Елордада тұрақ мәселесі қалай шешілуде

Қазіргі заманғы ірі қалалар мен мегаполистерде, әсіресе орталықта, тұрақ орнын табу үлкен проблема болып табылады. Елордада көлік тұрақтарының жетіспеушілігі, сондай-ақ жолдардағы «кептелістердің» көптігі ең өткір проблемалардың бірі болып табылады.

Қалада ақылы тұрақ орындарының тетігін еңгізу автомобиль қозғалысын реттеу және елорда тұрғындары үшін қолайлы, жайлы «автомобильсіз қала» ортасын құру мақсатында ақылы тұрақ еңгізудің халықаралық тәжірибесінің бір бөлігі болып табылады.

Елорданың Қоғамдық кеңесінің төрағасы Сансызбай Сейітжанұлы Есіловтың төрағалығымен, қала әкімінің орынбасары Нұрлан Қожахметұлы Солтамбековтың қатысуымен, Қоғамдық кеңестің отырысы өтті, онда «Астана қаласы әкімдігінің 2017-жылғы 22 маусымдағы № 108-1325 «Астанада көлік құралдарын орынтұраққа койғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындарды айқындау туралы» қаулысына өзгеріс енгізу туралы» Нұр-Сұлтан қаласы әкімдігі қаулысының жобасы қаралды.

Көлік және жол-көлік инфрақұрылымын дамыту басқармасының басшысы Жансұлтан Сапарбаев Қоғамдық кеңес мүшелерін жобаның негізгі параметрлері, қала аудандары бойынша жүргізілген жұмыстар туралы хабардар етті. «Астананың көлік тұрағы кеңістігі»  ЖШС директоры Шыңғыс Досыбаев жобаны 4 жыл ішінде іске асыру қорытындылары туралы ақпарат беріп, алдағы жоспарларын жариялады.

Мониторинг тобының мүшелері аудандар бөлінісінде жүргізілген мониторинг нәтижелері мен қаладағы тұрақтар бойынша жағдайды атап өтті.

Қоғамдық кеңес мүшелерінің пікірінше, муниципалды ұйымдар: мектептер, ауруханалар, емханалар аймағында ақылы тұрақ орындарын еңгізу қоғамдық резонанс тудыруы мүмкін. Осыған байланысты, әлеуметтік нысандардың маңындағы аумақтарды паркоматтардан босату, сондай-ақ, көшелерде ірі бизнес нысандарының, әкімшілік көп қабатты ғимараттардың болмауына байланысты кептелісі төмен көшелерде жалпы қолжетімділік орындарын қалдыру ұсынылды.

Еуразия, Астана Молл сауда орталықтары аймақтарында ЕХРО және АХҚО, Конгресс-орталық кеңселеріне, HiltonInn қонақ үйіне, "Зеленый квартал" ТК – BI Group, "Самұрық-Қазына" және т.б. кеңселеріне іргелес аумақтардың барлық периметрі бойынша ақылы тұрақтар орнату туралы мәселені қарау ұсынылды.

Қоғамдық кеңес мүшелері атап өткендей, халықтың еңгізілген жаңалықты қабылдауының маңызды факторы баға мәселесі болып табылады. Осыған байланысты, тұрақ кеңістігі қызметтері үшін тарифтерді төмендету, нақты қызмет көрсету бойынша тұрақ ақысын белгілеу мәселелерін қарау, сондай-ақ 2 айдан 6 айға дейінгі кезеңге айыппұл салуға мораторий жариялау туралы мәселені зерделеу ұсынылды.

Азаматтар тарапынан бұзушылықтардың алдын алу, тұрақ үшін төлемге және тиісті емес тұрақ үшін айыппұлдарға қатысты шағымдардың өсуіне жол бермеу мақсатында жоба әкімшілеріне ақпараттық жұмысты жандандыру, тұрақ орындарының аумақтарында жол белгілерін, ақпараттық қалқандарды және хабарлаудың басқа да түрлерін ұлғайту мәселесін қарау ұсынылды. 

Айтылған ескертулер мен ұсыныстарды ескере отырып, қаулы жобасын жалпы қоғамдық кеңес мүшелері мақұлдады.