Елорданың коммуналдық меншігін басқару мәселелері туралы

Қалалық мәслихатта Мирас Шекеновтің төрағалығымен «Zооm» бейнеконференцбайланыс платформасында Бюджет, экономика, өнеркәсіп және кәсіпкерлік мәселелері жөніндегі тұрақты комиссия комиссияның отырысы өтті.

Тұрақты комиссия отырысының күн тәртібіне екі мәселе шығарылды:
Нұр-Сұлтан қаласының коммуналдық мүлкін басқарудың тиімділігі туралы және Астана қаласы мәслихатының 2015 жылғы 11 желтоқсандағы
№ 427/61-V «2016-20202 жылдарға арналған Астана қаласын дамытудың бағдарламасы туралы» шешіміне өзгерістер енгізу туралы.

Елорда мәслихатының депутаттарына коммуналдық мүлікті, соның ішінде заңды тұлғаларды корпоративті басқару, жекешелендіру, сенімгерлік басқару, коммуналдық мүлікті жалға беру тиімділігі туралы «Нұр-Сұлтан қаласының Активтер және мемлекеттік сатып алу басқармасы» ММ
басшысы м.а. Амрина Аягөз Маратқызы баяндама жасады. 

«Қазіргі уақытта Нұр-Сұлтан қаласының коммуналдық меншігінде 348 заңды тұлға бар. Квазисекторды оңтайландыру шеңберінде 2019 жылдан бастап функциялары қайталанатын 11 заңды тұлғаны оңтайландыру басталды. Экономикалық әсер 100 миллионнан астам теңгені құрайды», – деді
Активтер және мемлекеттік сатып алу басқармасы басшысы м.а.

Мемлекет басшысының ағымдағы жылғы 1 қыркүйектегі Қазақстан халқына Жолдауында квазимемлекеттік сектордағы жұмыскерлерді қысқарту туралы тапсырмасын орындау мақсатында Нұр-Сұлтан қаласы әкімінің өкімімен квазимемлекеттік сектор субъектілерінің штаттық кестесін оңтайландыру бойынша комиссия құрылды.

«Жалпы, осы жылдың аяғына дейін өткізілген 9 отырыстың қорытындысы бойынша штат санын 1107 бірлікке қысқарту, 17082-ден 15975 бірлікке дейін оңтайландыру жоспарланып отыр. Әлеуметтік жұмыскерлер жұмыстан шығарылмайды», – деп атап өтті А.М. Амрина.

2019 жылы коммуналдық мүлікті басқару арқылы қалада орналасқан қараусыз қалған инженерлік желілер мен құрылыстарды анықтау және иесіз деп жариялау жұмыстары басталды. Иесіз қалған желілер мен объектілерінің жалпы саны – 680.

«Соттардың тиісті шешімі негізінде жалпы сомасы 1,965 миллиард теңгені құрайтын мүлік коммуналдық меншікке қабылданды. 77 мекенжай бойынша иесіз қалған мүлік бағалау сатысында», – деді Аягөз Амрина.

Шығындарды оңтайландыру мақсатында тұрғын үй-коммуналдық шаруашылық, денсаулық сақтау және азаматтық қорғанысты қоспағанда, ведомстволық бағыныстағы ұйымдардың қызметкерлерінің қызметтік көлік құралдарын пайдалануын азайту ұсынылды. Сонымен қатар, 2020 жылы теңгерім ұстаушылардың өтінімдері бойынша коммуналдық меншікті сенімгерлік басқаруға беру рәсімі жүргізіліп, 13 тиісті шарт жасалды.

Коммуналдық меншік объектілерін тиімді басқару, сондай-ақ жергілікті бюджеттің кіріс бөлігін толтыру мақсатында тұрғын емес үй-жайларды мүліктік жалдауға (жалға) беру бойынша жұмыстар жүргізілуде.

«2020 жылдың 9 айында коммуналдық мүлікті жалға беруден елорданың бюджетіне 201,4 млн. теңге түсті», – деді А.М. Амрина.

Баяндама аяқталған соң депутаттар жиналыстың күн тәртібіндегі бірінші мәселені талқылауға кірісті.

Депутат Қарақат Абден: «Сіз сенімгерлік басқаруға беру мәселесін қозғадыңыз. Мектепке дейінгі мекемелер мен колледждердің шығындары жылдан-жылға артып келеді. Оларды сенімгерлік басқаруға беру мүмкіндігін қарастырған жоқсыз ба?», – деп сұрады.

«Қосымша білім беру ұйымдарын қамтымағаныңыз үшін, оларды оңтайландыруға жібермегеніңіз үшін рахмет. Штат  бірлігі қысқартылуы күтілетін 4 музей туралы сұрағым бар», – деді депутат Рамзия Өмірбаева.

Аягөз Амрина депутаттар тарапынан қойылған сұрақтарға жауап берді. Қазіргі уақытта білім беру нысандарын сенімгерлік басқаруға беру мәселесі қарастырылмай жатқанын айтты, өйткені бұл оң экономикалық нәтиже бермейді. Алайда басқарма бұл мәселені зерттеп, мәслихатқа ақпарат береді. Музейлердегі қысқартуға байланысты, бұл сала қызметкерлеріне әсер етпейді, тек әкімшілік және басқару персоналының өкілдеріне қатысты әсер етеді.

Мәслихаттың хатшысы м.а. Мәжит Шайдаров: «Сіз «Астана Орманы» ЖШС, «Астана Тазалық» ЖШС сияқты ұйымдарда болатын қысқартулар туралы айттыңыз, бұл қаланың келбетіне әсер етеді?

«5 заңды тұлғаны сенімгерлік басқаруға беру туралы мәселе («Астана-Теплотранзит» АҚ, «Астана-Энергия» АҚ, «Астана-РЭК» АҚ, «Астана- ЕРЦ» ЖШС, «Астана энергосбыт компаниясы» ЖШС) бірнеше рет талқыланды. Олар шығынды мекемелер емес, оларды сенімгерлік басқаруға берудің мәні неде», – деді депутат Зейнулла Шибкенов.

«Қосымша білім беру мекемелерінің жетіспейтіндігі туралы барлығы біледі. Онда аталған ұйымдарды орналастыру үшін сіздің теңгеріміңізде тұрған бос үй-жайлардың тізілімін мәслихатқа ұсына аласыз ба», – деді Қарақат Абден.

«Оңтайландыру үшін оңтайландыру айтарлықтай зиян тигізуі мүмкін. Бір кездері денсаулық сақтау басқармасының бұрынғы бастығы бізді онкологиялық аурухананы жұқпалы аурулар ауруханасымен біріктіру үлкен экономикалық нәтиже береді деп сендірді. Алайда, карантин кезеңінде барлығы керісінше болды. Адамдардың өмірі ойластырмай қабылданған шешімдерге байланысты болып қалды. Мен депутат З.Р. Шибкеновтің сұрағын қолдаймын, сондықтан бұл жағдай сенімгерлік басқаруға берілген бес ұйымда да болуы мүмкін», – деп атап өтті елордалық мәслихаттың хатшысы м.а.

Мәселені талқылау қорытындысы бойынша мәслихат депутаттары тұрақты комиссияның тиісті қаулысын қабылдады.

Отырыстың күн тәртібіндегі екінші мәселе: Астана қаласы мәслихатының 2015 жылғы 11 желтоқсандағы № 427/61-V «2016-20202 жылдарға арналған Астана қаласын дамытудың бағдарламасы туралы» шешіміне өзгерістер енгізу қажеттілігі бойынша «Нұр-Сұлтан қаласының экономика және бюджеттік жоспарлау бөлімі» мемлекеттік мекемесінің басшысы Қайсар Манқараев баяндама жасады.

Депутаттарға «Нұр-Сұлтан қаласын дамыту» бағдарламасына енгізілген өзгерістер мен толықтырулар туралы салыстырмалы кесте ұсынылды, мұнда әр бөлімде түзету қажеттілігі негізделеді.

Қаланы дамыту бағдарламасында 55 индикатор ұсынылады, оның 25-і азайту немесе көбейту үшін өзгертілген. Осылайша, төмендеу Еңбек және халықты әлеуметтік қорғау министрлігінің 2020 – 2024 жылдарға арналған стратегиялық жоспарының мақсатты индикаторларымен және халыққа шектеу шараларын енгізумен, ағымдағы жылы жұмыссыздықтың өсуімен байланысты. Көбейту жұмыспен қамтудың жол картасы бойынша инженерлік желілерді орналастыруды аяқтауға қаражат бөлуге байланысты», – деді Қайсар Манқараев.

Депутаттар білім берудің сапасы мен қолжетімділігін арттыруға, сондай-ақ ана мен баланың денсаулығын сақтау және нығайтуға байланысты индикаторлардағы өзгерістерді сынға алды, азайту өзгерістері білім беру мен медицинадағы елеулі кемшіліктерді көрсетеді деген пікір айтты. Жалдамалы  тұрғын үй санын азайту бағытының өзгеруі де сынға алынды.

Тұрақты комиссияның төрағасы отырысты қорытындылай отырып мемлекеттік органдардың басшыларына депутаттар көтерген мәселелер бойынша ақпарат дайындауды және оны ағымдағы жылдың 30 қазанында өтетін сессияға дейін беруді ұсынды.