Елорданың инфрақұрылымдық даму жоспары мәселелері жөніндегі кезектен тыс сессия

Қалалық мәслихатта Ерлан Каналимовтың төрағалығымен кезектен тыс сессия өтті.

Сессияның күн тәртібінде Нұр-Сұлтан қаласының инфрақұрылымдық дамуының бірқатар мәселелері қаралды.

Қала әкімі Алтай Көлгінов алғы сөз сөйлеп, Мемлекет басшысының 2021 жылғы 1 қыркүйектегі Қазақстан халқына Жолдауына сәйкес жергілікті атқарушы органдар Нұр-Сұлтан қаласының таяу жылдары елорданы дамыту үшін басым болатын инфрақұрылымдық даму жоспарын бекітуі тиіс екенін хабарлады.

Даму жоспарының негізгі бағыттары коммуналдық, көлік инфрақұрылымын жүйелі, жыл сайын дамытумен, осы салаларға жұмсалатын салымдарды ұлғайтумен байланысты.

Бүгінгі таңда ЖО-3-те жұмыстар қайта жандандырылды, РБ-тен қомақты қаражат бөлінді, процестің 1-кезеңін ағымдағы жылы аяқтау жоспарлануда. ЖЭО-1 және ЖЭО-2 су жылыту қазандықтары газдандырылады.

Сондай-ақ, ағымдағы жылы жылумен қамтамасыз ететін және тапшылық проблемасын шешетін қосымша екі газ қазандығының құрылысы басталады. Әр қазандық 360 Гкал жылуды қамтамасыз етеді.

Су тапшылығы проблемаларын болдырмау үшін сол жағалауға су тартқышы бар қуаты тәулігіне 1055 мың текше метр сорғы-сүзгі станциясын (ССС) салу жоспарлануда. Бұл қаланы сумен жабдықтау қуатын арттыруды қамтамасыз етуге мүмкіндік береді. Қазір қала тәулігіне 300 мың текше метр су тұтынады, ССС-3 су беруді тәулігіне 100 мың текше метрге дейін арттырады.

Қолданыстағы нөсерлік кәріздің қуаты жеткіліксіз, сондықтан жаңа нөсер кәріздерін салу, коллекторларды кеңейту бойынша жұмыстар жүргізілуде. Бұл жұмыс өткізу қуатын арттырып, үйлерді су басудан сақтайды. Электр қуатымен байланысты проблемаларды шешу үшін Арай, Жұлдыз және Наурыз үш қосалқы станциясын салу жоспарлануда.

Тельман тұрғын алабында тазарту құрылыстары мен магистральдық коллектор салу бойынша жұмыс аяқталды, Мыңжылдық аллеясы ауданында, Бауыржан Момышұлы даңғылында нөсерлік кәріз проблемасы шешілді.

Елордада газдандыру жалғасуда, Сарыарқа, Алматы аудандары газдандырылды, магистральдық желілер тартылды, үйлерді қосу процесі жүріп жатыр. Есіл, Байқоңыр аудандарында жеткізуші желілердің құрылысы басталды.

Қала әкімінің орынбасары Нұрлан Нұркенов Нұр-Сұлтан қаласының көлік-инфрақұрылымдық даму жоспары туралы баяндады.

Осы уақытқа дейін қаланың жаңа Бас жоспары бойынша жұмыс аяқталды. Жоспардан Нұр-Сұлтан қаласының көлік-инфрақұрылымдық даму бөлімі бөлініп алынды.

Н. Нұркенов сумен жабдықтау ұзындығы 1,5 мың км екі сорғы-сүзгі станциясымен қамтамасыз етілетінін, оның орташа тозу деңгейі 41%, қуаты тәулігіне 260-тан 280 текше метрге дейін, резерві өте аз екенін атап өтті.

Жазда тұтыну 400 текше метрге жетеді, жаңа сорғы-сүзгі станциясын салу су беру қуатын 30% - ға арттырады. Бірінші кезек бойынша жұмыстарды аяқтау жоспары - 2023 жыл.

Кәріз станцияларының саны - 165, олардың 23%-ы 100% тозған, тұрмыстық кәрізге қажеттілік бар, жобада кәріз коллекторларын сақиналау көзделген, ТЭН әзірленді, мемлекеттік сараптаманың қорытындысы бар, ЖСҚ әзірленуде, іске асыру мерзімі - 2023-2025 жылдар. 2021 жылы жүргізілген жүйе мониторингі нөсер кәрізінің проблемалық учаскелерін анықтады. Инфрақұрылымдық даму жоспарында проблемалық мәселелерді одан әрі шешу көзделеді.

Депутат Владислав Сергеев депутаттарды жоспарда тұрғын алаптарына баса назар аударылғаны қуантатынын айтты. Сергеев тозған желілерді тапсыру мәселесі қалай шешілетінін сұрады. Алау сарайы, Астана Арена стадионы бойынша сұрақтар бар. Жоспарда орталық желіге қосу бар ма?

Депутат Алмат Жүнісов қаланың инфрақұрылымдық даму жоспарын қолдады, депутаттың пікірінше, жоспарда тұрғын алаптарын дамыту көзделген.

Мәслихат хатшысы Ерлан Каналимов тұрақты комиссиялардың бірлескен отырысында бұл мәселелер жан-жақты талқыланғанын атап өтті.

Алтай Көлгінов депутаттарға салынып жатқан нысандар: ЖЭО-3, көпірлер, спорт нысандарына бірге барып көруді ұсынды.

Екінші мәселе бойынша «Астана LRT» ЖШС «City Transportation Systems» CTS басқарма төрағасы Бекмырза Игенбердиев сөз сөйледі, ол көліктік-инфрақұрылымдық даму жоспарын әзірлеу қалалық ұтқырлыққа қажеттіліктің артуымен байланысты екенін атап өтті. Көлік жүйесінің негізгі проблемалары толық ауқымды және жан-жақты зерттеуді талап етеді. Ол үшін қажеттілікті толық қамтамасыз ету үшін тұрғын үй құрылысын көлікпен үйлестіру қажет. Бүгінгі таңда функцияларды бөлу жоқ, бұл мәселені шешу қажет. Көлік кешенін үйлестіру қажет. Әлемдік тәжірибеде бірыңғай оператор барлық сұрақтар кешенімен айналысады. Бүгінде қалада магистралды көшелер, бұрылу алаңдары, аялдама павильондары және т.б. жеткіліксіз. Бірыңғай жоспарлау осы мәселелерді шешуге мүмкіндік береді. Қазір тасымалдаушылар сервисті жақсартуға мүдделі емес. Мәселелерді шешу үшін келісілген стратегия қажет, оны жер пайдаланумен, құрылыспен бірыңғай оператор құру арқылы байланыстыру қажет.

Білікті мамандарды шақыра отырып, жол құрылысын жүргізу, тұрақ кеңістігін сауатты бөлу, қоғамдық көлікті дамыту қажет. Кешенді көлік схемасын құру, негізгі проблемаларды шешу жөніндегі бірыңғай саяси пайымды, басымдықтарды айқындау дұрысырақ болады.

Игенбердиев депутаттардан кешенді көлік схемасын құру жөніндегі ұсынысын қолдауды сұрады.

Депутат Азамат Айтхожин көліктің жаппай жетіспеушілігін болдырмау үшін автобустар сатып алуды жеделдетуді ұсынды.

Депутат Бауыржан Жанқонақов қолдау білдіріп, жоспардың уақтылы екенін айтты, оның үстіне негізгі қаржылық жүктеме РБ-ке түседі.

Депутат Алмат Жүнісовтың пікірінше, ақпаратта стратегиялық жоспарға енгізілмеуі тиіс операциялық мәселелер көп. Сондай-ақ, ол автопарктер арасында тек біреуі ғана автобустар сатып ала алатынын, қалғандарында мұндай мүмкіндік жоқ екенін атап өтті.

Мәслихат хатшысы құжатты әзірлеу жұмысына тұрғын үй алаптарына бекітілген және қала шеті проблемаларын шешуге ықпал ете алатын тілек білдіруші депутаттарды қатыстыруды ұсынды.

Экономика және бюджеттік жоспарлау басқармасының басшысы Қайсар Манқараев МЖӘ жобаларының тізбесі туралы сөз сөйледі. Ол бюджеттік бағдарламалар әкімшілерінің өтінімдері негізінде жаңартылған Тізбеге 10 МЖӘ жобасы (қосуға 6 жаңа жоба және мәслихаттың 2019 жылғы 6 наурыздағы № 355/45-VI шешімінен шығаруға 5 жоба) кіргенін хабарлады.

Депутат Асқар Смағұлов ақылы автотұрақтар бойынша, олар қандай мақсатта салынуда және қала үшін қандай пайдасы бар деген сұрақ қойды.

Дене шынықтыру және спорт басқармасының басшысы Самат Жылқыбаев Нұр-Сұлтан қаласы мәслихатының 2020 жылғы 30 қыркүйектегі № 541/73-VI «Қазақстан» спорт сарайын зияткерлік технологияларды пайдалана отырып жаңғырту және кейіннен пайдалану» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» шешіміне мерзімдердің ауысуына байланысты өзгерістер енгізілуі туралы баяндады.

Мәслихат хатшысы Ерлан Каналимов қала әкімімен Қазақстан сарайы бойынша қате ақпарат таратылуына байланысты спорт басқармасының жауапты адамдарын жазалау туралы мәселе талқыланғанын хабарлады.

Депутат Азамат Айтхожин жұмыстардың басталуына қатысты қанағаттанушылық білдіріп, қала тұрғындары Қазақстан сарайының бірегей бассейнін күтіп жүргендерін атап өтті.

Тұрғын үй және тұрғын үй комиссиясы басқармасының басшысы Әнуар Саипов 2020-2025 жылдарға арналған «Нұрлы жер» мемлекеттік тұрғын үй-коммуналдық даму бағдарламасы шеңберінде тұрғын үй қорын реновациялау жобасын іске асыру бойынша Нұр-Сұлтан қаласы әкімдігінің жанындағы Тұрғын үй комиссиясының құрамы туралы мәселе бойынша баяндады. Функционалдың өзгеруіне және кадрлық өзгерістерге байланысты комиссия құрамынан Н.Ж. Нұркенов және аудандар әкімдерінің орынбасарлары шығарылды.

«Нұр-Сұлтан қаласы әкімінің аппараты» ММ аппарат басшысының орынбасары Нұрлыбек Жеңісбекұлы Нұр-Сұлтан қаласында қоғамдық тәртіпті қамтамасыз етуге қатысатын азаматтарды көтермелеу жөніндегі комиссияның құрамы туралы; Нұр-Сұлтан қаласы мәслихатының 2021 жылғы 24 қарашадағы №111/15-VII «Нұр-Сұлтан қаласы әкімдігінің жанындағы Кәмелетке толмағандардың ісі және олардың құқықтарын қорғау жөніндегі комиссияның құрамы туралы» шешіміне өзгерістер енгізу туралы; Нұр-Сұлтан қаласы мәслихатының 2021 жылғы 24 қарашадағы №112/15-VI «Нұр-Сұлтан қаласы әкімдігінің жанындағы Әйелдер істері және отбасылық-демографиялық саясат жөніндегі комиссияның құрамы туралы» шешіміне өзгерістер енгізу туралы баяндады.

Мәдениет басқармасы басшысының орынбасары Жаңабай Мейірманқұлов кадрлық өзгерістерге байланысты Нұр-Сұлтан қаласы мәслихатының 2021 жылғы 15 желтоқсандағы №117/16-VII «Нұр-Сұлтан қаласының тарих және мәдениет ескерткіштерін қорғау жөніндегі комиссияның құрамы туралы» шешіміне өзгерістер енгізу туралы мәселе бойынша сөз сөйледі.

Мәслихат хатшысы  24-ші кезектен тыс  сессияны қорытындылай келе, сессияның күн тәртібіне енгізілген барлық мәселелер қаралғанын және олар бойынша тиісті шешімдер қабылданғанын хабарлады.