Депутаттар елорданы абаттандыру және көгалдандыру мәселелерін қарастырды

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті. Елорданы абаттандыру және көгалдандыру мәселелері қаралды.

Бірінші болып Қоршаған ортаны қорғау және табиғатты пайдалану басқармасының басшысы Дәулет Досқұлов сөз сөйледі. Ол депутаттарға басқарма шаруашылық қызметтің қоршаған ортаға әсерін талдау және бағалау жүргізіп жатқанын хабарлады. Биологиялық әртүрлілікті сақтау және табиғатты ұтымды пайдалануды жүзеге асыру бойынша іс-шаралар тұрақты негізде жүргізіледі. Барлығы 1 млн. астам жасыл желек, қала шегінде 896, қалғандары жасыл белдеу аумағында отырғызу жоспарлануда. Дүниежүзілік көшпенділер ойындары қарсаңында Есіл өзенінің жағалауын абаттандыру, даңғылдарды, үш ірі спорт нысанын қайта құрылымдау, Қонаев, Достық көшелерін және ЭКСПО аумағын абаттандыру жұмыстары жүргізілуде. Сондай-ақ, спикер жасыл желектерді цифрландыру жоспарланып отырғанын, абаттандыру және көгалдандыру мәселелері қала әкімдігінің бақылауында екенін атап  өтті.

«Астана Орманы» ЖШС директоры Михаил Кошкин депутаттарға 11,5 мың гектар жерге ағаштар мен бұталар отырғызылғанын баяндады.  

Бүгінгі таңда жасыл белдеу 13 миллионнан астам екпеге ұлғайды. Бас директор жасыл белдеудің өрт қауіпсіздігін қамтамасыз етуге көп көңіл бөлінетінін атап өтті. Проблемалық мәселелердің ішінде спикер орманға жарамды учаскелердің жоқтығын атап өтті. Осыған байланысты тұзды жерлерді мелиорациялаумен айналысу керек. Топырақ өнімділігін арттырудың тиімді әдістерін әзірлеу қажет. Сондай-ақ, бас директордың пікірінше, ТЭН әзірлеу, жарғылық капиталды ұлғайту, арнайы техника сатып алу, қызметкерлердің жалақысын арттыру қажет.

Депутат Мәулен Самамбетов кадрларды сақтау үшін «Астана Орманы» ЖШС жұмысшылар мен арнайы техниканы «Астана Тазалық» ЖШС-ға уақытша жіберуге мәжбүр екенін айтты.

Тұрақты комиссияның төрағасы Владислав Сергеев кадр мәселесі – бұл қаланың барлық ірі кәсіпорындарына қатысты жүйелі мәселе екенін атап өтті.

Арман Мұқатов – «Астана Зеленстрой» ЖШС Бас директоры кәсіпорын құрылымында тәлімбағымен бірге  жылыжай кешені бар екенін хабарлады. Аудандық әкімдіктермен жасалған шарттарға сәйкес Зеленстрой жергілікті суару жүйелеріне қызмет көрсетеді, ағымдағы жылға оларды ұстау бойынша шарттар жасалды. Спикер жаңа жобаларды ескере отырып, қосымша қаржыландыру қажет екенін атап өтті. Проблемалық мәселелердің ішінде Мұқатов тозған арнайы техниканы сатып алу қажеттілігін атап өтті, бұл парктың  70% құрайды.

Мәслихат төрағасы Еран Каналимов бүгін депутаттар өте маңызды мәселені қарастырып жатқанын атап өтті. 25 жылдан астам уақыт бойы жасыл желектер отырғызылды, бірақ әзірге қажетті нәтижелерге қол жеткізілген жоқ. Өткен жылы 7 отырыс абаттандыру және көгалдандыру мәселелеріне арналды. Осыған байланысты Каналимов депутаттардың алдыңғы ұсыныстары бойынша шолу ақпаратын дайындау қажеттігін атап өтті. Мәслихат Төрағасының пікірінше, мәслихаттың 7 шешімі – бұл дайын Жол картасы. Өткен жылы 10-ға жуық учаске көгалдарға беде отырғыза бастады, өйткені ол аз күтімді қажет етеді. Урбанистика орталығы стильді қалыптастыру ісінде басты орын алуы және аудандық әкімдіктер мен басқармалар оның ұсынымдарына құлақ асуы тиіс. Қала үшін, басқалармен қатар, экономикалық пайда маңызды. Спикер қатысушылардың назарын есепке алу және цифрландыру бойынша жұмыс әлі күнге дейін қисынды соңына дейін жеткізілмегеніне аударды. Бағдарлама ілң де  жұмыс істемейді. Суару жүйесі жоқ саябақтарда, алаңдарда құдықтар салынады деген шешім қабылданған. Сонымен қатар, суару әлі де автомобильдердің көмегімен жүзеге асырылады, бұл өте тиімсіз. Еріген және жаңбыр суы жиналмайды. Суару жүйесі жетілмеген, өйткені бір маусым қолданылады, жүйені қысқы кезеңге дайындау жүргізілмейді. Бұрын Зеленстройда жақсы ландшафт тобы болған, қалалық ғылым орталығы емес, дәл осы Зеленстрой стиль жасаумен айналысуы керек.

Ғалымдардың орман және дала өрттерінің 90% - ы найзағайдан пайда болады деген талдау нәтижелері бар. Өрт қауіпсіздігін қамтамасыз ету үшін сезбектер қою керек. Қала үшін үлкен проблема – Ақбұлақ және Сарыбұлақ өзендерін қайта жаңарту. Су тапшылығы мәселесін шешу үшін ЖЭО-дан су құбыры осы шағын өзендерді толтыруы керек. «Астана Орманы» ЖШС арнайы техниканы сатып алу мәселелері бойынша кәсіпорынның жарғысын қайта қарау қажет

Мәслихат төрағасы көпжылдық гүлзарлар бойынша талдау дайындауды сұрады. Мәселелерді шешудің тәсілдері жүйелі болуы керек. Бүгінгі таңда бес Мемлекеттік орган абаттандыру мен көгалдандыруға жауапты, ал нәтижесіне көңіл толмайды. Каналимов жұмыс тәртібінде мәселелерді талқылауға оралуды ұсынды.

Депутат Талғат Ерғалиев тағы да сайлау округі бойынша мәселелерді көтерді, Агроқалашықта бірде-бір саябақ, сквер жоқ, ең криминогенді аудан – вокзал ауданы. Ылғал, су, кір бар тұрғын үй массивін ретке келтіру керек. Сондай-ақ, депутат жүгіру жолы туралы айтты, жүгірушілер саны артып келеді, велосипедшілермен соқтығыспау үшін қауіпсіздік шараларын қабылдау қажет. Депутат мәслихат төрағасының қалада білікті жұмысшы кадрлардың жетіспеушілігі туралы пікірін қолдады –  бұл жүйелі міндет. Ол мемлекеттік органдарға бұл мәселе неге шешілмейтіні туралы сұрақ қойды.

Депутат Кендебай Адамбектің пікірінше, қоршаған ортаны қорғау басқармасының және ведомстволық бағыныстағы үш кәсіпорынның қызметі цифрландырылуы тиіс. Әйтпесе, сұрақтар шешілмейді. Депутат жұмыс тобын құруды және барлық мәселелерді зерттеуді ұсынды, өйткені әйтпесе ақша босқа кетеді. Қаржы бәріне қажет, бірақ бюджет қысқартылады. Тек әлеуметтік міндеттер толық көлемде  қаржыландырылады

Тұрақты комиссия отырысының қорытындылай келе,  Владислав Сергеев цифрландырудан бастау керектігін айтты. Комиссия төрағасының айтуынша, Зеленстройда мониторинг бөлімі болуы керек. Елордада ағаштар мен бұталар отырғызылатын ағаш-бұта бағының жоспары жоқ, ал ағаштар мен бұталарды осындай жоспарға сай отырғызу қажет. Сергеев барлық хаттамаларды көтеріп, мәслихат шешімдеріне сәйкес әрекет етуді ұсынды.