Мемлекет мұқтажы үшін жер учаскелерін иеліктен шығару

Қалалық мәслихатта Қанат Естектің төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.  

Комиссия отырысының күн тәртібінде жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарттарды келісу туралы мәселе тұр.

Тұрғын үй және тұрғын үй инспекциясы басқармасының басшысы Ануар Саипов мәслихаттың тұрақты комиссиясының қарауына шығарылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды. Пайдалануға беру жоспарланып отырған әлеуметтік нысандардың ішінде бірқатар көшелер, әкімшілік ғимараттар, балабақша, шағын айналма жолы (V учаскесі) бар.

Отырыс төрағасы Қанат Естек тұрақты комиссияның отырысына онлайн режимінде қатысуға шақырылған жер учаскелерінің меншік иелерімен кездесу өткізді. Ол меншік иелеріне мәселе кезектен тыс сессияның қарауына шығарылатынын және ол бойынша тиісті шешім қабылданатынын мәлімдеді.