Мәжит Шайдаровтың төрағалығымен Нұр-Сұлтан қаласы мәслихатының Әлеуметтік мәдени дамыту мәселелері жөніндегі тұрақты комиссиясының отырысында Нұр-Сұлтан қаласында жаппай бос уақыттын өткізу және дамыту туралы мәселе қаралды

Күн тәртібіндегі мәселе бойынша Нұр-Сұлтан қаласының Мәдениет және спорт басқармасының басшысы Нұрлан Сыдықов сөз сөйледі.

Мәселен, қазіргі уақытта балалар мен жастардың бос уақытын ұйымдастыруда ЕХРО аумағында, «Қазақ елі» алаңында, әкімдік алдындағы қалалық алаңда, Ботаникалық бақтың аумағында, «Жастар» сарайы, «Астана» спорт кешені алдында мұз қалашықтарын ұйымдастыру, сондай-ақ цирк бағдарламалары, жаңа жылдық қойылымдар, ертеңгіліктер мен қала театрларындағы ертегілер ең қызықты әрі тартымды болып табылады.

Қысқы демалысты ұйымдастыратын жерлерде тюбингтер, шаңғылар, конькилер, ит шанамен серуендеу, қарда жүру және қоғамдық тамақтануды ұйымдастыру үшін жалға беру қызметтері ұсынылған. Қаланың«Астаналық», «Жерұйық» және«Студенттік» саябақтарында жаз айларында дәстүрлі түрде «Саябақтың жеті кереметі» іс-шарасы өтеді. Іс-шара бағдарламасында аниматорлардың, суретшілер мен акробаттардың қойылымдары бар.

Мемлекеттік басқару органы Мәдениет және спорт басқармасы болып табылатын мәдени және спорттық ұйымдар желісі мынадай.

Мәдени нысандардың жалпы саны – 66 бірлік. Соның ішінде: кітапханалар – 20, клубтар мен мәдениет үйлері (сарайлары) – 7,
музейлер – 5, театрлар – 8, кинотеатрлар – 8, галереялар – 4, цирк – 1, саябақтар – 8, концерттік ұйымдар – 3, басқалары – 2. Жалпы спорттық ғимараттар саны –794 бірлік.

Нұрлан Сыдықов өз баяндамасында өткен жылмен салыстырғанда
2019 жылы спорт нысандарының саны 75 бірлікке артқандығын атап өтті, олар: 1 спорт сарайы («Jekpe-Jek» жекпе-жек сарайы (мем.), 1 спорт кешені (B-Platinum (жеке), 38 жабық аула (соның ішінде 4 стритворкауталаңдары), 16 теннис корты, 1 жүзу бассейні, 18 спорт залы.

Депутаттар көптеген жағымды жақтарға қарамастан, мәдени салада проблемалық мәселелер бар екенін атап өтті. Ең өзекті мәселелердің бірі қаланың шалғай аудандарында орналасқан Железнодорожный, Промышленный, Ильинка, Тельман кенттерінде және тұрғын алаптарында мәдени және демалыс ұйымдарының болмауы. Талқылау барысында депутаттар мәдениеттегі жетістіктерді сақтаумен мейілсімей, сонымен бірге мәдениеттің бүгіні мен болашағын қалыптастыру үшін жағдайлар жасау мәселелерін шешу қажет екендігін атап өтті. Халық қалаулылары кешенді шешуді талап ететін жүйелі проблемаларды көтерді, бұл күрделі жөндеуді қажет ететін бірқатар мәдени және спорт нысандарына қатысты мәселелер.

Депутаттар тақырыптың өзектілігін атап өтті және мүдделі мемлекеттік органдармен бірлесіп Нұр-Сұлтан қаласында тұрғындардың бос уақытын дамыту Тұжырымдамасын әзірлеуді де ұсынды.

Отырыстың нәтижесінде қалалық мәслихат депутаттары ұсынымдар мен нақты ұсыныстармен тиісті қаулы қабылдады, сондай-ақ осы мәселені ағымдағы жылдың сәуір айында қайта қарау туралы шешім қабылдады.