Елорданың дамуы мәслихат депутаттарының бақылауында
30.10.2019
"Nur Otan" партиясы депутаттық фракциясының және мәслихаттың тұрақты комиссиясының бірлескен отырысы барысында депутаттар 2016-2020 жылдарға арналған елорданың дамытудың негізгі индикаторларымен танысты. Кейбір бағыттар бойынша халық қалаулыларында ескертулер туындады.
Отырысқа "Nur Otan" қалалық филиалы Төрағасының бірінші орынбасары Ерлан Ермекұлы Каналимов, Нұр-Сұлтан қаласы мәслихатының хатшысы Жанат Ғазизұлы Нұрпейісов қатысты.
Қазақстан Республикасының Тұңғыш Президенті Нұрсұлтан Назарбаевтың тапсырмасына сәйкес "Nur Otan" партиясы мемлекеттік бағдарламалардың орындалуына бақылауды жүзеге асыруы тиіс. Барлық деңгейдегі мәслихаттарға кезекті сайлау өткізуді ескере отырып, партия төрағасы әрбір өңір мен аудан үшін сайлау алдындағы бағдарламаларды дайындауды тапсырды. Осыған байланысты фракция жиналысында елорданың 2016-2020 жылдарға арналған даму бағдарламасының іске асырылу барысын қарастыру қажет болды. Осы бағдарламаны ескере отырып, 2025 жылға дейінгі дамудың жаңа бағдарламасы әзірленетін болады.
Сонымен, қаланың Стратегиялық және бюджеттік жоспарлау басқармасының деректері бойынша, Нұр-Сұлтан қаласын дамыту бағдарламасында индикаторлар саны 121 – ден 54-ке дейін азайды, оның ішінде 40-ы бағдарламаға енгізу үшін міндетті индикаторлардың базалық тізбесіне кіреді. Қалған 14-ін министрлік ұсынған. Атап айтқанда, аумақты дамыту бағдарламасын жетілдіру мақсатында 90 индикатор алынып тасталынып, мақсатты көрсеткіштерді қайта қарау және оңтайландыру тапсырылды. Сондай-ақ қосымша 23 индикатор, оның ішінде жаңа Базалық тізбенің көрсеткіштері енгізілді.
- 10 индикатор түзетілді, мысалы, жан басына шаққандағы жалпы өңірлік өнім. Егер 2019 жылы ол жан басына шаққанда 6 428,8 мың теңгені құраса, 2020 жылы – 6 694,3 мың теңгені құрады. Есеп республикалық макроэкономикалық параметрлерді және қала әкімдігінің қаулысымен бекітілген 2020-2024 жылдарға арналған Әлеуметтік-экономикалық даму болжамын ескере отырып жүргізілді, - деп нақтылады басқарма басшысы Қайсар Манқараев.
Бұған сондай-ақ жергілікті бюджетке салықтық және салықтық емес түсімдердің өсу қарқыны, ЖӨӨ-дегі шағын және орта бизнестің үлесі, негізгі капиталға инвестициялар және басқалар кірді.
Денсаулық сақтау саласындағы даму индикаторларына келер болсақ, мәслихат депутаты Мәжит Шайдаров олардың кейбірін сынға алды. Атап айтқанда, Қоғамдық денсаулық сақтау басқармасы жүргізетін реформалар туралы сөз болды. Оның пікірінше, №3 Перинаталдық орталық пен Дерматология және жыныстық жолмен берілетін аурулардың алдын алу орталығының бірігуі осы аурулармен сырқаттанушылықтың өсуіне әкелуі мүмкін.
- Ана мен бала өлім – жітіміне әкелетін сыни жағдайлардың алдын алу және ерте диагностикасы - бұл екі негізгі индикатор. Сонымен қатар, көп бейінді аурухана құру үшін осы екі мекемені біріктіргелі жатырмыз. 2000 жылы венерологиялық аурулармен, туберкулезбен және ЖҚТБ – мен сырқаттанушылықты төмендету қажет болатын үш бағыт болды. Сол кезде осы көрсеткіштер бойынша біз нөлдік белгіге келдік, қазір бұрынғы көрсеткіштерге оралу қаупі бар, - деп атап өтті депутат.
Алайда, Қоғамдық денсаулық сақтау басқармасы басшысының орынбасары Әлия Рүстемова бұл процесс Қазақстан Республикасы Денсаулық сақтау министрлігінің нормативтеріне сәйкес көп бейінді аурухана құру үшін ғана жүргізілетінін түсіндірді.
Жалпы, денсаулық сақтау саласында 2016-2020 жылдарға арналған аумақты дамыту жоспары 9 нысаналы индикатор мен 16 іс-шараға қол жеткізуді көздейді.
- 2019 жылдың 9 айының қорытындысы бойынша аумақтарды дамыту бағдарламасының 9 нысаналы индикаторларының үш көрсеткішіне қол жеткізілмеген – бұл нәресте өлімін, қан айналымы жүйесі ауруларынан болатын өлім - жітімді төмендету және қатерлі ісіктерді төмендету, бұл басқа қалалардағы пациенттердің көп ағымымен байланысты, - деп нақтылады Әлия Рүстемова.
Сондай-ақ, өз даму индикаторларын сәулет, қала құрылысы және жер қатынастары, жұмыспен қамту және әлеуметтік қорғау, сондай-ақ құрылыс және тұрғын үй саясаты сияқты басқармалар ұсынды.
Нұр-Сұлтан қаласы мәслихатында "Nur Otan" партиясының депутаттық фракциясының жиналысымен талқылаудың нәтижесі бойынша елорданың кейбір атқарушы органдарының жұмыс қорытындылары бойынша нақты ұсыныстар берілді, сондай-ақ елорданы дамытудың негізгі бағыттарының орындалмау себептеріне талдау жүргізу және оларды шешу жолдарын ұсыну тапсырылды.