Бюджет мәселелері жөніндегі тұрақты комиссия елорданың 2024-2026 жылдарға арналған жобасын қарады

Қалалық мәслихатта Кендебай Адамбековтың төрағалығымен Астана қаласының 2024-2026 жылдарға арналған бюджетінің жобасын талқылау бойынша бюджет, экономика, өнеркәсіп және кәсіпкерлік мәселелері жөніндегі тұрақты комиссияның отырысы өтті.

Экономика және бюджеттік жоспарлау басқармасының басшысы Қайсар Маңқараев алдағы үш жылдық кезеңге арналған жоспарлар туралы, оның ішінде бес аудандық әкімдік, сондай-ақ бес басқарма: экономика және бюджеттік жоспарлау, цифрландыру және мемлекеттік қызмет, инвестициялар және кәсіпкерлікті дамыту, қаржы, активтер және мемлекеттік сатып алу бөлігіндегі болжамды кірістер, шығыстар туралы баяндады.

Аудан әкімдері сөз сөйлеп, депутаттарды көшелерді жарықтандыруға, кейбір аудандардың алаңдары ұлғайғандықтан, аумақтарды санитарлық тазалауға, көгалдандыруға, аулаларды абаттандыруға, қоғамдық кеңістіктерді абаттандыруға, жөндеу-қалпына келтіру жұмыстарына, қоқыс алаңдары мен контейнерлерге, стихиялық қоқыс үйінділерін жоюға, саябақтар мен скверлерді тазалауға, қайта жаңартуға, кіру топтарын дайындауға қосымша қажеттіліктер туралы хабардар етті, Аудандардың сәндік жарықтандыруға сұраныстарының сомасы едәуір өскен.

Бауыржан Смайылов жаңа көпірдің ашылуына байланысты мәселені қозғады, іргелес аумақтың қашан ретке келтірілетінін сұрады.

Мәслихат төрағасы Ерлан Каналимов бөлінген ақша сомасы аудандық әкімдіктер қажеттілігінің тек 60-70% - ын өтейтінін, осы мәселе бойынша қала әкімімен әңгіме болғанын атап өтті. Барлық бес аудан жеке жұмыс істейді, безендіруде бірыңғай стиль жоқ, осыған байланысты барлық аудандар үшін бірыңғай жоспар әзірлеу қажет. Депутат Давид Лория жазғы кезеңде аула командалары арасында футболдан жарыстар ұйымдастырғаны белгілі, дайындық барысында көптеген футбол алаңдарының стандарттарға сәйкес келмейтіні анықталды. Техникалық сипаттамада өнім берушілерге қойылатын талаптардың арасында - балалар мен жасөспірімдердің қауіпсіздігін қамтамасыз ету мақсатында стандарттарға сәйкестігі шарты бар. Сондай-ақ, Каналимов қаланы тазарту кезінде жұмысқа бір уақытта сегіз автокөліктен тартылатынына назар аударды, тиімділігін қарастыру керек, сонымен қатар, контейнерлердің, қоқыс алаңдарының жай-күйі мәселесі шешілмеген. Ішкі орамдық аудандармен жеке компаниялар айналысады, олардың материалдық базасы әлсіз, сондықтан қар тазалауда күштері жетпейді. Шағын скверлер қоршаған ортаны қорғау басқармасының балансына, субұрқақтар «Астана Су Арнасы» балансына ауыстырылады. Ауруханаларға кіру жолдарына қатысты сұрақтар бар, іс жүзінде ауруханаларда тұрақтар жоқ. Сонымен қатар, мәслихат төрағасы Тексеру комиссиясының 4 аудан бойынша жүргізген аудитінің қорытындысы туралы хабарлады, анықтамада аудандарда жағдайдың өзгермегені, қаржылық тәртіп әлі де ретке келтірілмегені көрсетілген.

Депутат Бауыржан Смайылов стихиялық қоқыс үйінділерін жою жұмыстары өте тиімсіз жүргізіліп жатыр деп санайды, депутаттың пікірінше, қоқыс үйінділерін жоюға қосымша ақша қаражатын сұрай бергенше, қоршаған ортаны қорғау басқармасымен бірлесіп ескерту жұмыстарын жүргізу керек. Ол осы мәселе бойынша жеке отырыс өткізуді ұсынды.

Активтер және мемлекеттік сатып алу басқармасының басшысы Нұрлан Әлімжанов қаражаттың ең көбі қайта жаңарту жұмыстарына бөлінгенін баяндады. Басқарудың қосымша қажеттілігі жоқ.

Инвестициялар және кәсіпкерлікті дамыту басқармасы басшысының орынбасары бизнесті қолдауға толық қаражат бөлінгенін айтты.

Депутат Бекзат Жолжақсынов отандық өндірушілердің тізіміне қатысты сұрақ қойды,  ондай тізім бар ма және жергілікті кәсіпкерлерге қандай қолдау көрсетілетін болады.

Қаржы басқармасының басшысы Әліби Жұмаев үш жылға арналған бюджеттік жоспардың барлық мәлімделген сомалары қолдау тапқанын хабарлады.

Цифрландыру және мемлекеттік қызмет басқармасының басшысы Мейрамбек Әшірбеков басқарманың қосымша қажеттілігі жоқ екенін айтты.

Комиссия төрағасы Кендебай Адамбеков басқарма басшысынан Сергек жобасы бойынша сұрады, депутаттың пікірінше, бұл бүгінгі күннің ең маңызды жобасы. Депутаттар мемлекеттік қызметтерді сатып алу конкурсына қатысуға үміткер бірнеше компанияны аралап шыққан.

Депутат Сәуле Самидин мәдениет нысандарын цифрландыру келесі жылға бюджетке кірді ме деген сұрақ қойды. Ол сондай-ақ Артспорт жобасына қатысты мәселені көтерді, мемлекеттік органдардың деректер базасын біріктіру аяқталды ма, бағдарламалық қамтамасыз ету, техникалық ерекшелік әзірленді ме.

Депутат Бауыржан Смайылов бейнекамераларды орналастыру мәселесін көтерді, ол бірқатар сұрақтар бойынша жазбаша түрде ақпарат беруді сұрады - 1000 камераны орналастыру, олардың орналасқан жері, ЖБО-на шығудың қамтамасыз етілуі және т.б.

Депутат Сәуле Самидин бұдан әрі талдау жүргізуді және басқармалар немесе бағдарламалар бойынша KPI-ді қарауды сұрады және осы мәселе бойынша жеке отырыс өткізуді ұсынды.

Бюджет мәселелері жөніндегі бейіндік комиссияның төрағасы Кендебай Адамбеков отырыс жұмысын қорытындылай келе, төрт тұрақты комиссия бюджет жобасын қарап, талқылағанын, кезекті сессияда тұрақты комиссия бюджеттік комиссияның қорытындысын ұсынатынын хабарлады.