Есилов Сансызбай Сейтжановичтің төрағалық етуімен Астана қаласының Қоғамдық кеңесінің кезекті отырысы өтті

Кеңес мүшелерінің қарастыруына қала экономикасы, көлік инфрақұрылымы, агроөнеркәсіптік кешен, астанадағы қоғамдық көлік және ғимараттарды қайта құру мен қайта жобалауға байланысты 15 маңызды мәселе ұсынылған. 

Отырыс барысында астана Қаржы басқармасының басшысы Руслан Досаев өткен жылдағы қала бюджетінің орындалуы туралы айтты. Оның пікіріне сәйкес, қаланың бюджеттік саясаты бірінші кезекте әлеуметтік саладағы мәселелердің шешімін табуға бағытталады және бұл жұмыстар алдағы уақытта да жалғасын табады.

Бюджеттің шығындық бөлігіне тоқталғанда баяндамашы 2015 жылы әлеуметтік қамсыздандыру 843 мүгедек бала мен егде адамдарды қамтығанын, әлеуметтік көмек 97 305 азаматқа көрсетілгенін, 5937 адам жұмысқа орналастырылғанын, 3604 адам қоғамдық жұмыстарға қатыстырылғанын айтып кетті, бұл жоспардан 1468 адамға артық.

2014 жылмен салыстырғанда туу көрсеткіші 4,1% артқан, ал туберкулезбен ауру 3,5% төмендеген. Сонымен қатар, екі денсаулық сақтау нысанының пайдалануға берілуіне байланысты 500 жатын орны жеткіліксіздігін жою мүмкін болды.

Сондай-ақ өткен жылы 11 мектеп пен 11 балабақша құрылысы мен қайта құру жұмыстары жалғасын тапты. Осылайша, мектепке дейінгі мекемелерде орын жеткіліксіздігін 1960 орынға, мектептерде 4700 орынға азайтуға мүмкіндік туды.

«Қолжетімді баспана -2020» бағдарламасына келер болсақ, кезекте тұрғандарға және жас отбасыларға жалпы ауданы 40 шаршы метр 744 пәтер берілген, бюджеттік сала қызметкерлері жиынтық ауданы 68 мың шаршы шақырым 1056 пәтер алған.

Сонымен қатар, жол қозғалысының қауіпсіздігін қамтамасыз ету мақсатында 2015 жылы Астанада 355 бағдаршам 15700 бірлік жол белгілері орнатылған, 10 реттелетін жол қиылысы пайдалануға беріліп, 25 аялдама кешені жабдықталған. 

Бюджеттің орындалуы туралы есеп бірауыздан келісілген. 

Отырыс барысында жануарларды ұстауға арналған санитарлық аймақтың шекараларын анықтайтын жоба мақұлданған және енгізілген, бұл қаладағы ветеринарлық-санитарлық қауіпсіздікті қамтамасыз етуге мүмкіндік береді. Жоба бұрын қабылданған үй жануарларын асырау ережелеріне қосымша ретінде бекітілген.

Кеңес мүшелері агроөнеркәсіптік кешен жұмысымен байланысты мәселелерді де қарастырды, бұл жөнінде қалалық ауыл шаруашылық басқармасының басшысы Асет Курмангалиев баяндады. Инновациялық салымдар, әзірлемелерді ұйымдастыру аккредитациясы, АӨК субъектілеріне несиеге кепілдік беру  және сақтандыру барысында АӨК көрген шығындардың бір бөлігін субсидиялауға мемлекеттік қызметтерді реттейтін қаулылар бекітілген. Барлық жоғарыда айтылған регламенттер келісілген. Отырыста әкімдіктің «Астана қаласындағы мектепке дейінгі ұйымдарда 2016 жылы бір тәрбиеленушіге шаққанда жан басына қаржыландыру және ата-аналар төлемі мөлшерін, мектепке дейінгі оқыту мен тәрбиелеуге мемлекеттік білім беру тапсырысын бекіту туралы» қаулысына өзгертулер мен толықтырулар енгізу келісілген.

Талқылау барысында қатысушылар мемлекеттік балабақшалардағы төлем мөлшерін жеке балабақшалардағы төлем мөлшеріне жеткізу мәселесін көтерді. Бұл төлем ақысы мемлекеттік балабақшалардан жоғары болып табылатын жеке меншік мекемелердің тартымдылығын арттыруға мүмкіндік береді. Мұндай шаралар осы саладағы бизнесті дамытуға ынталандырар еді, - деп айтып кетті кеңес төрағасы Сансызбай Есилов. 

Қоғамдық сектор көлік инфрақұрылымы мен астананың жолаушылар көліктерінің жұмыстарына қатысты бірқатар ережелерді қабылдады. Осы мәселе бойынша қатысушыларға қалалық жолаушы көліктері басқармасының басшысы Едил Сулейменов мәлімет берді. 

Бірінші кезекте баяндамашы жол қозғалысын басқарудың автоматтандырылған жүйелерін енгізу мен пайдалану ережелері туралы айтып кетті. 

- Аталған жүйелерді енгізу астананың экономикалық және әлеуметтік сипаттағы мәселелерінің шешімін табуға мүмкіндік береді, оның ішінде, көшелердегі жол желісінің өткізу қабілетін арттырып, апатты азайтады, - деп хабарлады  Едил Суйлеменов.

Аталмыш жүйенің астана көшелеріндегі көлік кептелістерімен күрестегі тиімділігіне кеңес мүшелері келісті, дегенмен, отырыс қатысушылары жалпы жағдай мен жолдағы трафикті реттеу мәселесіне күмәнмен қарады. Ең бастысы қолмен басқару және реттеу, полицейлерді жолға шығару мәселелерін кім реттейді.

Кеңес мүшелері қолданылатын ережелер мен енгізілетін жүйені күн сайын қала көшелерімен жүріп, кептелістерге ұшырайтын халыққа түсіндіруге ұсыныс білдірді.

Қоғамдық кеңес қала аумағында автотұрақтарды (автокөлікті қоюға арналған орындар) ұйымдастыру ережелерін де мақұлдады. Енгізілетін ережелердің басты мақсаты жүктемені төмендету, жолдардың өткізгіштік қабілетін арттыру және тұрақ орындарының қол жетімділігін қамтамасыз ету болып табылады. 

Өз кезегінде кеңес мүшелері жобаны жүзеге асыру барысында барлық даулы мәселелерді тағы бір рет мұқият қарастыруды ұсынған, бұл орын үшін ақы төлегісі келмеген халық көліктерін жақын аулаларға қойып, қозғалысты қиындатпауы үшін керек.

Отырыста қалалық жолаушы көлігіндегі төлем ақысының енгізілетін электронды жүйесі туралы да айтты, бұл ұзақ уақыт бойы сөз болып келе жатқан тақырып. Бүгінгі таңда азаматтардың жеңілдікке ие санатының 85-90% «Astana LRT» тіркеуден өткен, олар барлық автобустарда тегін жүретін дербес карталар алады. Осындай карталар мектеп оқушыларына да беріледі. Жазғы демалыс уақытында да оқушылар қоғамдық көлікті тегін пайдалана алады. Қала маңындағы және экспресс бағыттардағы электронды жүйені мамыр айының соңында енгізу жоспарланған, ал қала ішінде жүретін автобустарда «Astana Plat» жүйесі астана күнінен кейін жұмысын бастайды.

Кеңес мүшелерінде электронды карталардың халыққа қол жетімділігімен байланысты және жүйенің үздіксіз жұмысы, жолаушылардың барлық ережелерді сақтауына қатысты сауалдар туындады. 

Отырыс қатысушылары аталмыш бағдарлама администраторларына қала тұрғындарына электронды төлем жүйесінің жұмысын толық түсіндіруге, автобустарда жүру құнының артуын ескертуге кеңес берді.

Отырыс барысында кеңес астаналық Сәулет және қала құрылысы басқармасының басшысы Виталия Силецкийдің әкімдіктің «Қолданыстағы ғимараттарды (жеке бөліктерін) салмақ түсірмейтін және қоршау құрылымдарын, инженерлік желілері мен құрылымдарын өзгертумен байланысты емес қайта құруға (қайта жобалау, қайта жабдықтау) рұқсат беруі» қаулысына өзгерістер енгізу туралы баяндамасы тыңдалды. Аталған мәселе өткен отырыста да кеңес қарастыруына ұсынылғанын айта кету керек. Негізгі келіспеушілік құжаттарда қолданыстағы заңнамада кездеспейтін техникалық жоба секілді сөздің қолданылуы болды. Бұл жағдайда кеңес мүшелері адамдарда құжаттар ресімдеу мен қайта жобалауға рұқсат алу барысында осыған байланысты қиындықтар туындауы мүмкін бе деген сауал қойды.

Отырыс жұмысына сәйкес ведомстволар мен басқармалар басшылары, қоғамдық ұйымдар және бұқаралық ақпарат құралдары өкілдері қатысты.