Әлеуметтік көмек кімдерге тиесілі?

Абақтыдан бостандыққа шыққандар мен сынау қызметінде есепте тұратындарды өмірдің қиын жағдайына тап болғандар қатарына енгізіп, оларға әлеуметтік көмек көрсету. Басқарма басшысының орынбасары Сәуле Нұрғожинаның хабар беруі бойынша, бұл өзгерістер қылмыстық- атқару жүйесі Департаментіне қолдаухат жібергеннен кейін жүзеге асты.

– Жылына бір рет оларға шұғыл қажет дәрі-дәрмектерді алуға қаржылай төлем ұсынылатын болады, сондай-ақ, медициналық көрсеткіштерге сәйкес медициналық көмек көрсетілмек,- деп нақтылады Сәуле Нұрғожина. – Ұсынылған өзгерістер әлеуметтік көмекті тарауларымен жүйелендіру мен қолданыстағы ережелерді оңтайландырумен байланысты. Әлеуметтік көмектің түрлері мен санаттары өзара бөліктерге бөлінген болатын, бұл ең ұтымды шешім болып шықты. Тексеру нәтижелері бойынша өзгертулердің бір бөлігі қалалық тексеру комиссиясымен проекцияланды. 

Өздерін дербес басқара алмай қалған қаусаған жандарды қорғау мақсатында оларды санаторлық-курорттық емделуде алып жүру үшін 18 жастан асқан бір адамға ақысыз баруға мүмкіндік беретін жаңа ереже енгізілуде. Соғысқа қатысушылар мен инвалидтерге  дәрі-дәрмек алуға берілетін жолдама бойынша да өзгерістер енгізу ұсынылды.  

Кеңес мүшелері өз кезегінде әлеуметтік көмек көрсету бойынша арыздарды қарауға құзырлы комиссия құрамын қысқартуды ұсынды. Тексеру комиссиясының төрағасы Ғалымжан Молдаштың айтуы бойынша, өмірлік қиын жағдайға тап болған жандар санатына жататын азаматтар әлеуметтік көмек алу үшін мақылдауды ұзақ күтуіне тура келеді, себебі, өтініш екі комиссия қарауынан өтеді- арнайы және учаскелік.

– Ал, шын мәнісінде, олар бір функцияны атқарады, – бірінші, арнайы комиссия  учаскелік комиссияға өтінішті жібереді. Учаскелік комиссия тексеру жүргізіп, қорытындысын қайта арнайы комиссияға жөнелтеді. Нәтижесінде ұзақ тізбекті тексеруден өтуді талап етеді,- деді ол өз сөз кезегінде.

Бұған жұмыспен қамту, еңбек пен әлеуметтік қорғау Басқармасының төрағасы аталмыш комиссия жұмысы реанимация сатысында тұрғандығын хабарлады. Өткен жылы учаскелік комиссияның немқұрайлы жұмыс атқарғанын мойындаймыз, бұл сұрақ әкім орынбасарымен келісілген және бұдан былай жұмыстарын басқаша жүргізетін болады. Комиссия міндетіне барлық санаттағы мұқтаж жандарды толық қамту үшін көмек алушыларға арқа сүйеушілік амалдарын жою, мекен-жайлық көмек алуға үмітті әр адамды зерттеп тану кіреді. 

Бұдан өзге Қоғамдық кеңеске қатысушылар күнкөрісі төмен отбасыларға ерекше мәні бар күндерде берілетін азық-түлік түрінде берілетін әлеуметтік көмекті қайта қарау мәселесін ұсынды. Жұртшылықтың көзқарасы бойынша, олар мүлдем басқа тамақ тағамдарына зәру болуы мүмкін.

Мекеме мамандары аталмыш әлеуметтік көмек түріне өзгертулер енгізіп, қайта қарауға уәде берді.

Отырыс барысында нақты тұрғын жайы жоқ жандарды белгілі бір санатқа енгізу де  ұсынылды.  ІІД ақпараттары бойынша елордамызда олардың саны үш жүзге жуықтаған.