Елордалық мәслихатта кезекті сессия өтті

Қалалық мәслихаттың кезекті сессиясы кезінде қаланың энергетикалық жүйесінің келешегі туралы сөз болды. Елорданың энергетикалық жүйесі мен инженерлік инфрақұрылымын дамыту перспективалары жөнінде қалалық мәслихат депутаттарымен қала әкімінің орынбасары Ермек Қизатов кезекті сессия кезінде бөлісті.

Алдағы жылдары тұрғын үй-коммуналдық саланың қандай нысандары іске асырылатыны белгілі болды. Қала әкімінің орынбасары атап өткендей, бүгін елордада қолданыстағы электр желілерін қайта жаңарту және жаңа электр желілерін салу бойынша 26 жоба жүзеге асырылуда. Бұл қаланы сенімді және үздіксіз жылумен және энергиямен қамтамасыз етуге мүмкіндік береді. -2019 жылы ЖЭО-1 жаңғырту аясында жылу агрегатын, қосымша жабдықтары бар №2 қазандық агрегатын қайта жаңарту, су дайындау объектілерінің сүзгілерін монтаждау жұмыстары орындалды. Сонымен қатар № 4 турбоагрегатты ауыстыру жұмыстары жалғасуда. ЖЭО-2 Қайта Құру және кеңейту шеңберінде №8 су агрегаты және №6 турбоагрегаты бойынша қосалқы объектілері мен құрылыстары бар құрылыс-монтаж жұмыстары жалғасуда. Сонымен қатар№2 күл үйіндісінің құрылысы жүзеге асырылуда. ЖЭО-3 бірінші кезегінің құрылысы бойынша биыл техникалық-экономикалық негіздеме мен жобалық-сметалық құжаттаманы түзету басталды, - деп атап өтті Ермек Қизатов.

Ол бүгінде жұмысты жалғастырудың барлық негізгі параметрлері анықталғанын және қазіргі уақытта жобалық-сметалық құжаттаманың техникалық-экономикалық негіздемесін түзету аяқталғаннан кейін ЖЭО-3 бойынша жұмыстар жалғастырылатынын хабарлады. - Сонымен қатар, бесінші енгізу құрылысын жалғастыру қажет, комиссиялық тексеру біздің тарапымыздан кейбір кемшіліктерді көрсетті. Атап айтқанда: құрылыс және жобалау кезінде кәріз-сорғы станциясын электрмен жабдықтаумен байланысты жекелеген сәттер және жою қажет болатын басқа да ескертулер жіберілді.  Бүгінгі күні оларды жою жұмыстары жүргізіліп жатыр, жақын арада жұмыстар жалғасады деп ойлаймын, - деп атап өтті әкім орынбасары. Сонымен қатар, ағымдағы жылы ТМ-2, ТМ-15 және ТМ-20 жылу желілерінің 3,5 км құбыржолдарын қайта жаңарту жұмыстары орындалды.

Сондай-ақ, Тұран, Нәжімеденов көшелеріндегі 6,5 км және индустриалдық паркте 4,5 км жылу желілерінің құрылысы орындалды. Қала тұрғындарын тұрақты жылумен қамтамасыз ету біз 2030 жылға дейінгі қаланы жылумен қамтамасыз ету схемасын дайындадық, оны депутаттарға жақын арада ұсынуға уәде бердік. Қала шеттерінің әлеуметтік-инженерлік инфрақұрылымын дамыту бағдарламасы аясында 2019 жылы Тілендиев даңғылындағы жылу магистральдарының құрылысы басталды, бұл келесі жылы 7 мыңнан астам тұрғын тұратын 7 көппәтерлі тұрғын үйге орталықтандырылған жылу беруге мүмкіндік береді.

Сондай-ақ, әкім орынбасары қаланы газдандыру аясында жүргізіліп жатқан жұмыстардың қорытындысы туралы айтты.

Айта кету керек, депутат Сергей Солодовниковтың әкімдік тарапынан қайтарымсыз жүйеге үйлерді қосу нұсқалары ойластырыла ма деген сұрағына, көмек бірнеше өзгеше сипатта болатыны анықталды.

- Жобада газ тарату пункттерінен желілер үйге шығарылады. Қазір жобалау институты мен мердігер ұйыммен біз әр үйде газ есептегішті жеке орнату нұсқасын қарастырамыз. Бұл екі мәселені шешеді, біріншіден, бұл тұтынушылар үшін ыңғайлы, екіншіден, ол пайдалану мәселесін шешеді, өйткені аяз кезінде газ есептегіштер істен шығуы мүмкін деген қауіптілік бар. Алыстан есептейтін құрылғысы бар бұл сандық аспаптар, олар белгілі бір температурада болуы тиіс, - деп түсіндірді Ермек Қизатов.

Бұл шешімді халық қалаулысы дұрыс деп атады, себебі бұл құрылғыны пайдаланатын адамдардың қауіпсіздігі туралы да сөз болып отыр. Жалпы, қатысушылар елорданың тұрғын үй-коммуналдық саласын дамытудың жоғары қарқынын атап өтті.

Сонымен, депутат Еркеғали Есенжолов ТКШ саласындағы жайлы қалалық ортаның дамуы туралы тұрғындардың пікірін анықтау үшін мәслихаттың тапсырысы бойынша жүргізілген әлеуметтік зерттеу қорытындысымен бөлісті. - Сұралғандардың басым көпшілігі жергілікті өзін - өзі басқару органдарының қаланы абаттандыру саласындағы қызметіне риза, - деп атап өтті депутат. - Алайда, әрбір төртінші тұрғын-26%, астананың көркейтілуіне риза емес, әрбір 10-шы жауап беруге қиналды. Кері байланысты зерттей отырып, сұралғандардың 31% - ы бюджет қаражатын көгалдандыруға, жаңа саябақтар мен скверлер салуға бағыттауды ұсынды, адамдар қылқан жапырақты ағаштар отырғызуды сұрайды. Спорттық-сауықтыру кешендерінің жетіспеушілігін респонденттердің 35% - дан астамы көрсетті, сауалнамаға қатысқандардың 61% - ы электр энергиясын беруді қанағаттанарлық деп санайды, қалалықтардың 11% - ы іркілістер туралы айтты.

ТКШ саласында қолайлы ортаны одан әрі дамыту үшін депутаттар барлық меншік нысанындағы кәсіпорындардың басшыларымен бірге тұрғын үй-коммуналдық саладағы реформаларды одан әрі дамыту мен тереңдетуді қамтамасыз етуді ұсынды. Депутаттардың пікірінше, электр, жылу және сумен жабдықтау, сыртқы жарықтандыру инженерлік жүйелерін жоспарлау және дамыту мәселелеріне жүйелі түрде көңіл бөлу, сондай-ақ мемлекеттік бақылауды жүзеге асыру жөніндегі жұмысты жалғастыру қажет.

Сондай-ақ сессия отырысы кезінде мәслихат депутаттары 2020-2022 жылдарға арналған бюджет жобасын мақұлдады. Сонымен қатар, жерлеу және қабірлерді күту ісін ұйымдастыру Ережелері бекітілді, жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарттардың жобалары келісілді, 2019-2022 жылдарға арналған Нұр-Сұлтан қаласының қоршаған орта сапасының нысаналы көрсеткіштері мен жануарларды ұстаудың санитарлық аймақтарының шекаралары бекітілді.

Кезекті сессияның жұмысына Қазақстан Республикасы Парламенті Мәжілісінің депутаты Сапар Ахметов, Нұр-Сұлтан қаласы әкімінің орынбасары Ермек Қизатов, аудан әкімдері, атқарушы органдардың, қаланың коммуналдық кәсіпорындарының басшылары, қоғамдық бірлестіктер мен бұқаралық ақпарат құралдарының өкілдері қатысты.