Қалалық бюджетке өзгерістер енгізу мәселесі бойынша кезектен тыс сессия

Қалалық мәслихаттың кезектен тыс сессиясы Зәуре Жүсіпованың төрағалық етуімен Zoom сервисінің бейнеконференцбайланыс платформасында өтті.

Кезектен тыс сессияда үш мәселе қаралды: «Нұр-Сұлтан қаласының 2020-2022 жылдарға арналған бюджеті туралы» Нұр-Сұлтан қаласы мәслихатының 2019 жылғы 12 желтоқсандағы №456/58-VI шешіміне өзгерістер  мен толықтыру енгізу туралы»; жер учаскелерін мемлекеттік  мұқтажы үшін  алып қоюға байланысты жер учаскелерін немесе  өзге де жылжымайтын мүлікті иеліктен шығару шарттардың жобаларын келісу туралы; Нұр-Сұлтан қаласы әкімдігінің жанындағы Тұрғын үй –коммуналдық дамудың 2020-2025 жылдарға  арналған «Нұрлы жер» мемлекеттік бағдарламасы шеңберінде Нұр-Сұлтан қаласындағы тұрғын үй қорын реновациялау жобасын іске асыру жөніндегі Тұрғын үй комиссиясының құрамы туралы.

«Экономика және бюджеттік жоспарлау басқармасы» ММ басшысы Қайсар Маңқараев депутаттарға ағымдағы нақтылау Мемлекет басшысы мен ҚР Үкіметінің 10 шілдедегі еліміздің бірінші жартыжылдықтағы әлеуметтік-экономикалық даму қорытындылары және 2020 жылға арналған міндеттер бойынша кеңейтілген отырыста берілген тапсырмаларын іске асыру мақсатында жүргізіліп жатқанын, коронавирустық инфекциямен күресуге және емханалардың, білім беру жүйесінің, әлеуметтік саланың материалдық-техникалық базасын нығайтуға және қала инфрақұрылымын одан әрі дамытуға бағытталғанын хабарлады.

«Жергілікті бюджетті нақтылау кезінде бюджеттің кіріс бөлігін 16 млрд. теңгеге ұлғайту ұсынылады. Жергілікті бюджет қаражатын игеру мониторингінің нәтижелері негізінде 3 млрд. теңгеден астам сомаға шығыстарды оңтайландыру және шамамен 3,7 млрд. теңге сомаға қаражатты ішкі қайта бөлу жолымен жекелеген бағдарламалар бойынша тағайындаулар, жылдық жоспарлар қайта қаралды, оларды бірқатар кезек күттірмейтін міндеттерді шешуге бағыттау ұсынылады» - деді Қайсар Маңқараев.

Қала тұрғындары үшін көрсетілетін қызметтердің сапасы мен қол жетімділігін қамтамасыз етуді ескере отырып, әлеуметтік білім беру, денсаулық сақтау салаларына ақша қаражатын жұмсаудың басым бағыттарын көздейтін бюджеттің шығыс бөлігі қалыптастырылды.

Әлеуметтік саланы қаржыландыруға АЕК өсуіне байланысты әлеуметтік көмек бойынша шығындарды өтеу үшін, әлеуметтік карталарды сатып алу үшін қосымша 4 284 млн. теңге қарастырылған.

Білім беру саласында 5400 компьютер, роутер сатып алуға және интернет желісіне қызмет көрсетуге, жаппай оқыту қоры үшін, үздік педагогтарды көтермелеуге қосымша 3 019,7 млн. теңге сомасында қаражат көзделген.

Денсаулық сақтауға КТ аппараты үшін коллиматор, стационарлар үшін жоғары дәлдіктегі инвазивті емес желдеткіштер, А гепатиті мен тұмауға қарсы вакциналар сатып алуға қосымша 389,5 млн. теңге көзделген.

Бүгінгі таңда, ҚР Премьер Министрінің орынбасары Е.Л. Тоғжановтың төрағалығы бойынша Халықты жұмыспен қамту мәселелері жөніндегі ведомствоаралық комиссия отырысының 2020 жылғы 5 тамыздағы хаттамасына сәйкес, Мемлекеттік сатып алу қорытындылары бойынша жұмыспен қамтудың Жол картасын іске асыру шеңберінде 2 548,8 млн. теңге сомасына 60 жоба бойынша қалыптасқан үнемдеуді қайта бөлуді бекіту туралы шешім қабылданды.

Осылайша, енгізілетін өзгерістерді ескере отырып, Нұр-Сұлтан қаласының 2020 жылға арналған нақтыланған бюджетінің жалпы көлемі 653 млрд. 139,5 млн. теңгені құрайды.

Депутаттарда бюджетті нақтылау бойынша көптеген сұрақтар болды, олар бұрын тұрақты комиссиялардың бірлескен отырысында талқыланды. Олардың ішінде ӘКК қызметіне, ТЖ кезінде жергілікті бюджеттің шығыстары туралы депутаттардың сауалына толық ақпарат бермеуге байланысты мәселелер бар.

Депутат Ақылбек Күрішбаев Экономика және бюджеттік жоспарлау басқармасының басшысына жүгінді.

«Қазір біз дәрілік заттарға бағаның көтерілгенін көріп отырмыз. Сарапшылардың пікірінше, азық-түлік тауарларының бағасын ұстап тұру қиын болады, сондықтан азық-түлік бағасының өсуі болжануда. Осыған байланысты біз депутат Мирас Шекеновпен кеше ӘКК барып, көптеген кемшіліктерді, тетікті өзгерту қажеттілігін анықтадық, бұл туралы оларға хабарланды. Бұл мәселе өте маңызды, өйткені ол әлеуметтік салаға қатысты. Сіз осы мәселені қалай шешесіз? Оларда 6 млрд. теңге бар, қосымша 1 млрд. теңге сұрайды», - деп сұрады депутат.

Қайсар Маңқараев өткен сессияда бұл мәселе қозғалғанын айтты.

«Азық-түлік тауарларының бағасын ұстап тұру үшін, біз азық-түлік сатумен айналысатын ірі ұйымдарға айналым тетігі жүйесінің көмегімен қаражат бөлдік, тұрақтандыру қорына қаражат бөлдік. 1 млрд. мөлшерінде қосымша сомаға өтінімдер түскен жоқ.  1 млрд. мөлшерінде қосымша сомаға өтінімдер түскен жоқ. Өтінім түскен жағдайда, біз оны қарастырамыз, өйткені Бюджет кодексіне сәйкес өтінім түскеннен кейін ғана біз мәселені қарастырумен айналыса аламыз. Қосымша бюджеттеу бойынша барлық ұсыныстарды мәслихат сессиясының қарауына шығарамыз» - деп атап өтті  Қ. Манқараев.

«Astana» ӘКК» басқарма төрағасы Рүстем Қуанышбаев сөз сұрады. «Бізге 1 млрд. теңге бөлінді, қосымша біз бюджетті келесі нақтылауға ақша сұратуды жоспарлап отырмыз», - деді Р. Қуанышбаев.

Депутат Күрішбаев қалалықтарды азық-түлікпен қамтамасыз ету мәселесі өте маңызды екенін, сондықтан ӘКК қолдау қажет екенін айтты.

Депутат Рамзия Умербаева балабақшалардан 506 млн. теңге алу туралы сұрады.

«Қалайша білім алудан ақша алмауға болады? Білім басқармасының ішінде көптеген мәселелер бар. Осы қаражат есебінен жөндеу жұмыстарын жүргізіп, өзінің материалдық жабдықталуын жақсарта алатын көптеген мектептер, балабақшалар бар. Бұл қаншалықты қажет болды?» - деді депутат.

«Біз 528 млн. теңгені балабақшалардан алып тастадық, өйткені карантин кезінде балалар балабақшаларға бармады, бірақ біз жалақыға және басқа да қажетті шығындарға қалдырып, 36% алдық. Бұл соманы біз педагогтарды ынталандыруға, ішінара қашықтықтан оқитын оқушылар үшін компьютерлер сатып алуға білім басқармасына қалдырдық, жалпы білім беру қорын толықтырдық. Бұл ақша іштей қайта бөлінді», - деп атап өтті Қайсар Маңқараев.

Депутат Гүлнар Данбаева экономика және бюджеттік жоспарлау басқармасының басшысынан сұрады –

«Кеше сіз ӘКК-ге зауыт құрылысына 1 млрд. теңге бөлгеніңізді айттыңыз, бүгін активтер басқармасы бұл ақшаны үй-жай сатып алуға беретіндігі туралы анықтаманы берді. Жобаның құны қандай? Содан кейін бізге олардың анау қажет, мынау қажет деген талаптарын орындау мүмкін болмайды».

Аталған сұраққа шақырылған ӘКК басқарма төрағасы жауап берді.

«Astana» ӘКК» басқарма төрағасы бұл жоба тек коммерциялық қана емес, сонымен қатар әлеуметтік сипатта екенін айтты.

«Ол қаланың коммуналдық саласы үшін қажет. Қаланы көгалдандыру, тазалау үшін арнайы техника сатып алдық. Мұндай техниканы, әсіресе әлемдік брендті, мысалы, британдық өндірушіні осында жинау әлдеқайда тиімді екенін тәжірибе көрсетті. Технопарк аумағында өндірістік үй-жай бос тұр. ӘКК шамамен 9 шаршы метр өндірістік үй-жай сатып алуды жоспарлап отыр. Инвестор өзінің жабдығымен, лицензиясымен, кадрларымен келіп,  100-ге жуық жұмыс орнын ашады. Компания бірден құрылыс сегментімен қамтамасыз ету үшін ауылшаруашылық, құрылыс, коммуналдық және жүк техникаларын жинауға дайын. Бұл қаражат қайтарымды негізде, яғни 5-7 жыл ішінде бюджетке қайтаруды жоспарлап отырмыз. Жобаның құны біздің тарапымыздан 1,5 млрд. теңге және қазір инвестор тарапынан есеп айырысу аяқталды, олардың тарапынан шамамен 3-4 млрд. теңге», - деп атап өтті Р. Қуанышбаев.

Пікірталас аяқталғаннан кейін сессия төрағасы депутаттарға өзгерістер мен толықтыруларды ескере отырып, күн тәртібіндегі бірінші мәселе бойынша шешім қабылдауға дауыс берді. Екі депутат қалыс қалды.

Жер учаскелерін мемлекеттік  мұқтажы үшін  алып қоюға байланысты жер учаскелерін немесе  өзге де жылжымайтын мүлікті  иеліктен шығару  шарттардың жобаларын келісу туралы екінші мәселе бойынша «Нұр-Сұлтан қаласының тұрғын үй және тұрғын үй инспекциясы басқармасы» ММ басшысының м.а. Ануар Саипов сөз сөйледі. Ол депутаттарға әлеуметтік мақсаттағы 9 нысанның құрылысы үшін жер телімдерін алып қою туралы ақпарат берді.

Нұр-Сұлтан қаласы әкімдігінің жанындағы Тұрғын үй – коммуналдық дамудың 2020-2025 жылдарға  арналған «Нұрлы жер» мемлекеттік бағдарламасы шеңберінде Нұр-Сұлтан қаласындағы тұрғын үй қорын реновациялау жобасын іске асыру жөніндегі Тұрғын үй комиссиясының құрамындағы өзгерістер туралы да тұрғын үй және тұрғын үй инспекциясы басқармасының басшысы сөз сөйледі. Ол кадрлық өзгерістерге байланысты тұрғын үй комиссиясының құрамына өзгерістер енгізілетінін хабарлады.

Мәслихаттың кезектен тыс сессиясының талқылауына шығарылған барлық мәселелер депутаттар тарапынан қаралып, олар бойынша тиісті шешімдер қабылданды.