Елордадағы сауда өркениетті болады

Басқарма басшысы алдағы үш жылда әкімдіктің тұрақты емес нысандарды (контейнерлерді) тұрақты үлгіге (өркениетті) өткізуді жоспарлап отырғанын айтты. Базарлардағы өрт пен санитарлық нормаларға сәйкестілігін тексеретін және қызмет көрсету сапасын бақылайтын жұмыс тобы құрылды.

Астана қаласы Инвестициялар және кәсіпкерлікті дамыту басқармасының мәліметінше, 13 бірлескен базарлардың 7-і бойынша жұмыс бастау алды. Атап айтқанда, Орталық базарда жаңғырту жүргізілуде. Көп ұзамай жаңғырту жұмыстары «Әсем», «Саян», «Шарын», «Алтай», «Көк базары» және басқаларда басталады. Қазір бұл сауда нысандарына арналған жоспарлау жұмысы дайындалуда. Содан кейін, үш жыл ішінде «Эталон», «Сапа», «Көктал», «Сәлем» және басқа да базарлар жаңғыртылады.

Әлішер Әбдіқадыровтың айтуынша, астананың барлық базарлары бірте-бірте пост-терминалдармен және бақылау-кассалық аппараттармен жабдықтауды уәде етті. Бұл тәжірибені Мемлекеттік табыс комитеті «Шапағат» базарының 361 орындарында  енгізді.

Елордада «1000 орын – көше саудасы» бағдарламасы жалғасуда. Бүгінгі күні 630 келісім-шарт жасалды, қалалық бюджетке 1,1 млрд. теңге түсті, 1200-ден астам жұмыс орны ашылды. Биылғы жылы жалға алушыларға 150 астам тегін жер телімдерін беруді жоспарлап отыр.

– Өткен жылдан бастап учаскелер аукцион бойынша берілді, - деп түсіндірді басқарма басшысы. – Бұдан әрі «Сандық Қазақстан» бағдарламасы аясында бұл рәсімді таратылған тізілім жүйесіне көшіру жоспарлануда.

Әлішер Әбдіқадыров сондай-ақ «1000 орын – көше саудасы» бағдарламасының аясында құрылған көше сауда павильондарында QR-кодтарын енгізу туралы айтты. Құқық қорғау органдарының қызметкерлері жақында берілген планшеттерді қолдану арқылы осы нысандар жұмыстарының заңдылығын бақылай алады. Мекеме басшысының пікірінше, сандық технологияларды пайдалану заңсыз саудаға қарсы тиімді күрес жүргізуге мүмкіндік береді.

Мекеме мәліметінше, өткен жылы 240 заңсыз павильондар бөлшектелген болатын, құны 5 млн. теңгеден асатын 3 мыңнан астам әкімшілік хаттамалар жасалды. Заңсыз орнатылған шатырлар, басқарма сарапшыларының пікірінше, саудадағы салауатты бәсекелестікті бұзады және сол себепті апатты саудагерлер үшін айыппұл мөлшерін көбейтуді ұсынады.

Өз кезегінде, депутаттар «1000 орын – көше саудасы» бағдарламасына мораторий енгізуді талап етті, уақыт өте келе олардан құтылу қиынға соғады деп қауіптенеді.

– Бастапқыда 50 шаршы метрден көп емес павильондар туралы сөз болды, қазір көбі 300 шаршы метрден бастап, - деп депутат Уалихан Досаев наразылығын білдірді.

– Қазір тіпті дүңгіршектер тұтас мейрамханалар сияқты орнатылады. Цирктің маңында сондай орнатылды. Кейде көкөніс дүңгіршектері тротуардың қақ ортасына орнатған, бұл қарды жинау кезінде қиындық тудырады.

Сонымен бірге, басқарма өкілдері елордалық сауда орындарында тапшылық бар екендігі туралы ақпаратпен бөлісті. Үйдің жанындағы шамамен 2 мың дүкен және 15 супермаркеттер жеткіліксіз.

– Қала базарларының басым бөлігі оң жағалауда – Алаш тас жолының бойында орналасқан, бұл қала тұрғындарына ыңғайсыздық тудырады, әсіресе осы бағыттағы қозғалысы жүктелген жол бөлігінде, – деп түсіндірді Әлішер Әбдіқадыров. – Осыған байланысты базарларды әртараптандыру (өнімнің сұрыптамасын кеңейту) жұмыстары жүргізілуде. «Есіл» ауданында екі гипермаркетті іске қосу басталды – бұл Айтматов және Е-250 көшелері. Сондай-ақ, Мәскеудегі Даниловскийдің қағидасы бойынша гастрономиялық базар құру жоспарланған.

Алайда, депутат Мирас Шекеновтың айтуынша, үйдің жанында орналасқан дүкендер сауда-саттық реттелмеген сектор болып қала береді. Бұл мәселені шешу үшін халық өкілі үй жанындағы дүкендерге ірі супермаркеттер франшизаларын сату мүмкіндігін қарастыруды ұсынды. Егер франшиза құралы мақұлданған болса, кәсіпкерлердің өздері сауда-саттықты реттей алады.

Бүгін Астанада 25 сауда базары жұмыс істеуде, оның 12-і жабық, 13-і біріктірілген.

Талқылау қорытындысы бойынша тұрақты комиссиямен тиісті ұсыныстар берілген қаулы қабылданды.

Тұрақты комиссияның отырысына Астана қаласы мәслихатының хатшысы  Ж.Г. Нұрпейісов, қалалық басқарма басшылары, қоғамдық ұйымдар мен бұқаралық ақпарат құралдарының өкілдері қатысты.