Мектепке дейінгі мекемелер: осы жылы қандай жаңа енгізілімдер жүргізіледі?

Мектепке дейінгі мекемелердегі орындарды бөлу ашық түрде болады. Қазірден бастап мектепке дейінгі мекемелердегі орындарды бөлудің ашықтығын қамтамасыз ету үшін, осы жылдан бастап балабақшаларға жолдамаларды автоматты түрде беру жүйесі енгізіледі. Мемлекеттік тапсырысы бар жекеменшік балабақшаларға шамамен 100 жолдама пилоттық режимде беріліп үлгерді. Бұл қызметті ата-аналар электрондық цифрлық қолтаңбаны қолдану арқылы қала әкімдігінің сайтындағы  (www.e.astana.kz) кіші жүйеден үйден шықпастан ала алады. Толық нұсқаулықты сол сайттан және қала әкімдігінің  жанынан арнайы құрылған қолдау қызметінен көруге болады. Ол үшін, ведомство басшысының айтуынша, кейбір деректерді нақтылау керек және цифрлық қолтаңба көмегімен кіші жүйеде авторизацияны жүзеге асыру қажет. Авторизациядан өткеннен кейін ата-аналар жеке кабинет ресурсында өзінің байланыс деректерін немесе электрондық пошта мекенжайын нақтылауы керек. Бұл күнге дейін балаларды тіркеу кезінде бұл тармақ міндетті болып табылмайтын еді.

Қазіргі күнде мемлекеттік балабақшалардан орын алуға 0-ден 6 жасқа дейінгі 94 мың 646 бала кезекте тұр. Және де, білім басқармасы басшысының айтуынша, жуырда  білім министрімен өткен кеңесте жалпы стандарт енгізу және балаларды екі кезекке – туғаннан бастап үш жасқа дейін және үш жастан алты жасқа дейін бөлуді енгізу ұсынылған. Осылайша, балалардың есебін жүргізіп қана қоймай, кезектілікті бақылауды да едәуір жеңілдетуге болады. Баланың балабақшаға бару кезегі келгенде, оның ата-анасының телефонына немесе электрондық поштасына СМС-хабарландыру түрінде хабарлама келіп түседі. Қазір жолдаманы e-gov арқылы алуға мүмкіндік жасау үшін, электрондық үкімет порталын біріктіру жүргізілуде. Жолдама алған соң бала автоматты түрде кезектен шығарылады. Балабақшада босаған орындар туралы ақпаратты мектепке дейінгі ұйымдардың директорлары өздері жүйеге толтыратын болады. Егер бұрын өтінімдер алдымен білім басқармасына тапсырылып, одан кейін жұмыс тобындағы бос орындар жиынтықталса, қазіргі кезде жүйе толық автоматтандырылған болады. Ата-аналар қандай балабақшада бос орындар бар екенін көріп қана қоймай, сонымен қатар бос орындар санына байланысты мекемені өздері таңдай алады.

Тұрақты комиссия мүшелерін МЖС шеңберінде пайда болған және астанада балабақшалар салуға ниеттенген инвесторлар туралы сұрақ қызықтырды. Ведомство басшысының сөзі бойынша, жобалары мен мемлекеттік сараптама қорытындысы бар 9 мектепке дейінгі мекемелер өтінім берген, олардың ішінен тек 6 жоба ғана іріктеліп алынған, олар барлық шарттар жасалған соң іске асырылатын болады.

Кездесу барысында мектепке дейінгі ұйымдарда тәрбиешілер мен баға бағушылардың жетіспеушілігі туралы сұрақ көтерілді. Халық қалаулылары тиісті мамандарды дайындайтын астананың колледждерімен тікелей жұмыс жасауды ұсынды.

Тұрақты комиссия отырысында Астана қаласы мәслихатының хатшысы Ж.Г.Нұрпейісов, қалалық құрылымдардың басшылары, бұқаралық ақпарат құралдарының өкілдері қатысты.