Тұрақты комиссияның кезекті сессияның негізгі мәселесін талқылау жөніндегі отырысы

Қалалық мәслихатта Нұрлан Көпешовтің төрағалығымен ZOOM сервисінің бейнеконференцбайланыс платформасында Бюджет, экономика, өнеркәсіп және кәсіпкерлік мәселелері жөніндегі тұрақты комиссияның отырысы өтті.

Тұрақты комиссия отырысы барысында мәслихаттың кезекті сессиясының «Нұр-Сұлтан қаласы мәслихатының 2020 жылғы 30 маусымдағы №509/68-VI «Жергілікті атқарушы органның жергілікті мемлекеттік-жекешелік әріптестік жобаларын іске асыру барысы туралы есебі» шешімінің орындалу барысы туралы негізгі мәселе талқыланды.

Тұрақты комиссияның төрағасы Нұрлан Көпешов отырысқа қатысушыларды мәслихат депутаттары екі ай ішінде жергілікті мемлекеттік-жеке меншік әріптестік жобалары аясында іске асырылып жатқан барлық объектілерді аралағаны туралы хабардар етті, себебі мәселені талқылау алдағы жылға жұмысты жоспарлау кезінде жыл басында мәслихаттың кезекті сессиясының күн тәртібіне енгізілді. 

                Негізгі мәселе бойынша «Нұр-Сұлтан қаласының Экономика және бюджеттік жоспарлау басқармасы» ММ басшысы Қайсар Манқараев баяндады.

Білім беру саласында өткен кезеңде 6 балабақша салу және пайдалану бойынша 3 МЖӘ шарты, гуманитарлық колледжді сенімгерлік басқаруға беру бойынша 1 МЖӘ шарты және 4 жалпы білім беретін мектепті салу және пайдалану бойынша 4 МЖӘ шарты жасалды.

Денсаулық сақтау саласында мемлекеттік міндеттемелерді қабылдаусыз 2 МЖӘ шарты жасалды, Нұр-Сұлтан қаласы, Қошқарбаев көшесі, 66 мекенжайы бойынша Эфферентті терапия және гемокоррекция орталығын ашу және Нәжімеденов көшесі, 16 мекенжайы бойынша амбулаториялық-емханалық көмек көрсететін Отбасылық денсаулық орталығын (отбасылық-дәрігерлік амбулатория) құру және пайдалану.

2 МЖӘ шарты спорт саласында, мүмкіндігі шектеулі адамдарға арналған паралимпиадалық жаттықтыру орталығы мен «Тарлан» мұз аренасының қызметін ұйымдастыру бойынша, сондай-ақ зияткерлік технологияларды пайдалана отырып жаңғырту және кейіннен «Қазақстан» спорт сарайын пайдалану бойынша жасалды.

Көлік және инфрақұрылым саласында АӨК құру және пайдалану, «Сергек» фотобейнетіркеу және бейнеталдау, әкімдікке көліктік қызмет көрсету және тұрақ кеңістігі бойынша 3 МЖӘ шарты жасалды.

Экология саласында 2020 жылы өндірістік қуаттар салу бойынша МЖӘ шарты жасалып, кейіннен құрамында сынабы бар қауіпті қалдықтарды залалсыздандыруға тұтыну кепілдіктері берілді.

          «Нұр-Сұлтан қаласының Білім басқармасы» ММ басшысы Шәкәрім Сейсенбай қосымша баяндама жасады, ол МЖӘ жобалары бойынша істердің жай-күйі туралы хабардар етті.

          Ол 6 балабақша салу және пайдалануға қатысты жеке серіктес тарапынан міндеттемелердің орындалмауына байланысты проблемалар бар екенін хабарлады. «Астана» Халықаралық университеті Гуманитарлық колледжін сенімгерлік басқаруға беру туралы МЖӘ шарты бойынша мемлекеттік әріптес пен жеке серіктес шарт шеңберінде міндеттемелерді орындамау бойынша наразылық білдірді. №2 мектепті бұзу және оның орнына жаңа мектеп салу бойынша әртүрлі пікір бар, өйткені жаңа мектеп құрылысы шектеулі аумаққа байланысты мектеп орындарының тапшылығы мәселесін шешпейді, жақын жерде тағы бір мектеп бар.

«Нұр-Сұлтан қаласының Құрылыс басқармасы» ММ басшысы Арсен Жанғасканов МЖӘ шеңберінде салынып жатқан мектептерді іске асыру барысы және жұмыс процесінде туындайтын проблемалық мәселелер туралы хабардар етті, егжей-тегжейлі зерделеуді және шешім қабылдауды талап ететін мәселелердің оң шешілу мысалдарын келтірді.

Мәслихат хатшысы Ерлан Каналимов аталған барлық объектілер бойынша бірқатар жұмыс кеңестері өткенін айтты. Зияткерлік технологияларды пайдалана отырып жаңғыртуға және кейіннен «Қазақстан» спорт сарайын пайдалануға қатысты 1 маусымда жеке әріптес ЖСҚ әзірлеуге тиіс деген келісімге келген еді, бірақ әлі күнге дейін ЖСҚ дайын емес. Сондай-ақ инвесторға осы жоба бойынша негіздеме дайындауға бір ай мерзім берілді.

«Астана» Халықаралық университетінің президенті С.А. Ирсалиев сөз сөйлеп, гуманитарлық колледжді университеттің сенімгерлік басқаруына беру жөніндегі мәселенің мәнін баяндады. Ол бастапқыда университет алдында басқа міндет тұрғанын және қазіргі уақытта педагогикалық кадрларға деген қажеттілікке байланысты осы жобаға деген қажеттілік туындағанын атап өтті. Гуманитарлық колледж мектепке дейінгі мекемелер мен жалпы білім беретін мектептердің бастауыш буынына мамандар даярлайды. Бірақ қазір жоғары білімі бар мамандарға қажеттілік бар. Қазіргі уақытта колледж 300 адам оқиды, университет 600-800 маман шығаруға міндеттеме алады.  

Университет форс-мажорлық жағдайларда тұр, өйткені нормативтік құқықтық актілерге сәйкес мемлекеттен 25% қолдауды балабақшалар мен мектептер ғана қамтамасыз етеді, ЖОО-лар жағдайдан өздері шығуы тиіс. Тағы бір мәселе - жоғары оқу орындары игерген кредиттік технология колледждер үшін жаңалық болып табылады.

Мәслихат хатшысы Ерлан Каналимов Білім басқармасының басшысына қазіргі уақытта, келешекте педагогикалық кадрларға деген қажеттіліктің бар-жоғына толық талдау жасауды ұсынды. Бұл талдауды мәслихатқа кезекті сессия өткізілгенге дейін, яғни 30 маусымға дейін жолдау қажет.

Бұдан әрі Е. Каналимов Қоғамдық денсаулық сақтау басқармасының басшысына «Үйдің жанындағы дәрігер» туралы, 3 объектінің неліктен бір ауданда орналасқаны, неге тұрғын үй алаптарына бөлінбегені туралы сұрақ қойды.  

Табиғи ресурстар басқармасы контейнерлер орнатты, оларда құрамында сынап бар 904 мың шам жиналған. Жоба жақсы, Елорданың экологиялық жағдайына айтарлықтай пайда әкелді. Бірақ сұрақтар жоқ емес, контейнерлер арзан жабдық емес, олар сәтсіз орналасқан, вандалдар контейнерлерді ашып тастайды, шамның сынықтары жерде жатады, контейнерлердің маңындағы жерге зиянды әсер тарайды.

Біз мектептерді сенімді басқаруға береміз, бірақ Білім басқармасына ескі мектептерді беру керектігін әрдайым есте ұстау керек.  Ескі мектептер мен балабақшалардың толып кету мәселесі шешілмей отыр.

Е. Каналимов мемлекеттік органдардың болашақта жеке серіктестерді таңдау кезінде барынша сақ болуына назар аударды. Құрылысқа жер телімін ұсына отырып, жеке әріптестің төлем қабілеттілігін тексеру қажет. Туындаған мәселелерді бірлесіп шешу үшін жеке серіктестермен жиі кездесу керек. Инфрақұрылымға жауап беретін уәкілетті мемлекеттік органдардың келісімінсіз МЖӘ жобасы бойынша шарттарға қол қойылмауы керек.

«Kazecotech» ЖШС басшысы В.И. Андреев сөз сөйледі, ол контейнерлер талаптарға сәйкес жасалатынын және бұл талапты бұзуға болмайтынын айтты. Ол вандализм фактілері бар екенін, нәтижесінде халықтың денсаулығына қауіп төнетіні туралы мәлімдеді, өйткені сынаптың аз мөлшері де адам ағзасына қауіпті күшті нейротоксин болып табылады. Олар бұл мәселені Ішкі істер органдарының көмегімен шешуге тырысқан, бірақ аталмыш тараптан қолдау болған жоқ.   Сондай-ақ, В.И. Андреев нормативтік құқықтық актілерде олқылықтар бар екенін айтты. Ол шамдарды кәдеге жарату бойынша істің жай-күйі туралы толық ақпаратты дайындау туралы ұсынысқа қысқа мерзімде жауап беретінін айтты.

Депутат Бауыржан Жанқонақов 1200 орындық ескі мектептің орнына 1500 орындық мектеп салу орынсыз деп санайтынын айтты. Өйткені, бұзу үшін қаражат қажет. Ол жақсы мектептерді сенімді басқаруға беруге болмайды деген идеяны қолдады және осы мәселені егжей-тегжейлі талқылауға міндетті түрде депутаттарды шақыруды ұсынды.  

          Депутат Нұрдәулет Оразханов гуманитарлық колледжді Білім басқармасының қарамағында қалдыру туралы ұсыныс жасады.  

       Күн тәртібі бойынша мәселені талқылау қорытындысы бойынша Тұрақты комиссия оны мәслихат сессиясының қарауына енгізуді ұсынды.