Сайлау комиссияларының мүшелерін сайлау мәселелері жөніндегі кезектен тыс сессия

Қалалық мәслихатта Ерлан Каналимовтың төрағалығымен кезектен тыс сессия өтті.

Сессия жұмысына қала әкімінің орынбасары Евгений Глотов, қала аудандарының әкімдері, мемлекеттік ұйымдардың басшылары, жұртшылық пен БАҚ өкілдері қатысты.

Астана қаласының сайлау комиссияларының мүшелерін сайлау жөніндегі Астана қаласы мәслихатының уақытша комиссиясының төрағасы Алтыншаш Табулдина Астана қаласы сайлау комиссияларының мүшелерін сайлау мәселесі бойынша сөз сөйледі. Ол жаңа сайлау комиссияларын қалыптастыру бойынша мәслихат жүргізген жұмыс туралы баяндады. Астана қаласы мәслихатының уақытша комиссиясының құрамына депутаттар мен мәслихат аппаратының қызметкерлері кірді. Белгіленген мерзімде бес партиядан және тоғыз қоғамдық бірлестіктен кандидатуралар ұсынылды. Заңнама талаптарына сәйкестігіне іріктеуден өткен кандидатуралар әртүрлі деңгейдегі сайлау комиссияларының құрамына қарауға енгізілді.

«Астана кәсіпкерлігі» кәсіпкерлікті дамытудың 2023-2027 жылдарға арналған өңірлік бағдарламасын бекіту туралы» мәселе бойынша Инвестициялар және кәсіпкерлікті дамыту басқармасының басшысы Халел Әкімжанов сөз сөйледі. Әкімжанов өз сөзін бағдарламаның міндеттерінен бастады. Ол өңірлік бағдарламаны іске асыру үшін микроқаржы ұйымдары және әлеуметтік объектілер құрылысын қаржыландыру; «Көше саудасын жүргізуге арналған павильондарды орналастыру» жобасының, ауыл шаруашылығы және тақырыптық жәрмеңкелерді, электрондық сауданы, шағын өнеркәсіп аймақтарын ұйымдастырудың көмегімен инфрақұрылымдық қолдау; нысаналы индикаторлар (ЖӨӨ-дегі ШОБ үлесін 65% - ға дейін ұлғайту, 60 мыңнан астам тұрақты жұмыс орындарын құру, бюджетке салық түсімдерін ұлғайту, ОБ үлесін 26% - ға дейін ұлғайту, тіркелген субъектілер қатарындағы жұмыс істеп тұрған ШОБ үлесінің 95% - ға дейін өсуі) арқылы қаржылық қолдау пайдаланылатынын атап өтті.

Депутат Қанат Ибраев Мемлекет басшысы ҚР Ұлттық даму жоспарында белгілеген 17 міндетті белгілі бір қамту бар, бірақ толық көлемде емес екенін атап өтті. Келесі жылдың қаңтарынан бастап жойылатын нормативтік құқықтық актілер бар. Депутат Атамекен ҰКП-мен ынтымақтастықтың әлсіз болуына өкініш білдірді, депутаттармен, Атамекен ҰКП-мен, қалалық және қоғамдық ұйымдармен проблемалық мәселелерді шешу, ЕМС, шағын өнеркәсіптік аймақтар мәселелері бойынша күш біріктіруді ұсынды.

Депутат Кендебай Адамбеков бағдарлама екі ай бойы қаралғанын айтты. ШОБ есебінен ЖӨӨ өсу үрдісі байқалатыны белгілі. Депутат осындай стратегиялық мәселелер шешілетін кезде бейінді комиссиялардың депутаттарын міндетті түрде тартуды ұсынды. Атамекен ҰКП-ның МЖӘ жобаларын іске асырудағы рөлі зор, сондықтан бұл ұйымды белсенді тарту қажет. Депутаттың пікірінше, бағдарлама ашық болуы керек және қажет болған жағдайда өзгерістер енгізілуі керек.

Депутат Владислав Сергеев келесі жылы павильондармен, әсіресе сауда үйлерінің алдындағы, жеке автотұрақтардағы павильон объектілерімен егжей-тегжейлі жұмыс жасау керек екенін атап өтті. Елорда өзінің келбетін жоғалтуда, автотұрақтарда, СҮ алдында, қалалық саябақта базарлар құрылған, бұл бекітілген бас жоспарға сәйкес келмейді. Бұған қоса, екі қабатты павильондар өрт қауіпсіздігі талаптарына және санитарлық нормаларға сәйкес келмейді. Мораторий аяқталуда, тәртіп орнату қажет, депутаттар көмек көрсетуге дайын.

Депутат Бекзат Жолжақсынов кредиттер бойынша сыйақы мөлшерлемелерін субсидиялау кезінде банктер талаптарын күрделендіре түсетінін атап өтті. Басқарма бұл мәселе бойынша процедураны жеңілдету үшін қандай да бір жұмыс жүргізіп жатыр ма? Инвестициялық жобалар бойынша қаржы моделін есептеу кезінде инфляцияның минималды болжамды деректері алынады, 6-8% мөлшерінде, дегенмен оның 20% - ға жететіні барлығына белгілі, бұл кәсіпкерлерді шығынға әкеп соғады.

Депутат Бауыржан Смайыловтың пікірінше, шағын және орта бизнес елорданың ЖӨӨ-не лайықты үлес қосуда. Алайда, Алматы қаласының үлгісі бойынша әсіресе, өңдеуші өнеркәсіп кәсіпорындары түріндегі орта бизнесті қолдау қажет. Депутат кәсіпкерлерге тегін гранттар беру күтілетін нәтиже бермейді деп санайды, мұндай кәсіпкерлердің жұмыс қорытындыларын бақылау қажет. Гранттар беру қаншалықты орынды екендігіне талдау қажет, оның орнына, кәсіпкерлер бөлінген қаражат үшін жауапкершілікті сезінуі үшін, аз пайызбен несие бөлген дұрыс болар. Депутат кәсіпкерлерге берілген гранттар қандай мақсаттарға жұмсалатыны туралы депутаттарға ақпарат беруді сұрады.

Мәслихат төрағасы Ерлан Каналимов жұмыс жоспарына сәйкес келесі жылдың қаңтар айында отырыста елордада кәсіпкерлікті дамыту туралы мәселе қаралатынын атап өтті.

Депутат Құлмағамбетова Жанаргүл бағдарламаның мазмұнына қатысты сұрақ қойды, бұл тұжырымдамалық жобада кәсіпкерлікті дамыту моделі жоқ. Бағдарламада қолдаудың үш түрі белгіленген, көрсеткіштер, айтарлықтай елеулі көрсеткіштер бар. Өңірлік бағдарламамен жұмыс істеуге мамандарды, депутаттарды тарту қажет. Бағдарламада қызметтерді дамыту бойынша пункттер жоқ, инновациялық бизнес жоқ, қалада Назарбаев университеті, индустриялық аймақтар бар, олардың айналасында ШОБ дамуы тиіс. Бұл мәселе бағдарламада жоқ, оны жөнге келтіру керек. Белгіленген көрсеткіштерге даму моделінсіз қол жеткізу мүмкін емес.

Бұдан әрі Инвестициялар және кәсіпкерлікті дамыту басқармасының басшысы «Астана қаласы әкімдігінің автокөлікпен қызмет көрсету жөніндегі мемлекеттік-жекешелік әріптестіктің сервистік келісімшарты» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» мәселе бойынша баяндады.

Депутат Владислав Сергеев ағымдағы жылдың сәуір айынан бастап жұмыс тобының өте тиімді қызмет еткенін атап өтті, нәтижесінде бизнестің дамуы және бюджет қаражатын үнемдеу байқалды. Бұл жоба, депутаттың пікірінше, ең табысты МЖӘ жобаларының бірі.

Депутат Кендебай Адамбеков такси тек әкімдікке ғана емес, қала тұрғындарына да қызмет көрсететінін атап өтті. Барлық жаңалықтар: таксометр, жүргізушілерге арналған форма, карточкалар және т.б., нәтижесінде басқа такси парктеріне үлгі бола алады.

«Астана қаласында бейбіт жиналыстарды ұйымдастыру және өткізу үшін арнайы орындарды белгілеу туралы» мәселе бойынша Астана қаласы ішкі саясат басқармасының басшысы Нұрдәулет Әлмұханов сөз сөйледі. ҚР Премьер-Министрі орынбасарының бейбіт жиналыс өткізу орындарын ұлғайту жөніндегі тапсырмасына сәйкес қаланың әр ауданында бір-бірден бес орын белгіленді.

Жұмыспен қамту және әлеуметтік қорғау басқармасының басшысы Илья Скуб «Астана қаласында тұрғын үй көмегін көрсетудің мөлшері мен тәртібін айқындау туралы» мәслихат шешіміне өзгерістер енгізу туралы» мәселе бойынша баяндады. Өзгерістер ҚР заңнамасындағы өзгерістерге байланысты енгізіледі.

«Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарттардың жобаларын келісу туралы» мәселе бойынша Тұрғын үй және тұрғын үй инспекциясы басқармасының басшысы Әнуар Саипов баяндады.

Мемлекет мұқтажы үшін алып қоюға жататын жер учаскелеріне алдын ала барып қайтуға депутаттардың қатысуына қатысты Азамат Айтхожин сөз сөйлеп, алдағы уақытта тұрақты комиссияның барлық мүшелеріне осындай іс-шараларға қатысуды ұсынды.

«Нұр-Сұлтан қаласының 2050 жылға дейінгі даму стратегиясы туралы» мәслихат шешіміне өзгерістер енгізу туралы» мәселе бойынша Экономика және бюджеттік жоспарлау басқармасының басшысы Қайсар Манқараев баяндады. Ол кезектен тыс сессия қатысушыларын қаланың ЖӨӨ ұлғаюына сауда, ақпарат және байланыс, өңдеу өнеркәсібі секторлары ең үлкен үлес қосқаны туралы хабардар етті. Барлығы 245 инфрақұрылымдық жоба жоспарланған, оның 79-ы жоғары басымдықты.

Қаланың даму стратегиясына қатысты депутат Бауыржан Смайылов сөз сөйлеп, қала шетінде көптеген жобалар аяқталмағанын атап өтті. Мысалы, 15-ші округте 5-6 жыл бұрын жол құрылысы басталып, әлі аяқталмаған. Тұрғындар осы жобалардың аяқталуын күтуде. Депутаттың пікірінше, барлық назар сол жағалауға аударылады, ал ескі қала назардан тыс қалуда.

Мәслихат төрағасы Ерлан Каналимов депутаттарға келесі жылдың 9 қаңтарынан бастап қала аудандары әкімдіктерінің жобалары қаралатынын еске салды және барлық проблемалық мәселелерді жұмыс тәртібінде қарауды ұсынды.