МИБ институтын енгізу бойынша жариялы тыңдаулар

Қалалық мәслихатта Батыр Котыревтің төрағалығымен ZOOM сервисінің бейнеконференцбайланыс платформасында жариялы тыңдаулар өтті.

Жария тыңдаулар барысында ортақ мүлікті күтіп ұстау және сақталуын қамтамасыз ету үшін кондоминиум объектісін басқару нысандарын таңдау туралы жергілікті атқарушы органның пәтер, тұрғын емес үй-жайлар иелері арасында түсіндіру жұмыстарын жүргізу мәселесі талқыланды.

«Нұр-Сұлтан қаласының тұрғын үй және тұрғын үй инспекциясы басқармасы» ММ басшысы Асылбек Есенбаев сөз сөйледі.

Ол елорданың тұрғын үй қорында 3056 көппәтерлі тұрғын үй бар екенін атап өтті. Елордада меншік иелері бірлестіктері институтын енгізу жөніндегі реформаны іске асыру бойынша жүргізілген жұмыстардың нәтижелері бойынша 244 МИБ құрылған.

2020 жылдың шілдесінде Youtube каналында тікелей эфирде елорданың белсенді тұрғындарынан жүйелі өтініштер бойынша халыққа кеңес беру үшін «Тұрғын үй сағаты» бастамасы іске қосылды. Қаланың белсенді азаматтарының қатысуымен тұрғын үй орталығы құрылды, «I-Qamal» қауымдастығымен бірлесіп, бірқатар онлайн жиналыстар өткізілді, апта сайын «Тұрғын үй орталығы» ғимаратында азаматтарға кеңес беру жүргізіледі. МИБ тіркеу қажеттілігі туралы хабарлама қаланың барлық меншік иелеріне түбіртек арқылы жіберіледі, бұл өз кезегінде шамамен 340 000 абоненттің қамтылуын қамтамасыз етеді.

МИБ құрудың осы кезеңінде әділет органдарында тіркеуден бас тарту фактілері бар, бұл заңды тұлғаның атауы қайталанған жағдайда, МИБ сайланатын төрағасы атқарушылық іс жүргізу бойынша борышкер болып табылса, МИБ сайланатын төрағасы әрекетсіз заңды тұлғаның басшысы болып табылса, сондай-ақ дауыс беру хаттамалары мен парақтары сәйкес келмеген жағдайда орын алады.

Алматы ауданы әкімінің орынбасары Бекжан Бапышев жариялы тыңдауларға қатысушыларға «Алматы» ауданының тұрғын үй қорында 784 КПТҮ бар екенін, оларға қызмет көрсетуді 145 қызмет көрсетуші ұйым, 9 КПТҮ иесіз ұйым жүзеге асыратынын хабарлады. Қазір аудан бойынша 66 МИБ тіркелген.

Б. Бапышевтың айтуынша, МИБ құру кезінде тараптардың тайталасы маңызды сәттердің бірі болып табылады, көптеген иелердің пікірімен келіспейтін тұрғындар бар, бұл сот процестеріне әкеп соғуы мүмкін. Соның салдарынан үй сервистік қызмет көрсетусіз қалады. Немесе бір уақытта бір мекен-жайға екі МИБ құжаттары тіркеуге алынады, бұл жағдайда тіркеуші қай МИБ-ке тіркелу керек деген сұрақта қиындыққа тап болады, өйткені қолданыстағы заңнама нормалары бойынша бір үйде бір басқару нысаны болуы керек.

Байқоныр ауданы әкімінің орынбасары Жасұлан Байжанов жария тыңдауларға қатысушыларға ауданда 246 КПТҮ және 104 қызмет көрсетуші ұйым бар екенін хабарлады. 23 МИБ құрылып, 20 МИБ бойынша құжаттар дайындалып жатқанын айтты.

МИБ бойынша проблемалық мәселелер алдыңғы ұйымның құжаттаманы, техникалық паспорттарды және т.б. бермеуімен байланысты. Мәселені шешу үшін әкімдік қажетті құжаттардың телнұсқаларын сұратуда. Ауданда үйлерді толық паспорттау жүргізілді, әрбір үй бойынша барлық проблемалар анықталды. Үйлердің жалпы саны - 446, оның ішінде 174 үй қанағаттанарлық жағдайда, 53 үй нашар жағдайда, жөндеуді қажет етеді, 219 үйде проблемалар жоқ. Талдау көрсеткендей, кейбір тұрғындар жөндеу жұмыстарына қатысты жағымсыз тәжірибеге байланысты МИБ құруға қатысуға келіспейді.

Есіл ауданы әкімінің орынбасары Қанат Аббас сөз сөйлеп, ауданда 861 кешен, 122 МИБ тіркелгенін хабарлады. Аудан 20 секторға бөлінген, 25 наурыздан бастап тұрғын үй басқармасының қатысуымен онлайн кездесулер өткізу жоспарлануда. Сондай-ақ, ол МИБ тіркеу кезінде проблемалар бар екенін, дауыс беру парағын дайындауға бөлінген мерзім өте қысқа екенін, көптеген тұрғындардың МИБ басқармасының құрамына кіруге ниеті жоқ екенін атап өтті.

Әкім орынбасарлары ішінен Берік Төребеков соңғы болып сөз алды. Ол Сарыарқа ауданында 171 ұйым қызмет көрсететін 953 КПТҮ бар екенін айтты. Ауданда 31 МИБ құрылды, ауданда ескі үйлер көп болғандықтан, оларда ең төменгі тариф қолданылады, сонымен қатар ауданда шағын пәтерлі үйлер көп. Бір мезгілде МИБ-ке бөліну тарифтердің көтерілуіне әсер етеді. Қаланың тарихи бөлігінде қарт адамдар мен халықтың әлеуметтік осал топтары көп. Мысалы, «Паритет» ПИК 8 үйге қызмет көрсетеді. Үй тұрғындары ПИК жұмысына риза болғандықтан, МИБ-тен хаттамалық түрде бас тартты. Ескі үйлер бизнес өкілдері үшін тартымды емес.

Депутаттар аудандық әкімдіктердің өкілдеріне меншік иелері арасында келісімге қол жеткізілмеген жағдайда қызмет көрсету ұйымы қалай анықталатыны, бір МИБ-ке екі үміткердің өтініші берілген жағдайда уәкілетті орган қалай әрекет ететіні туралы сұрақтар қойды. Бірқатар үйлер сервистік қызмет көрсетусіз қалды, бұл мәселе қалай шешілуде? Кейбір меншік иелері МИБ-ке ауысқысы келмейді, өйткені ПИК жұмысына көңілдері толады. ПИК-тен МИБ-тің артықшылығы қандай?

«I-Qamal» қауымдастығының өкілі сөз сөйледі, ол 2019 жылы елордада акселератор құрылғанын, оның алдында қаланы басқарудың жаңа нысаны – МИБ-ке көшуге дайындау міндеті тұрғанын айтты. Нәтижесінде сапалы көрсеткішке қол жеткізілді, МИБ қаржылық тұрғыдан тұрақты болды және толығымен ашық қызмет қалыптастырады. Соңғы үш айда толықтыру жұмыс істеп тұрған 140 МИБ жағдайында 8 млн. теңгеге ұлғайды. Қала бюджеті үшін барлық МИБ-ті іске қосудан оң нәтиже күтіледі. Аудандық әкімдіктермен, тұрғын үй басқармасымен, БЕО инспекторларымен жұмысты құру көптеген процестерді жеңілдетуге мүмкіндік берді. Ол 1997 жылдан бері көтерілмеген кейбір үйлердегі тарифтерді қарастыруды ұсынды. МИБ құру бойынша бірегей жобаны қолдау үшін оны жүйелік деңгейге шығару қажет.

Елорда мәслихатының хатшысы Ерлан Каналимов елордадағы үйлерді жіктеу мәселесі өте күрделі екенін айтты. Қалада ескі үйлер бар, ПИК-ке, мемлекеттік органдарға қатысты мәселелер бар. Әрине, МИБ-ке өту қажет, бірақ қалада 30-35 жыл бұрын салынған үйлер бар, олар бойынша жинамдылық төмен. Бұл тек астананың ғана емес, бүкіл елдің проблемасы. Пәтер иелері әрқашан үйді жалпы күтіп ұстауға қатыса бермейді. Тұрғындармен онлайн жиналыстар өткізу үшін құқықтық негіз әзірленбеген, олардың заңды күші жоқ. Тұру қағидаларын немесе регламент әзірлеу керек. Жұмыс істеп тұрған МИБ бойынша оң тәжірибені көбірек жарнамалау қажет.

Жария тыңдаулардың қорытындысы бойынша ұсынымдары бар қаулы мемлекеттік органдарға жіберілетін болады.