Астана қалай дамитын болады?

Экономика және бюджетті жоспарлау басқармасының басшысы Алиби Жумаевтың сөзіне сәйкес, аталған бағдарлама бес басым бастамаға негізделген. Олар туралы айтудың алдында ведомство басшысы қаланың өмір сүру  деңгейін анықтайтын сандармен бөліскен. Мысалы, 2016 жылдың бірінші жарты жалдығында аймақтық жалпы өнім 2 148,8 млрд теңгені құрады, ол өткен жылдың сәйкес кезеңінен 2,9% артық. Жан басына шаққандағы ЖІӨ көлемі 2 444,7 мың теңгені құрады және республика бойынша орташа көрсеткіштен  2,2 есе артық болды (1091,5 мың теңге), бұл жағдайда Астана Атырау облысынан кейінгі екінші орынға тұрақтаған. Қала экономикасына 712,9 млрд. теңге инвестиция салынған, бұл өткен жылғы көрсеткіштен 1,2% жоғары. Шаруашылық субъектілерінің жеке қаражатының үлесіне 58,6% тиісті болады. Осылайша, 2016 жылғы ағымдағы әлеуметтік-экономикалық даму ырғағын ескере отырып, Астана экономикасын 2020 жылға қарай 106,9% дейін арттыру қарастырылған. Басқарма басшысы Алиби Жумаевтың сөзіне, сәйкес, бұл  көрсеткіштер өзара байланысты бес басымдылық – өмір сүру жайлылығы, инфрақұрылымның дамуы, туризм мен ойын-сауықтың дамуы, бизнесті жүргізуге қолайлы жағдай және инновациялық технологияларды енгізу базасында бірыңғай стратегия негізі болады. Бұл бастамалар халықаралық сәулет бюроларын қатыстыру арқылы, қолданыстағы және жаңа коммуналдық  кәсіпорындар негізінде жаңа даму институттарын құру, медициналық туризмді дамыту бойынша жеке жобаларды іске қосу, қоғамдық кеңістіктерді дамыту мен кәсіпорындардың жұмыс тиімділігін арттыру арқылы жүзеге асырылады. Бұл жағдайда әр салада ынталандырушы әлеуметтік инфрақұрылымдық бастамалар қарастырылған. Осылайша, ел экономикасының орташа жылдық өсу ырғағы 2016-2020 жылдары 4,7 деңгейінде болады деп жоспарланған.

Бағыттардың бірі – бұл білім беру мен денсаулық сақтаудың қол жетімділігі,  халықаралық деңгейдегі әлеуметтік қызметтер көрсету және Астананың мәдени-спорттық шаралар жүргізу орталығына айналуы болып табылады.  Осы бағыттарды дамытудың басты құралдары ведомство басшысының сөзіне сәйкес, әлеуметтік және спорт нысандарының құрылысында мемлекеттік-жеке меншік серіктестікті дамыту, жеке инвесторлармен серіктестік және халықаралық стандарттарды енгізу болып табылады.

Астананы қауіпсіз қалаға айналдыру үшін «Smart-city» кешенді қауіпсіздікті басқару және мониторинг жүйесін жүзеге асыру қарастырылған. Бұл жолдағы апаттарды 2020 жылға қарай 40 пайызға азайтуға мүмкіндік береді.

Қолайлы экологиялық орта қалыптастыру үшін әр тұрғынға 15-18 шаршы метрден жасыл көшеттер ауданы индикаторын арттыру қолға алынған. Сессияда қарастырылған тағы бір мәселе мәслихат хатшысы Жанат Нурпиисовтың 2016 жыл қорытындысы бойынша Астана қаласының депутаттар корпусының қызметі туралы есебі болды. Оның сөзіне сәйкес, алтыншы шақырудағы Астана қаласының депутаттары құрамында білім беру, денсаулық сақтау ұйымдарының басшылары, жоғары оқу орындарының басшылары, бизнес өкілдері және басқа да қызмет салаларының өкілдері бар. Оның ішінде, 4 ғылым докторы мен 4 ғылым кандидаты бар. Депутаттардың 36 пайызының экономикалық білімі, 26 пайызының – инженерлік, 3 депутаттың – медициналық, 4 – педагогикалық білімі бар. Сайланған депутаттар арасында 6 әйел адам және 19 ер адам бар. Депутаттардың жас мөлшері 30-60 жас. Депутаттық қызметке келетін болсақ, осы кезең ішінде мәслихат 13 сессия өткізді, оның ішінде 3 кезекті және 10 кезектен тыс, осыны негізге ала отырып 92 шешім қабылданған. Негізінен олар астанадағы индустриалды-инновациялық қызметті мемлекеттік қолдаумен, қаланың автокөлік жолдарын дамытумен байланысты болды. Бұдан басқа, бұқаралық тыңдаулар өткізіліп, қалалық мәслихат сессиясында қаланың жекелеген көшелерінің атауын өзгерту туралы шешімдер қарастырылған. Мәслихат сессиясының шешімімен қаланың жергілікті өзін-өзі басқару кеңесі бекітілген. Тұрақты комиссиялар 40 отырыс өткізіп, мұнда 40 астам мәселе қарастырылған. Аталған мәселелерге күз-қыс мезгіліндегі қаладағы энергетикалық жұмыстар; Астана қаласы аумағында иттер мен мысықтарды серуенге шығару ережелері; пәтер иелері кооперативтерінің қызметін жетілдіру; энергетика, әлеуметтік және тұрғын үй құрылысы саласындағы инвестициялық жобаларды жүзеге асыруға бөлінген бюджет қаражатын тиімді пайдалану; астананың азық-түліктік қауіпсіздігін қамтамасыз ету және азық-түліктік тауарлар бағасын тұрақтандыру; мемлекеттік салауатты өмір салтын қалыптастыру саясатын жүзеге асыру. Дін істері бойынша басқарманың (Дәстүрлі емес діни ағымдардың таралуымен күрес жөнінде), жергілікті полиция қызметінің басшысының есептері тыңдалды.

Мәслихат жұмысының тиімді түрі бұқаралық тыңдау жүргізу болып табылады, ол мәселелердің шешімін табу үшін азаматтардың тікелей қатысуына және депутаттар мен сайлаушылар арасындағы байланысты жолға қоюға мүмкіндік береді. Есепті кезең ішінде тұрақты комиссияның кеңейтілген отырыстарында Астана тұрғындарына сауда қызметтерін көрсету, қызмет көрсету сапасын арттыру, қала аумағында сыртқы (визуалды) жарнаманы орналастыру тәртібі мен шарттары туралы мәселелер талқыға салынды.

Тұрақты түрде «Депутат күндері» өткізіліп отырады, мұнда қаланың дамуының өзекті мәселелері бойынша қаладағы мемлекеттік мекемелердің есептері тыңдалады.

Астаналық мәслихат халықаралық қатынастарды белсенді дамытып отыр. Ағымдағы жылы қыркүйек айында астаналық мәслихат депутаттарының Қытай Халық Республикасының Хэйлунцзян провинциясының делегациясымен Астана мәслихаты мен Халықтық саяси консультациялық кеңес арасында достық қатынас қалыптастыру мақсатындағы кездесуі болып өтті.

Мәслихат хатшысының есебін тыңдағаннан кейін депутаттар оны ескере отырып, астананы әрі қарайғы дамыту, халықты жұмыспен қамту, өндіріске тиімділігі жоғары инновациялық технологияларды енгізу, кәсіпкерлікті қолдау және дамыту, қала бюджетінің қалыптасуы мен орындалуын бақылау, бюджет қаражатын мақсатты пайдалану бойынша және қала өмірінің басқа да салаларында жұмысты жалғастыру туралы шешімге келді.

Сессияда қаланың жергілікті полиция қызметі басшысының есебі тыңдалды. Ішкі істер департаментінің жергілікті полиция қызметінің басшысы Асембек Малыбаев заң бұзушылықтың алдын алу бойынша атқарылған жұмыстар, қоғамдық тәртіпті қорғау шаралары, жол қауіпсіздігін қамтамасыз ету, қылмыстық құқық бұзушылықтың алдын алу туралы баяндады.

Бұдан басқа мәслихат шешімімен Астана қаласының аумағын абаттандыру, жасыл көшеттерге күтім жасау және қорғау ережелері, «Астана қаласы мәслихатының аппараты» мемлекеттік мекемесінің қызмет куәлігін беру ережелері бекітіліп, Астана қаласының "Recommended by EXPO-2017" серіктестік бағдарламасына қатысушыларды іріктеу жобасы, жер телімдері мен оларда орналасқан жылжымайтын мүлікті сатып алу жобалары келісілген.

Сессия жұмысына қала департаменттері мен басқармаларының басшылары, қоғамдық бірлестіктер және бұқаралық ақпарат құралдарының өкілдері қатысты.