объектілерінде заңға сәйкес кассалық аппараттар мен терминалдар болуы тиіс.

Депутат Азамат Айтхожин баяндамашыларға екі мәселе бойынша сұрақ қойды, біріншісі - сұлулық салонын ашу рәсімі бойынша, екінші мәселе - қысқы маусымда мұз төбешіктері мен мұз айдындарының ашылуына қатысты. Бұл қызмет лицензияланған ба, мұз төбешіктерінің сырғанауға қауіпсіз бұрышын қадағалай ма, бұл қызметті кім регламенттейді. Жазатайым оқиға болған жағдайда мұз айдынында сырғанау үшін кім жауап береді.

Мәслихат хатшысы ШБ субъектілерінің санитариялық жағдайды бұзу мәселелері бойынша жеке отырыс дайындауды тапсырды. Елордада барлығы жоғары деңгейде болуы тиіс. Ойын-сауық мекемелерінің жұмыс регламенті жоқ, бұл объектілерді ТЖД қабылдауы керек, барлық ұйымдардың жауапкершілігі регламентте жазылуы тиіс.

Ерлан Каналимов қазір көшелер мен аялдамаларды тазалау бойынша шағымдар азайғанын, кварталішілік аумақтар, тұрақ орындары, КПТК кіреберістері маңындағы аумақтар бойынша мәселелер бар екенін атап өтті. Әлемдік тәжірибеде қысқы кезеңде саябақтарды консервациялау қолданылады. Мұндай тәжірибе біздің қаламызда бар, Ботаникалық бақ өткен жылы консервацияда тұрды, бұл әкімшілікке үнемдеу есебінен басқа да өзекті мәселелерді шешуге көмектесті. 

Депутат Саят Батпенов әкімдіктерге орынды тәсілді таңдап, ауыр техниканы қыс мезгілінде саябақта жүргізбеуді, сондай-ақ қыс мезгілінде  барлық саябақтарды тоқтатып қоймауды ұсынды, өйткені адамдар спортпен айналысып, серуендеуі тиіс.