Әлеуметтік-мәдени даму мәселелері жөніндегі бюджеттік өтінімдерді қарау

Қалалық мәслихатта Айтжан Әбдіровтың төрағалығымен әлеуметтік-мәдени даму мәселелері жөніндегі тұрақты комиссияның 2022 жылға арналған елорда бюджетін нақтылау бойынша бюджеттік бағдарламалар әкімшілері енгізген бюджеттік өтінімдерді қарау мәселесі бойынша отырысы өтті.

Дене шынықтыру және спорт басқармасы басшысының орынбасары Алмас Абаев депутаттарға басқарма спортшылардың халықаралық және республикалық жарыстарға сапалы дайындығы, оқу-жаттығу сабақтарын өткізу, спорттық мүкәммалмен және құрал-жабдықтармен қамтамасыз ету, сондай-ақ материалдық-техникалық базаны нығайту үшін қаржыландыруды ұлғайту бойынша ұсыныстар енгізетінін хабарлады.

Депутат Азамат Айтхожин жабдықтар мен мүкәммал сатып алу қажеттілігіне қатысты түсінбестік білдірді. Неліктен барлық қажеттілікті басқарушы компания сатып алмайды. Депутаттың екінші сұрағы су спорты түрлеріне қатысты болды. Су айдыны қажет болғандықтан, спортшылар Есілде жаттығады, спортшыларға фарватер керек.

Депутаттар шаңғы базаларын салу мәселесі бірнеше рет көтерілгенімен, мәселе әлі күнге дейін шешілмей отырғанына қатысты сыни ескертулер жасады. Олардың пікірінше, сыбайлас жемқорлық тәуекелдерін жою қажет. Сондай-ақ, депутаттар сәулет басқармасына жеңіл салынатын ғимарат -шаңғышылар мен су спортшыларына арналған база мәселесін шешу жөнінде, Барыс аренаны қаржыландыру мәселесін егжей-тегжейлі қарастыру жөнінде тапсырма беруді ұсынды.

Қоғамдық денсаулық сақтау басқармасы басшысының орынбасары Салтанат Алдабергенова сөз сөйлеп, депутаттарды басқарманың қосымша қажеттілігі туралы хабардар етті.

Қала әкімінің орынбасары Есет Байкен лифтінің болмауы себебінен жөндеу жұмыстары тоқтап қалған №1 емхананың жағдайына қатысты баяндады. Тұрғындар лифт орнатуды сұраған, олардың арасында қарт адамдар көп. Негізсіз себептермен түзету процесі шамамен бір жылға жуық созылып келеді. Осыған байланысты депутаттардың сұрау салуы бойынша мәслихаттың атына нақты кесте ұсыну тапсырылды.

Жұмыспен қамту және әлеуметтік қорғау басқармасының басшысы Сәуле Нұрғожина қосымша қажеттілік туралы баяндады. Қаржыландырудың ұлғаюы АЕК-тің ұлғаюына, «Қатаркөл» оңалту орталығы қызметкерлерінің жалақысының артуына, 9 мамырға ҰОС-ның 18 ардагеріне, басқа мемлекеттердің аумақтарындағы ұрыс қимылдарының ардагерлеріне әлеуметтік көмек төлеуге, халықтың әлеуметтік осал топтары (ХӘОТ) санаты үшін газифиакция бойынша төлемге, азаматтардың жекелеген санаттарына қоғамдық көлікте жеңілдікпен жол жүруге 1 млрд. астам қаржы қажеттілігіне, әлеуметтік көмекшілердің еңбегіне ақы төлеуге және т.б. байланысты.

Білім басқармасы басшысының орынбасары Нариман Еламанов мәлімделген қосымша қажеттілікке еңбекақы, коммуналдық қызмет төлемдері, күрделі шығыстар, кеңсе және шаруашылық тауарларын сатып алу, Балалар жылына арналған іс-шараларды өткізу, әкімнің гранттары, 2021 және 2024 жылдардағы оқу ақысы құнының айырмасы кіретінін хабарлады.

Депутат Владислав Сергеев мектептерді камералармен жабдықтауға қаражат дер кезінде салынып жатқанын, бұл қауіпсіздікті қамтамасыз ету үшін маңызды екенін атап өтті. Сондай-ақ, ол жапсарлас құрылыстар бойынша көптеген проблемалар бар екенін айтты, олардың барлығында сапаға қатысты шағымдар бар, кепілдік мерзімі 8 жыл, бірақ 2-3 жылдан кейін-ақ проблемалар, температуралық режимді сақтамау және т.б. мәселелер туындап жатады.

Мәдениет басқармасының басшысы Санат Шапашов ағымдағы жылдың соңына дейін жан басына шаққандағы қаржыландыруды жүзеге асыру, балалардың театрға тегін баруы, Креативті индустриялар орталығын, «Шетсіз қала» жобасын қолдау, Жастар сарайын, «Наз» театрын, қуыршақ театрын, жасөспірімдер театрын, мемлекеттік филармонияны жабдықтау және т.б. үшін қосымша қаражат қажет екенін айтты.

Депутат Ләззат Разбекова-Төлеуханова балалардың театрларға тегін баруы мәселесін көтерді. Депутаттың пікірінше, театрларға барлық дерлік балалардың баратындығына кепілдік жоқ, сондықтан бұл соманы жұмысшылардың жалақысына бағыттаған жөн.  

Депутат Ерлан Дәкенов Мәжіліс депутаттарының қатысуымен қатардағы қызметкерлердің жалақысы бойынша дөңгелек үстел өткізу жоспарланғанын атап өтті. Жалақының өте төмен болуына байланысты кадрлардың тұрақтамауы байқалады. Қазіргі уақытта мектептерде балаларға арналған қойылымдарға билеттер сатуға мүмкіндік жоқ, сондықтан бұл мәселені әлі де шешу қажет, өйткені театрға деген сүйіспеншілікті бала кезінен бастап тәрбиелеу керек.

Есет Байкен жалақыны көтеруге қатысты сөз сөйледі, ол әңгіме елорданың бюджеттік ұйымдарының 55 мың қызметкері туралы болып отырғанын атап өтті. Мемлекет басшысының атына әкімдіктен хат жолданды, оң қарар бар. Қазіргі уақытта уәкілетті органдар Қаулыға өзгерістер енгізу бойынша жұмыс жүргізуде. Хатта әкімдік жергілікті атқарушы органдарға жергілікті бюджеттен үстемеақылар мен жалақыны арттыру қорын қалыптастыруға мүмкіндік беретін тармақты енгізуді сұрады.

Тілдерді дамыту және архив ісі басқармасының басшысы Сәкен Есіркеп тілді дамыту жөніндегі мемлекеттік саясатты іске асыру және архив ісін қолдау үшін қосымша қаржыландыру қажет екенін баяндады.

Депутат Ләззат Разбекова-Төлеуханова балабақшалардың 80%-ында оқыту мен тәрбиелеу қазақ тілінде жүргізілетінін атап өтті және тілдерді дамыту жөніндегі кешенді жоспар дайындауды ұсынды, онда қалалық басқармалар жауапты болады.

Есет Байкен мемлекеттік тілді дамыту мәселесі бойынша жеке отырыс өткізуді ұсынды және бұл жұмысқа бүкіл қоғамды тарту қажет және басқарманың міндеті - жүйелі іс-шаралар өткізу жөніндегі ұсыныстарды негіздеу, оларды мәслихат та, әкімдік те қолдайтын болады.