Елорданың үш жылдық бюджетінің жобасын талқылау басталды

Қалалық мәслихатта Талғат Нәрікбаевтың төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.

Тұрақты комиссияның отырысы барысында «2022-2024 жылдарға арналған бюджет жобасы туралы» мәселе талқыланды.

Экономика және бюджеттік жоспарлау басқармасының басшысы Қайсар Маңқараев депутаттарға ағымдағы жағдайды және елорданы дамытудың 2026 жылға дейінгі кезеңге арналған болжамды индикаторларын ескере отырып қалыптастырылған үш жылдық бюджеттің параметрлері туралы ақпарат берді.

2021 жылдың бірінші жартыжылдығында жалпы өңірлік өнімнің көлемі 2020 жылдың тиісті кезеңімен салыстырғанда 5,1% өсіммен 3,210 млрд. теңгені құрады, жалпы ішкі өнімдегі өңірдің үлесі - 10%.

Болжам бойынша түсімдер 2022 жылы 2021 жылға бекітілген бюджетпен салыстырғанда 18,5%-ға өсіп, 391 046,8 млн. теңгені құрайды. 2023 жылға арналған меншікті кірістер бойынша (азаматтарға пәтерлерді сатудан түсетін түсімдерді қоспағанда) бюджет болжамы 2022 жылғы болжамға қарағанда 31 001,1 млн.теңгеге немесе 8,1% өсіммен 416 0470,9 млн. теңге сомасында айқындалған. Нұр-Сұлтан қаласының 2024 жылға түсімдер бойынша меншікті кірістері 401 320,1 млн. теңге сомасын құрайды.

Полиция департаментінің үш жылдық кезеңге арналған шығыстарына -38 млрд. 834,7 млн. теңге, оның ішінде 2022 жылға 12 млрд. 944,9 млн. теңге көзделген.

Табиғи және техногендік сипаттағы төтенше жағдайлар, азаматтық қорғаныс саласындағы уәкілетті органдардың шығыстарына - 2 млрд. 459,5 млн. теңге, оның ішінде 2022 жылға 957,8 млн. теңге көзделген.

Нұр-Сұлтан қаласы әкімі аппаратының үш жылдық кезеңге арналған шығыстарына - 5 млрд. 711,1 млн. теңге, оның ішінде 2022 жылға 1 млрд. 903,7 млн. теңге қарастырылған.

Ішкі саясат басқармасының үш жылдық кезеңге арналған шығыстарына - 4 млрд. 895,8 млн. теңге; жастар саясаты мәселелері басқармасының үш жылдық кезеңге арналған шығыстарына - 1 млрд. 766,9 млн. теңге, дін істері жөніндегі басқармаға үш жылдық кезеңге 707,6 млн. теңге.

Үш жылдық кезеңге арналған бюджет жобасын талқылау барысында мәслихат депутаттары негізгі баяндамашыға және бюджеттік бағдарламалар әкімшілеріне сұрақтар қойды.

Депутат Талғат Қожахметов атап өткендей, бірінші кезекте ағымдағы бағдарламалар қаржыландырылатыны белгілі, ал Жол картасымен байланысты барлық даму бағдарламалары кешігіп қаржыландырылады. Отын-энергетикалық кешені, көлік және жол-көлік инфрақұрылымы, құрылыс басқармаларының мәселелері ағымдағы жылы жоспарланған қаржыландырусыз қалмайды.

Мәслихат хатшысы Ерлан Каналимов талқыланып отырған мәселе бойынша нақтылау енгізді, ол отырыста депутаттар ағымдағы және жергілікті қамту бойынша үш жылдық кезеңге жеткізілген лимиттердің ең төменгі сомаларын талқылайтынын айтты. Барлық әкімшілер бойынша дамудың негізгі бюджеті (жаңа құрылыс, күрделі жөндеу және т.б.) жалпы республикалық нақтылаудан кейін келесі жылдың мамыр-маусым айларында толықтырылатын болады. Жергілікті бюджет бойынша және жеке республикалық бюджет бойынша кемінде 4 түзету қабылданады.

Комиссия төрағасы Талғат Нәрікбаев әкімшілердің берген бюджеттік өтінімдері негізінде бюджет жобасы қалай қалыптастырылатыны жөнінде түсіндіруді сұрады. Қалалық Полиция департаменті (ПД) бюджеттік өтінімдермен жүгінді ме. Ол ПД ғимаратының жағдайы қанағаттанарлықсыз жағдайда болса да, күрделі жөндеу шығындарына өтініштің қабылданбағанына наразылық білдірді. Басты жауапты тұлға экономика және бюджеттік жоспарлау басқармасы болып табылады, және ол нақты жағдайды білуі керек, барлық мәселелерді өтінім әкімшілерімен бірге мұқият қарастыруы керек. Полиция ең қиын учаскелердің бірі үшін жауап беретіні белгілі, алайда ПД бюджеті тек 500 миллионға ұлғайтылған.

Депутат Гүлжамал Жапарова бүгінгі күні ПД қылмыстың деңгейін төмендету тұрғысынан жұмыс істеп жатқанын, бірақ ол жаңа сын-тегеуріндерге, киберқауіпсіздікті қамтамасыз етуге, мысалы, банк карталарымен түрлі алаяқтыққа дайын емес екенін атап өтті. Полиция жұмысын жаңғыртуға елеулі ақша қаражаты салынуы тиіс.

Мәслихат хатшысы Ерлан Каналимов қайта бөлу үш жылдық лимит аясында мүмкін екенін айтты. Қала әкімі депутаттардың ПД, ТЖД, Оңтүстік-Шығыс тұрғын алабын, денсаулық сақтау саласын дамыту басымдықтары жөніндегі бастамаларын қолдады. Осы 4 бағдарлама бойынша толық қаржыландыруға қол жеткізу қажет.

Елордалық Полиция департаменті бастығының орынбасары Госман Жакин сөз сөйлеп, депутаттарға 001 бағдарламасы бойынша үш жылдық кезеңге - 35 млрд.737,2 млн. теңге, оның ішінде 2022 жылға 11 млрд. 912,4 млн. теңге көзделгенін хабарлады. 003 бағдарламасы бойынша - 43,4 млн.теңге, оның ішінде 2022 жылға 14,5 млн. теңге қоғамдық тәртіпті сақтауға көмек көрсеткен азаматтарға (453 адам) сыйақы үшін қарастырылған. 004 бағдарламасы бойынша - 54,1 млн. теңге, оның ішінде 2022 жылға 18,0 млн. теңге ақпараттық-насихаттау жұмыстарын жүргізуге, есірткінің таралуын анықтауға және қысқартуға, есірткіге тәуелділер санын азайтуға көзделген. 007 бағдарламасы бойынша - 3,0 млрд. теңге, оның ішінде 2022 жылға 1,0 млрд. теңге қарастырылған.

Тұрақты комиссияның төрағасы Талғат Нәрікбаев ПД басшылығының Сарыарқа аудандық полиция бөлімінің ғимаратын сатып алуға қатысты бюджеттік өтінімді ұсынбауына қатысты наразылық білдірді. ПД негізгі міндеті - қауіпсіздікті қамтамасыз ету, бірақ бұл жұмыстың сапалы орындалуы үшін белгілі бір жағдайлар қажет. Ювеналды полиция инспекторларының саны азайған, бұл ІІМ мәселесі, бірақ көптеген жылдар бойы жинақталған мәселелерді шешу үшін ПД орын алған проблемалар туралы мәлімдеуі керек.

Депутаттар мектептердің бір бөлігін бейнебақылау жүйесіне қосудың кеш мерзімін атап өтті, ол бағдарламаны жаңартуға байланысты кешіктірілді, полиция қызметкерлерінің жалақысын (30%) әскери қызметшілер деңгейіне дейін (60%) арттыру қажеттілігін, сондай-ақ Сарыарқа ауданының АІІБ ғимаратымен проблемаларды жедел шешу қажеттілігі, себебі ғимарат апатты жағдайда.

Елорданың Төтенше жағдайлар департаментінің бастығының орынбасары Дамир Ермағамбетов үш жылдық кезеңге арналған 005 бағдарламасы бойынша болжамды шығыстарға - 2 млрд.459,5 млн. теңге, оның ішінде 2022 жылға – 957,8 млн. теңге көзделгені туралы ақпарат берді. Сондай-ақ ол үш жыл ішінде кейіннен сатып алу құқығымен жалға алынған өрт сөндіру техникасын кезең-кезеңімен өтеуді (10 бірлік және 48 бірлік 2 лизинг) аяқтау жоспарланғанын атап өтті.

Ғимараттарды жөндеуге, техника сатып алуға қатысты мәселелер шешіледі, қызметкерлердің жалақы деңгейіне, қызметкерлерді әлеуметтік қамтамасыз етуге және сақтандыруға қатысты мәселелерге назар аудару маңызды, бұл мәселелерді шешу ТЖД кадрлық әлеуеті мәселесін де шешеді, деп есептейді депутат Назгүл Мақжанова. Көп ақша көгалдандыруға, қаланы мерекелік безендіруге және т.б. жұмсалады, ал базалық қажеттіліктер, мысалы, жалақыны көтеру мәселесі кейінге шегеріліп қалады.

Депутат Владислав Сергеев әріптесін қолдап, білім беру, спорт, мәдениет нысандарын қаржыландыруды мұқият қарау туралы ұсыныс жасады, оны көбіне орынды деп айтуға болмайды. Мысалы, ДСК 1 млрд. теңге бюджет құнын құрайды, бұл ретте БҚО-ның тәжірибесі туралы айта кету керек, онда спорт мекемелері 92 млн. теңгеге салынып жатыр. Құрылыс басқармасы объектілерді минималды шығындармен салудың оң тәжірибесін зерттеуі керек.

Әйтпесе, спорт нысандарының санын және сәйкесінше олардың қолжетімділігін арттыру міндеті ұзақ уақыт бойы жүзеге асырылатын болады.

Депутат Бауыржан Жанқонақов ТЖД бастығының орынбасарына арнайы техника құнының мониторингіне қатысты сұрақ қойды (6 млрд. теңге сомасына 8 автомобиль). Осы мәселе бойынша мониторинг жүргізілді ме және ТЖД қандай жұмыстар атқарды.

Тұрақты комиссияның төрағасы Талғат Нәрікбаев ТЖД атқарылған жұмыстар туралы ақпарат беруді ұсынды.

Қорғаныс істері жөніндегі департаменттің бастығы Мұрат Берікболов сөз сөйлеп, Байқоңыр ауданының әскерге шақыру пункті бойынша проблема бар екенін айтты, өйткені ғимараттың екінші қабаты жеке меншік иелігінде (Иманбаев көшесі, 17). Сарыарқа және Есіл аудандарының әскерге шақыру пункттері бойынша мәселе шешілуде.

Қала әкімі аппараты басшысының орынбасары Жүсіп Жұмағұлов сөз сөйлеп, 2022 жылға арналған лимиттер шеңберіндегі барлық өтінімдер қолдау тапқанын айтты. Нұр-Сұлтан қаласы әкімі аппаратының үш жылдық кезеңге арналған шығыстарына - 5 млрд.711,1 млн. теңге, оның ішінде 2022 жылға 1 млрд. 903,7 млн. теңге көзделген. Нұр-Сұлтан қаласы әкімі аппаратының қызметі ағымдағы алты бюджеттік бағдарлама шеңберінде іске асырылатын болады, оның ішінде «Жалпыға бірдей әскери міндетті атқару шеңберіндегі іс-шаралар» 010 бағдарламасы бойынша үш жылдық кезеңге - 691,7 млн. оның ішінде 2022 жылға 230,6 млн. теңге әскерге шақыру комиссияларының есептік қызметкерлері мен техникалық персоналының еңбегіне ақы төлеуге, «Аумақтық қорғанысты дайындау мен республикалық маңызы бар қаланың, астананың аумақтық қорғанысы» 011 бағдарламасы бойынша үш жылдық кезеңге - 120,0 млн. теңге, «Жұмылдыру дайындығы және республикалық маңызы бар қаланы, астананы жұмылдыру» 012 бағдарламасы бойынша үш жылдық кезеңге - 1 млрд. 122,4 млн. теңге, оның ішінде 2022 жылға «Азаматтық қорғанысты қамтамасыз ету орталығы» КММ қызметін қамтамасыз етуге 374,1 млн. теңге көзделген.

Депутаттар "Азаматтық қорғанысты қамтамасыз ету орталығы"КММ қызметіне қатысты сын айтты, газқағарларды сатып алуға қатысты (әкім аппараты оларды қаншалықты жиі сатып алады, оларды қаншалықты жиі пайдалану керек және газ маскаларын сатып алу қандай мақсатта жүргізіледі), қызметкерлерді материалдық-техникалық жабдықтау үшін бюджеттік өтінімдерді өздері дайындайтын әкім аппаратының және аудандық әкімдіктердің қызметкерлері үшін компьютерлер сатып алу.

Тұрақты комиссияның төрағасы Талғат Нәрікбаев әкім аппаратының қызметкерлеріне компьютерлер сатып алу туралы толық ақпарат сұрады.

Ішкі саясат басқармасының басшысы Дәурен Бабамуратов депутаттарға ішкі саясат басқармасының үш жылдық кезеңге арналған шығыстарына - 4 млрд. 895,8 млн. теңге, оның ішінде 2022 жылға 1 млрд. 631,9 млн. теңге қарастырылғанын хабарлады. «Мемлекеттік ақпараттық саясатты жүргізу жөніндегі қызметтер» 005 бағдарламасы бойынша үш жылдық кезеңге - 2 млрд. 452,5 млн. теңге, «Республикалық маңызы бар қала, астана Қазақстан халқы Ассамблеясының қызметін қамтамасыз ету» 013 бағдарламасы бойынша үш жылдық кезеңге - 526,4 млн. теңге, оның ішінде 2022 жылға - 175,5 млн. теңге, оның ішінде «Қоғамдық келісім» КММ ұстауға (25 дана) көзделген.

Депутаттар құрамына «Вечерняя Астана», «Астана ақшамы» республикалық газеттері кіретін Elorda Agparat ЖШС-ін ұстауға бағытталған айтарлықтай бюджеттік шығындар туралы мәселені көтерді.

Депутат Азамат Айтхожин ішкі саясат басқармасына басқарманың, мемлекеттік органдардың және олардың ведомствоға қарасты ұйымдарының қызметін ақпараттық жариялау бойынша жұмыстарды жүйелі негізде және инновациялық технологияларды пайдалана отырып жүргізу қажеттігін атап өтті.

Депутат Владислав Сергеев көп адам оқымайтын газеттерге жұмсалатын шығындарды тым көп және орынсыз деп тапты. Ол қалалық бюджетке әлдеқайда арзан түсетін ақпараттық парақ шығаруды ұсынды. Сондай-ақ, ол әр басқарманың әлеуметтік зерттеулер жүргізуінің орындылығына күмәнданды.

Талғат Нәрікбаев ішкі саясат басқармасының бюджетін қайта қарауды ұсынды, себебі ақпараттық ресурстар тиімсіз жұмыс істейді деп санайды, сондай-ақ Elorda Agparat ЖШС кеңсесіне барып, ұжыммен кездесуді ұсынды.