Мәслихаттың кезектен тыс сессиясы

Қалалық мәслихатта Ерлан Каналимовтың төрағалығымен Астана қаласы жетінші сайланым мәслихатының кезектен тыс сессиясы өтті.

«Астана қаласында құрылған жаңа ауданға атау беру туралы» мәселе бойынша «Астана қаласының Тілдерді дамыту және архив ісі басқармасы» ММ басшысы Сәкен Есіркеп сөз сөйледі. Ол депутаттарға елорданың жаңа ауданына атау беру мәселесі Қоғамдық кеңес мүшелерінің, ғалымдардың, қала жұртшылығы өкілдерінің қатысуымен талқыланғанын хабарлады. Ономастикалық комиссия отырысында аудан атауына - «Қараөткел» және Ақмола мен Қарағанды облыстарының аумағы арқылы өтетін өзен атауы бойынша «Нұра» атаулары ұсынылған. Талқылау барысында барлық қатысушылар «Нұра» атауы лингвистикалық тұрғыдан оң және Есіл мен Нұра өзендерінің атаулары бір-бірімен тығыз байланысты, үйлесімді деген ортақ пікірге келді.

Сондай-ақ, Ескіркеп «Астана қаласының кейбір құрамдас бөліктеріне атаулар беру туралы» мәселе бойынша сөз сөйледі. Қала көшелеріне атау беру қажетті іс, өйткені оның тарихи маңызы бар, көбінесе көшелер көрнекті тұлғалардың есімімен, маңызды оқиғалар немесе оқиғалардың кейіпкерлерінің есімдерімен аталады. Мысалы, магистральды көшелердің бірі әл-Фараби, өрт кезінде адамдарды құтқару үшін өз өмірін құрбан еткен өрт сөндіруші батыр Асқар Забикулиннің есімдерін алды, алаңдардың бірі Біріккен Ұлттар Ұйымының (БҰҰ) алаңына айналды.

«Астана қаласы бойынша күндізгі оқу нысанындағы барлық білім беру ұйымдарының білім алушылары мен тәрбиеленушілерінің қоғамдық көлікте (таксиден басқа) жеңілдікпен жол жүруі туралы» қалалық білім басқармасының басшысы Қасымхан Сенғазыев баяндады. «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 15) тармақшасына, «Білім туралы» Қазақстан Республикасы Заңының 6-бабы 1-тармағының 2) тармақшасына және 47-бабы 4-тармағының 1) тармақшасына сәйкес жергілікті бюджет есебінен жеңілдікпен жол жүру құқығын беру ұсынылады.

Мәслихат хатшысы Ерлан Каналимов осы түзету әсер ететін кәмелетке толмағандардың санына қатысты сұрақ қойды. Қалада ХӘОТ санатындағы балалар да жол жүру жеңілдіктерін пайдаланады, картаны пайдалану бойынша талдау жүргізу керек. Егер карта үш ай бойы пайдаланылмаса, бюджеттен негізсіз шығыстарға жол бермеу үшін, ондай картаның күшін жою қажет. Азаматтарды қолдауға бағытталған кез келген бастама құпталады, алайда жобаның іске асырылуын бақылау жүзеге асырылуы тиіс.

Көлік және жол-көлік инфрақұрылымын дамыту басқармасының басшысы Жансұлтан Сапарбаев «Астана қаласы мәслихатының 2012 жылғы 6 маусымдағы «Астана қаласының әлеуметтік маңызы бар қатынастарының тізбесін бекіту туралы» шешіміне өзгеріс енгізу» мәселесіне тоқталды. Соңғы рет тізбе 2018 жылы өзгертілген, содан бергі кезеңде көшелер, даңғылдар және т.б. атаулары өзгерді, жаңа маршруттар іске қосылды, жаңа тарифтер бекітілді.

Депутат Батыр Котырев маршруттың әлеуметтік/әлеуметтік емес екендігі қалай анықталатыны жөнінде сұрады. Ұсынылған тізбені қалыптастыру кезінде, негіз ретінде не алынды, қандай басымдылық пайдаланылды.

Мәслихат хатшысы, тізбеге кіретін маршруттар автопарктер үшін міндетті болып табылатынын, өйткені, біріншіден, олар жергілікті бюджеттен субсидияланатынын, екіншіден, коммерциялық рейстер шығыстарды толтыру үшін өздеріне қажетті қаражатты шығара алмайтынын, сондықтан олар жеке тізбеге кіретінін нақтылады. Қалған маршруттар көрсетілмейді, өйткені олардың шығындары орны толтырылады.

Депутат Динара Оразалина депутаттардың атына автобустардың тапшылығы және кейбір желілерде автобустарды күту уақытының ұзақтығына қатысты көптеген өтініштер түсетінін атап өтті. Келесі жылы қоғамдық көлік санын ұлғайту жоспарда бар ма?

Депутат Серік Түсіпов автопарктердегі кадрлар жағдайы туралы сұрады, бұл мәселе бұдан бұрын мәслихат отырыстарының бірінде талқыланған болатын. Сондай-ақ, депутат №17 автобус бағытын ұзартуды және балалардың мектепке ыңғайлы жетуі үшін BINOM мектебінің жанына қосымша аялдама павильонын орнатуды бірнеше рет сұрағанын еске салды.

Мәслихат хатшысы елорданың көлік жүйесін дамыту, оның ішінде инфрақұрылымды дамыту, павильондар орнату және т.б. мәселелер келесі жылдың бірінші тоқсанында мәслихаттың кезекті сессиясында талқыланатынын хабарлады. Сонымен қатар, Елорданың көліктік дамуының кешенді жоспары бекітілген. Көптеген проблемалық мәселелерді шешуге бюджеттен қаражат бөлінді.

Астана қаласы мәслихатының 2017 жылғы 12 желтоқсандағы «Астана қаласының әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидалары туралы» шешіміне өзгерістер енгізу туралы «Астана қаласының Жұмыспен қамту және әлеуметтік қорғау басқармасы» ММ басшысы Илья Скуб баяндады. Өзгерістер санаторлық-курорттық емделуге, сондай-ақ тұрғын үйді газдандыру немесе қатты отын сатып алу үшін біржолғы әлеуметтік көмек көрсетілетін азаматтар тізбесіне жетім балалар мен ата-анасының қамқорлығынсыз қалған балалар санатын, балалар үйлерінің түлектерін енгізуге қатысты болды.

Мәслихат хатшысы қанша азаматтың газдандырумен қамтылғандығы, қала аудандары мен тұрғын алаптарында көмек алуға жаңа үміткерлердің саны туралы мәліметтерді ұсынуды сұрады.

Депутат Ләззат Разбекова-Төлеуханова айтылатын мәселесі кезектен тыс сессия тақырыбына қатысы жоқ екенін, алайда осы жылдың соңғы сессиясын пайдалана отырып, мәселені қозғауды қажет деп санайтынын атап өтті. Әлеуметтік-мәдени даму жөніндегі тұрақты комиссияның бастамасы бойынша мүгедектігі бар адамдармен жұмыс жөніндегі орталықтар үшін электрондық рейтинг енгізу ұсынылған. Депутаттардың бастамасын жүзеге асыру осындай қызмет көрсететін орталықтарға барып шығумен ғана шектелді. Қала үшін пайдалы бастама іске асырылған жоқ. Электрондық рейтингті енгізу мүмкіндігі шектеулі адамдардың, әсіресе мүгедек балалардың құқықтарын қорғау жөніндегі жұмысты жүйелендіруге мүмкіндік береді. Сондай-ақ, электрондық рейтингті енгізу сыбайлас жемқорлық тәуекелдерін болдырмауға, кабинеттен шықпай-ақ орталықтардың жұмысына мониторинг жүргізуге мүмкіндік береді. Өткен кезеңде депутаттар әрбір лауазымды тұлға мәселенің орындалуын тек құзыреті шегінде ғана көретініне көз жеткізді. Депутаттар цифрландыру басқармасымен бірлесіп жұмыс істеу қажеттігі туралы айтқан. Бұл мәселе бойынша көп көмек көрсетілді, алайда уәкілетті басқарма тарапынан қолдау көрсетілмеді.

Мәслихат хатшысы айтылған сынға қатысты әріптесін қолдады. Каналимов ата-аналармен, қамқоршылармен, көрсетілетін қызметті алушылармен кері байланыс жасау үшін басқармаға жеке платформа құруға не кедергі келтіретінін сұрады. Ол цифрландыру басқармасы мен әлеуметтік қорғау басқармасын келесі жылдың қаңтар айының басында жеке отырысқа шақыруды ұсынды. Депутаттар көмектеседі, ал басқармаға қолында осындай мәліметтер болғанда, атқарылған жұмыстар туралы есеп беру жеңіл болады.

Кезектен тыс сессияның күн тәртібіне енгізілген барлық мәселелер қаралып, олар бойынша тиісті шешімдер қабылданды.