Екінші күн қатарынан қалалық маслихат депутаттары елордамыздың медицина мекемелерін аралауда

Халық қалаулылары бірінші күні Астана қаласының шет аймақтарындағы амбулаторлық-поликлиникалық орталықтарды араласа, екінші күні №6 және №12 қалалық поликлиникалар мен жаңа медициналық жедел жәрдем станциясында болды. Депутат Мирас Шекенов «Үркер» тұрғын массивінде орналасқан және №11 таңдау округінің аймағына қарайтын №12 поликлиникадағы жағдайдың жақсы екенін атап өтті.

–Мұнда істің енді реттеліп келе жатқандығы түсінікті. Жабдық жетіспеушілігі, қаржы және елордамыздың өзге аудандарынан көшіп келген тұрғындарды бөлу тәрізді бірқатар мәселелер бар. Бұл сұрақтарды денсаулық сақтау мен жұмысбастылық, еңбек және әлеуметтік қорғау басқармасы өкілдерімен және басшылардың қатысуымен өтетін отырыста талқылауға ниеттіміз. Жақын арада жергілікті тұрғындарды тіркеу мәселелерін шешу қажет,- деп ескертті Мирас Шекенов. 

Белгіленген тағы бір пункт Астананың сол жағалауында орналасқан  өзіне келіп түскен қоңырауларды кезекші бригадаларға үлестіріп отыратын операторлары бар–14 қосалқы станцияларды біріктіретін жаңа жедел жәрдем станциясы болды. Станция бас дәрігері Сапарбек Дүйсеновтің айтуы бойынша, қазіргі таңда жүздеген жедел жәрдем бригадалары жұмыс жасауда және «ЭКСПО» Халықаралық көрмесін өткізу кезеңінде бригадалар саны 5 есеге өсіп отыр. Бұдан өзге, мұнда шетелдіктерге сапалы медициналық қызмет көрсету үшін тәулік бойы аудармашылар мен әртүрлі төрт тілді меңгергендер кезекшілік етеді. Депутаттардың сөзі бойынша, мұндағы жағдай реттелген және аса күрделі мәселелер байқалмайды. Депутаттармен кездесу барысында дәрігерлер көтерген жалғыз сұрақ- қызметкерлердің еңбекақысын көтеру.

– 2011 жылдан бері станция қызметкерлерінің базалық қызметақысы өзгерусіз келеді, ал біздің қазіргі таңда алатынымыз минималды. Тіпті, мерзімінен тыс үстемелеу мен еңбек сыйлықақысын қоса есептегенде. Бұл сұрақ ең маңызды мәселе болып отыр. Жас мамандар оқудан әлсіз білімімен келеді де, бір жыл тәжірибе жинап алған соң, еңбекақысы жоғары жеке меншік клиникаларға ауысып кетеді. Мәселені шешу үшін бізге жылына 600 млн. қосымша қаржы қажет,- дейді жедел жәрдем станциясының бас дәрігері.

Сонымен қатар, өкінішке орай қазіргі таңға дейін жедел жәрдем машиналарына шамшырак косулы күйінде де көліктер жол бермейді. Игілікке қарай жедел жәрдем машиналары енді автобустарға арнайы бөлінген жол арқылы шақыруға дер кезінде жетіп бара алады. Бұл келу уақытын айтарлықтай қысқартты. Депутаттар жол бермеген көліктерді арнайы видеорегистраторлар арқылы белгілеп алып, ақпаратты  Астана қаласының ІІД әкімшілік шаралар қолдануға жіберуді ұсынды.

Бұдан өзге дәрігерлер жедел жәрдем машиналарының келу уақыты екі есе қысқарып, қазір 7-10 минуттан аспайтынын айтты. Бірақ, «Жағалау» тұрғын кешеніне автомагистральдың жиі бос болмауына байланысты жету қиын. Бұл мәселені шешуге қатысты станция дәрігерлері сол ауданға қосалқы станция салуды ұсынды.

 Үшінші араланған нысан №6 қалалық поликлиника болды. Мұндағы дәрігерлер депутаттармен мүмкіндігі шектеулі жандарға арналған сырғыма баспалдақтың құрылыс нормаларына сай келмейтіндігін айтып бөлісті.

Медициналық нысандарды аралауға  маслихат хатшысы  Нұрпейісов Ж.Ғ., денсаулық сақтау мекемелерінің басшылары, бұқаралық ақпарат құралдарының өкілдері қатысты.