Әлеуметтік нысандардың проблемалық мәселелері бойынша есеп

Қалалық мәслихатта Ерлан Каналимовтың төрағалығымен елорданың әлеуметтік нысандарының (мектептер, денсаулық сақтау ұйымдары, мемлекеттік бағдарлама бойынша салынған тұрғын үй) проблемалық мәселелері бойынша есеп өтті.

Негізгі баяндамашы құрылыс басқармасының басшысы Әрсен Жаңғасқанов сөз сөйлеп, іске асыру үшін депутаттардың көмегі қажет болатын проблемалық мәселелер туралы баяндады. Ол объектілер салуға рұқсат алу рәсімдерінен өтуге егжей-тегжейлі тоқталды, бұл рәсімдер бірнеше айға созылады, сондай-ақ аймақтың климаттық жағдайларының ерекшеліктері де инфрақұрылымды орнатуға кедергі келтіретіндіктен, нысандарды тапсыру мерзімдерінің кешіктірілуіне әсер етеді.

Мәслихат хатшысы басқарма ұсынған барлық ұсыныстар бойынша жазбаша негіздеме дайындауды сұрады.

Депутат Нұрдәулет Оразханов «Отау» тұрғын үй кешенінің құрылысының сапасыз жүргізілуіне байланысты сұрақтар қойды. Үй тұрғындарымен кездесу барысында тұрғындардың толығымен қоныстанбағаны анықталды, өйткені үй соңына дейін дайын емес. Үйді барып көрген сәттен бастап бір ай өтті, бірақ ештеңе жасалмаған. Құрылыс салушы, BAZIS-A құрылыс компаниясы кепілдік міндеттемелерді орындамай отыр. Депутат тұрғындар арасында аз қамтылған отбасылар, жетім балалар бар екенін, олар жөндеу жұмыстарын жүргізе алмайтынын атап өтті, осыған байланысты барлық кемшіліктер қашан жойылатыны туралы сұрақ туындайды. Басқарма бұл мәселені бақылауға алуы керек.

Мәслихат хатшысы жаңа жылдық мерекелер алдында 45 пәтердің иелеріне кілттерді салтанатты түрде тапсыру рәсімі өткенін, ал қазір бір ай өтпей жатып, үйдің мүшкіл жағдайда екені белгілі болып отыр. BAZIS-A - бұл республикада танымал ірі компания, бірақ кейбір мердігерлер жұмысты сапасыз орындайды. Ерлан Каналимов басқарма тарапынан бақылаудың болмауынан, әлеуметтік желілерде қала тұрғындарының мердігерге қатысты наразылықтары көп екенін атап өтті. Аталған үйде барлығы 7 мыңға жуық адам тұрады.

Апта соңына дейін басқарма компания басшылығы қол қойған қалпына келтіру жұмыстарының кестесін ұсынуы қажет, ал депутаттар әкімдік өкілдерімен бірге нысанға барып тексереді. Үй қаланың коммуналдық меншігіне қабылданған. Сонымен қатар, аудан әкімдігінің өкілдерімен кірме жолдардың, көлік мәселесін, жылы аялдамалардың және т.б. құрылысын талқылау қажет. Бұл ауданда мектеп пен балабақша болуы керек.

Депутаттар басқарма басшысының көптеген кемшіліктері бар үйді қабылдау құжаттарына қол қойғанына, Жол картасына сәйкес ағымдағы жылы пайдалануға енгізіледі деп жоспарланған жатақханалардың бірінің құрылысына қатысты наразылық білдірді, жатақхана бойынша жыл басында конкурстық рәсімдер өткізілмеген, сәйкесінше Ильинкадағы медицина қызметкерлеріне арналған жатақхана құрылысы келесі жылға қалдырылды. Депутаттар 2023 жылы пайдалануға берілетін нысандар, мысалы, перзентхана құрылысының тағдыры да осылай болады деп қауіптенеді.

Мәслихат хатшысы конкурстық рәсімдерді өткізуге жарты жылға жуық уақыт қажет екенін, одан кейін қаржыландыруға өтінім дайындалатынын, және қаражат бөлінген жағдайда ғана басқарма құрылысты бастауға кірісе алатынын атап өтті. Мұның бәрі басқарманың жобалау-іздестіру жұмыстарын қаншалықты тез аяқтайтынына байланысты, содан кейін нысанды қаржыландыру мәселесі қаралатын болады.

Депутат Ерлан Дәкенов «Шаңырақ» тұрғын үй кешенінің тұрғындарымен кездесу барысында олар үйдің қаптауының құлағанына шағымданғанын айтты. Сұрақ - тұрғындарға қалай көмектесуге болады, бюджетте жөндеу жұмыстарын жүргізуге шығыстар бабы бар ма?

Депутат Ләззат Разбекова-Төлеуханова «Өндіріс» тұрғын алабындағы ДСК құрылысына қатысты сұрақ қойды, Жол картасына сәйкес бүгінгі жағдай қандай, сот шешімі қандай, сот шешімімен танысуға бола ма. Депутат ДСК-дердің құрылысы бойынша толық жауап беруді өтінді.

Депутат Бақдәулет Жанділдаев өткен жылы жастар үшін уәде етілген 1500 пәтер және әлі іске қосылмаған 800 пәтер туралы еске салды. Ол пәтерлерді пайдалануға берудің нақты мерзімін атауды сұрады.

Мәслихат хатшысы жастар өкілдеріне жағдаймен, 800 пәтердің дайындық деңгейімен танысуды ұсынды, содан кейін олар қалған жастарды ағымдағы жағдай туралы хабардар ете алады. Сондай-ақ, ол басқарма басшысынан 2021 жылы пайдалануға берілген үйлерге қатысты және «Отау» ТК бойынша жеке ақпарат дайындауды сұрады.

Білім басқармасының басшысы Қасымхан Сенғазыев сөз сөйлеп, депутаттарға басқарманың 2022-2025 жылдарға арналған жоспар бойынша жұмыс істегенін, онда жұмыс 4 бағыт бойынша бөлінгенін айтты: мектепке дейінгі білім беру, орта білім беру, қосымша білім беру, техникалық және кәсіптік білім беру.

Елордада мектепке дейінгі ұйымдарда 2 жастан 6 жасқа дейінгі балаларды қамту - 82,5%, 3 жастан 6 жасқа дейінгі балаларды қамту - 99,1% құрайды, балабақшалардың 31% жаңартылған, бірақ педагогтардың 35%- ында бейінді білім жоқ.

Орта білім беру бойынша статистика мынадай - барлығы 149 мектеп, білім беру сапасы - 52%, мектептердің 67% пәндік кабинеттермен қамтамасыз етілген, педагог кадрларға деген елеулі қажеттілік бар (2470 адам).

Стратегиялық міндеттердің бірі - PISA-2022 әлемнің түрлі елдеріндегі функционалдық сауаттылықты және практикада қолдана білуді бағалайтын бағдарламаның қорытындылары бойынша нәтижелерді жақсарту. Білім беру сапасын жақсарту үшін халықаралық жобалар енгізілуде, оқу-зертханалық жабдықтарды жаңарту, академиялық адалдық қағидаттарын енгізу, мемлекеттік тапсырыс орналастырылған институттардың түлектерін жұмысқа тұрғызу шаралары жүргізілуде.

149 мектептің 99-ы мемлекеттік мектеп болып табылады, 4 мектеп үш ауысымда оқытады, мектептердің 92% цифрлық бейнебақылаумен қамтамасыз етілген және ІІД-нің Жедел басқару орталығына қосылған, бұл шараларды 100%-ға дейін жеткізу жоспарда бар.

Қасымхан Сенғазыев қала аудандары бойынша «қадамдық қолжетімділік» қағидатын іске асыру үшін қаланың әрбір ауданы шегінде шаршылар бойынша жаңа мектептерге қажеттілік ұсынылған толық ақпаратты баяндады.

Қосымша білім беру бойынша статистика: барлығы 11 ұйым, қосымша білім берумен қамту 74% құрайды, желіні одан әрі кеңейту жоспарлануда, балалардың 35% спорт секцияларымен қамтылған.

Елордада 15 арнайы білім беру ұйымы бар, 13597 бала ерекше білім берілуін қажет етеді, мұндай балалардың 50% педагогикалық түзетіммен қамтылған, 816 жетім бала мен ата-анасының қамқорлығынсыз қалған бала бар, 169 жетім бала интернат мекемелерінде тұрады, 3 бала асырап алушы ата-аналар мектебі бар.

Қазіргі уақытта қалада 34 колледж бар, 12 құзыреттілік орталығы жұмыс істейді, колледждерде тегін оқытумен қамту 52,4% құрайды. Колледждер бойынша проблемалық мәселелерді шешу үшін ТжКБ мекемелерінде кадрларды даярлауға арналған мемлекеттік тапсырыс көлемі ұлғайтылды, жаңа жабдықтармен жарақтандыру жүргізілуде, құзыреттілік орталықтары құрылуда, гранттар саны ұлғайтылды және т. б.

Депутаттар Қасымхан Сенғазыевке бүгінгі таңда колледждердегі норматив бойынша 610 теңгені құрайтын тегін тамақтандыру, сондай-ақ оң жағалаудағы жөндеуді қажет ететін ескі мектептер мәселесі бойынша сұрақтар қойды. Бір кездері бұлар пәндер бойынша жақсы нәтиже беретін қаладағы ең үздік мектептер болған, ал қазір олар назардан тыс қалып отыр.

Білім басқармасының басшысы 117 білім беру нысаны өте ертеде салынғанын, мектеп ғимараттарына бірнеше кезеңдік кешенді техникалық тексеру жүргізу қажет екенін, ол үшін 409 млн. теңге қаражат керек екенін айтты.

Мәслихат хатшысы оң жағалаудағы барлық мектептерге кешенді тексеру жүргізуді ұсынды. Жақсы көрсеткіштері бар тәжірибелі директорлардың ескі мектептерде, ал жаңадан жұмысқа кіріскендер жаңа мектептерде жұмыс істейтіні әділетсіз. Ерлан Каналимов 2020-2021 жылдары салынған жаңа мектептердің жабдықталуы туралы ақпарат сұрады.

Депутаттар жету қиынға соғатын №45 мектепке, Бином мектебіне барар жолдағы қауіпсіздіктің болмауына, сондай-ақ № 13, 57, 63 мектептерге іргелес аумақтың қанағаттанарлықсыз жағдайына қатысты проблемалық мәселелерге назар аударды.

Ерлан Каналимов қала мектептерін аралап, қаланың барлық мектептері бойынша логистика, көлік жолдарының болуы, балалардың қауіпсіздігін қамтамасыз ету мәселелерін шешу жолдары туралы ақпарат дайындауды сұрады.

Тұрғын үй және тұрғын үй инспекциясы басқармасының басшысы Әнуар Саитов сөз сөйлеп, басқарма Жол картасы бойынша жоспарланған іс-шаралардың барлығын орындағанын баяндады. Өткен жылы оң динамика байқалып, 10 мыңға жуық пәтер, оның ішінде халықтың әлеуметтік қорғалмаған топтарына пәтер беру есебінен есепке қойылғаннан гөрі, есептен шығарылған азаматтардың көп болғанын айтты.

1,5 млн. теңге көлемінде тұрғын үй сертификаттарын беру жақсы демеу болды.

Мәслихат хатшысы жастарға 800 пәтер беруге қатысты «Елорда жастары» бағдарламасы бойынша барлық мәселелерді шешу қажеттігін атап өтті.

Депутат Алтыншаш Табулдина тұрғын үймен қамтамасыз етілмеген азаматтардың саны туралы мәселені көтерді (47 804), ол жылдан жылға өзгеріссіз қалып келеді. Депутат бағдарламалар бойынша кезекте тұрғандарға қатысты, олардың қанша жыл кезекте тұрғандығына талдау жасауды сұрады. А.Табулдина жағдайды нақты білу арқылы қай категорияның бағдарламаларға енбейтінін және жылдан жылға бірде-бір бағдарламаға кіре алмай келе жатқандарға қалай көмектесуге болатындығын түсінуге болады деп болжады.

Мәслихат хатшысы депутаттарға кезекте тұрғандардың барлығы 13 санатқа бөлінгенін, олардың ішінде көп пәтер алатын жеңілдік берілген адамдар, халықтың әлеуметтік осал топтарына жататын жетім балалар, толық емес отбасылар, мүгедек балалары бар отбасылар, олардың барлығы үйді кезектен тыс алатынын, бірақ мұндай азаматтардың өте көп екенін айтты. Пәтерлерін ең ұзақ күтетіндер бюджеттік қызметкерлер мен жасы бойынша зейнеткерлер.

Ерлан Каналимов бұл мәселені әлеуметтік-мәдени даму мәселелері жөніндегі тұрақты комиссияның отырысында қарауды ұсынды.