Қоғамдық көлік саласында өткен жылғы жұмыс және ағымдағы жылға арналған жоспарлар туралы есеп

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті.

Бірінші болып Көлік және жол-көлік инфрақұрылымын дамыту басқармасының басшысы Асхат Қарағойшин баяндады.

Тұрақты комиссияның төрағасы Владислав Сергеев наурыз айында мәслихаттың кезекті сессиясында «Астана қаласының көлік жүйесін кешенді дамыту перспективасы» мәселесін қарау жоспарланғанына байланысты қоғамдық көлік проблемаларына және жақын болашаққа арналған жоспарларға назар аударуды сұрады.

Асхат Қарағойшин депутаттарды маршруттық желі жұмысының ағымдағы жағдайы туралы хабардар етті. Қалада барлығы 8 автопарк, 1625 автобус жұмыс істейді, олар күніне 900 мың сапар жасайды. Проблемалық мәселелердің ішінде басқарма басшысы өткен жылдан ағымдағы жылға  өтіп кеткен автопарктер алдындағы қарызды атады. Сондай-ақ, ағымдағы жылы жаңа автобустар сатып алуға, маршруттарды оңтайландыруға байланысты қаражаттандыруды ұлғайту қажеттілігі бар. Ол жаңа автобустар сатып алынатынын атап өтті. Дилерлермен келіссөздер жүргізілді, автобустардың бағасы төмендеді.

«City Transportation Sistems» ЖШС басқарма төрағасының орынбасары Жанат Бижанов қоғамдық көліктің дамуы туралы баяндады. 2024 жылы келесі жұмыстар атқарылды – 5 қалалық маршрут, 5 экспресс-маршрут құрылды, кестелер санын ұлғайту жүргізілді, 310 автобус сатып алынды. Нәтижесінде жылжымалы құрамның 94% - ға жаңаруы орын алды, орташа аралық 2 минутқа қысқарды, маршруттық желіні қамту ұлғайды. 2025 жылға арналған жоспарда ЖРК желісін қолданыстағы маршруттық желімен біріктіру, 300 бірлік газ автобустарын сатып алу, 3 қала маңындағы маршруттарды, 3 жергілікті маршруттарды құру көзделген. Бұдан әрі ол азаматтардың өтініштеріне байланысты маршруттық желіні жаңғырту және көліктік бақылауды қамтамасыз ету мәселесіне егжей-тегжейлі тоқталды.

Депутат Асқар Смағұловтың пікірінше, мемлекеттік органдардың ситуациялық орталықтарды кеңінен құруының айтарлықтай мағынасы жоқ. Сондай-ақ, ол автобустардың 97% желіге шығарылатыны туралы айтты, әрбір 4 автобус желіге шықпайды.  Депутат қоғамдық көлікті қаражаттандыру сомасының жыл сайынғы өсуімен келіспейді. Маңызды мәселелер шешілмеген кезде жаңа автобустар сатып алудың мағынасы бар ма?

Комиссия төрағасы Владислав Сергеев өткен жылы депутаттар тарифтің көтерілуін қолдағанын, бірақ кейбір келісімдер әлі орындалмағанын атап өтті. Оны келесі сұрақтар қызықтырды: жаңа автобустар желіге қашан шығады, жеткізушілермен келісім-шарттарға өзгерістер қашан енгізіледі, автобустарды жеткізу мерзімі туралы мәселе қашан шешіледі.

Депутат Азамат Айтқожин №1 автопарк басшылығына Күйгенжар тұрғын алабының тұрғындарына қызмет көрсететін жаңа автобустары үшін алғысын білдірді. Ол тағы да соңғы аялдамаларда жүргізушілерге арналған дәретханаларды орналастыру мәселесін көтерді. Сондай-ақ, ол қалалық автобус паркі неге көрші облыстан адамдарды жеткізуді ұйымдастыра отырып,  Мичурино, Куйгенжарға кірмейді деген сұраққа жауап беруін сұрады.

Владислав Сергеев тұрғын үй алаптарына қандай автобустар қызмет көрсететіні маңызды емес екенін, ең бастысы, олар сонда баратындығын атап өтті. Оның пікірінше, бұл мәселені жұмыс тәртібімен шешу керек.

Депутат Сәуле Самидин жаңа жылы аялдамалар алты ай бойы жарықсыз, жылусыз, желдетусіз тұратынын жазған тұрғындардың шағымын айтты. Тағы да мемлекеттік органдар арасындағы әлсіз өзара іс-қимыл туралы мәселе туындайды. Бұл жұмысты ретке келтіру мүмкін емес пе?

Депутат Ғабит Тәжімұратов сондай-ақ автобустар аялдамадан өтпеуі үшін Пригородный тұрғын алабындағы  Сарытоғай көшесінде жол белгісін қоюды сұрайтын азаматтардың өтініштеріне байланысты сөз сөйледі, «Отырар» және «Тұмар»  ТА тұрғындары да осындай жол белгісін қоюды сұрайды.

Депутат Дархан Рамазанов қозғалысы шектеулі азаматтардың, «АСТ-Техносервис» ЖШС қызметкерлерінің Тұран даңғылындағы аялдаманы кәсіпорынға жақындату туралы өтінішін жеткізді.

Депутат Кендебай Адамбек қоғамдық көлік саласы мәселесі өте күрделі және оны өзара іс-қимылда қарастыру қажет екенін атап өтті. Өсіп келе жатқан көмекқаржылар туралы мәселені жұмыс тобы шеңберінде егжей-тегжейлі қарастыруды ұсынды. Қазіргі уақытта тұрғындардың жағдайды жақсарту жоспары бар ма деген көптеген шағымдар бар.

Тұрақты комиссияның төрағасы Владислав Сергеев көлік басқармасынан электронды жол ақысын төлеу жүйесін (ЭЖАТЖ) жаңғырту және диспетчерлеу бойынша ұсыныстармен ақпарат беруді сұрады. Мұны мәслихаттың наурыз айындағы кезекті сессиясына дейін жасау керек.