Комиссияның коммуналдық мүлікті пайдалану мәселесі жөніндегі отырысы

Қалалық мәслихатта Кендебай Адамбектің төрағалығымен бюджет, экономика, өнеркәсіп және кәсіпкерлік мәселелері жөніндегі тұрақты комиссияның «Коммуналдық мүлікті пайдалануды бақылауды жүзеге асыру» мәселесі бойынша отырысы өтті.

Тұрақты комиссияның төрағасы отырысты аша отырып, бұл мәселені депутаттар бірінші рет қарап отырмағанын атап өтті. Сенімгерлік басқаруға берілген кәсіпорындар қызметінің тиімділігі туралы мәселе 2022 жылғы сәуірде талқыланған. Елордада сенімгерлік басқаруға берілген бірқатар кәсіпорындар бар. Депутаттар осы объектілерді сенімгерлік басқаруға беру қаншалықты орынды болғандығын талқылады.

Активтер және мемлекеттік сатып алу басқармасының басшысы Нұрлан Әлімжанов отырысқа қатысушыларға инженерлік желілерді коммуналдық меншікке беруге қатысты баяндады. Баяндаушының айтуынша, құрылыс қарқынының артуына байланысты құрылыс салушылар тиісті түрде ресімдемеген және пайдаланушы ұйымдарға қызмет көрсету үшін уақтылы берілмеген бірқатар иесіз объектілер мен желілер пайда болған. 2019 жылдан бастап басқарма мыңнан астам объектіні анықтау және иесіз деп тану бойынша жұмыс жүргізді, оның ішінде сот шешімдері негізінде 960 объект коммуналдық меншікке берілді, 60 объект бойынша жұмыс жүргізілуде. Қала аумағында 2004 жылдан бері қабылданбаған объектілер бар. Коммуналдық меншікке қатысты, ол елордада 385 коммуналдық заңды тұлға бар екенін, олардың 69-ы шығынды кәсіпорын екенін айтты. Кешенді жоспарға сәйкес коммуналдық меншіктің 10 субъектісі жекешелендіруге жатады. Барлығы 129 сенімгерлік басқару шарттары жасалды. Осылайша, кәсіпкерлікті қолдау жүзеге асырылуда. Әлімжановтың айтуынша, объектілерді беру жергілікті бюджет шығыстарын 50% - дан астамға қысқартты.

Депутат Азамат Айтхожин үнемдеу қағидатының ескерілуін қолдайтынын айтты, бірақ осы компаниялардың қызмет көрсету сапасына назар аударуды сұрады. Ең алдымен қауіпсіздік сақталуы тиіс, бассейнде, ойын алаңдарында тиісті жағдайлар жасалып, сондай-ақ, өрт қауіпсіздігі қамтамасыз етілуі керек.

Депутат Асқар Смағұлов әріптестерінің назарын ұсынылған кестеге аударды, онда 49 мың ш. м. жалға беру үшін 738 млн. теңге жиналатыны көрсетілген, демек, бір шаршы метрді жалға беру айына 1200 теңгені құрайды, бұл өте төмен баға. Депутат осы бойынша түсініктеме беруді сұрады. Осындай төмен бағамен жалға беріліп отырған мүлікті кім берді, ӘКК ме немесе басқа ұйым ба.

Депутат Сәуле Самидин тексеру нәтижелері бойынша ескерту туралы айтып өтті, мәселен, кірістер негізінен мемлекеттік мекемелерден алынады, егер бюджеттен болса, үнемдеудің 65% жалдау ақысына төленеді. Сенімгерлік басқарушы компания бірнеше жыл бойы объектіні пайдаланады, компания есебінен жөндеу жұмыстарын жүргізу туралы норма бар ма. Креативті экономиканы дамыту шеңберінде барлық ірі мәдени мекемелер мемлекеттің қолында, қандай-да бір ғимараттың, сахнаның қайда және қашан бос болатыны туралы кәсіпкерлер ақпаратты қайдан алады. Бүгінгі күні мұндай ақпарат жоқ. 1,2,3 күндік жалға алу туралы ақпаратпен бірде-бір карта жоқ. Депутат бұл мәселені нақтылауды сұрады.

Депутат Бекзат Жолжақсынов сенімгерлік басқаруға берілген кәсіпорындардан бюджетке неге кіріс аз екенін сұрады. Астана ӘКК жұмыс істейді, «Шапағат» базары баланста, шартта қала бюджетіне қанша пайыз беру керектігі жазылған ба. Сенімгерлік басқаруға берілген объектілер пайдаланылуда, олардан табыс алынады, осыған байланысты депутат объектілер үшін көбірек төлем алуды, не оларды коммуналдық меншікке қайта беруді ұсынды.

Инженерлік желілерді коммуналдық кәсіпорындарға беру туралы мәселе бойынша депутат Табиғат Зейнұлқабден сұрақ қойды, олардың арасында техникалық құжаттамасы, атқарушы түсірілімі және т.б. сақталмаған аяқталмаған жобалар бар. Кейіннен коммуналдық кәсіпорындар айтарлықтай шығындар жұмсайды. Депутат көлік, құрылыс, отын-энергетикалық басқармаларына кем дегенде техникалық құжаттаманы қалпына келтіруді ұсынды, содан кейін ғана коммуналдық кәсіпорындарға беруді жүзеге асыру керек, өйткені, кәсіпорындар сол үшін айтарлықтай уақыт жоғалтады.

Мәслихат төрағасы Ерлан Каналимовтың пікірінше, құрылыс, көлік, отын-энергетикалық басқармаларының жобалары бойынша нақтылаулар қажет, қандай жобалар іске асырылмағанын түсіну үшін жұмыс жоспарын дайындау керек. Бұл жағдайлар кейбір жобаларды кезең-кезеңімен қаржыландыруға байланысты ұзақ мерзімді болғандықтан орын алады. Каналимов мұндай жобаларды кезек аяқталғаннан кейін кезең-кезеңімен қабылдауды, жобаның аяқталуын күтпестен коммуналдық меншікке қабылдауды ұсынды. Мысалы, 7 жыл бойы салынып келе жатқан жолдар бар. Ол осы норманы зерделеуді сұрады және депутаттар Мәжіліс пен бейінді министрлікке өзгерістер енгізу туралы бастама көтеруге дайын екенін айтты.

Болашақта мемлекеттік сатып алуларда тәуекелдерді ескеру үшін, мәселелері бар негізгі мердігерлер бойынша рейтинг жасау қажет. Ол бір мақсаттар үшін алып, басқа мақсаттарға пайдалану сияқты қосалқы жалдау фактілері кездесетінін атап өтті. Өткен жылы Астана ӨЭК, Астана-Теплотранзит шеңберінде иесіз электр кабельдерін, қосалқы станцияларды, салынған жылу желілерін және т.б. қабылдау мәселесі қаралды. Тексеру комиссиясымен оларды қала балансына қабылдау, содан кейін кезең-кезеңімен кәсіпорындарға беру мәселесі талқыланды. Жалпы, мемлекеттік мүлікті пайдалануды цифрландыру қажет, барлығы ашықтық пен объективтілік үшін, оның ішінде бұзушылықтар да, бір базада болуы керек.

Комиссия төрағасы Кендебай Адамбек депутаттарға тексеру қорытындысы бойынша екі құжат ұсынылғанын, тізілім бойынша сұрақтар бар екенін, онда кәсіпорындардың жартысы қызметі туралы есеп бермегенін, жоспар, мониторинг объектілерінің тізбесі жоқ екенін айтты. Адамбек 10 күн ішінде құжаттарды қарап, ақпарат ұсынуды сұрады. «Astana Venue Management» ЖШС үшін ұсынымдар бар, олар мерзімінде орындалуы керек және орындалуы туралы ақпаратты мәслихатқа жіберуі қажет.