Комиссияның мүгедектігі бар адамдармен жұмыс жөніндегі ұйымдар қызметінің сапасын бағалау рейтингін енгізу жөніндегі отырысы

Қалалық мәслихатта Ерлан Дәкеновтың төрағалығымен әлеуметтік-мәдени даму мәселелері жөніндегі комиссияның отырысы өтті, онда ерекше қажеттіліктері бар адамдарға қызмет көрсетуді жақсарту мәселелері талқыланды.

Мүмкіндігі шектеулі азаматтар үшін цифрландыру жүйесін барлық деңгейде енгізу қажет. Бұл оларға қызмет көрсететін ұйымдардың тиімділігін бағалау рейтингтеріне ғана қатысты емес. Барлық бағалаулар, тілектер мен ескертулер оларды түзеу немесе қызметтерді қайта пішімдеу бойынша тікелей қызмет көрсетумен айналысатындарға бағытталады. Бірде-бір тілек жауапсыз қалмауы керек. Бағалау критерийлерінің қатарында - қызмет көрсетудің жайлылығын арттыру; қызмет көрсетуге тиімді уақытты арттыру; қабылдаудың жоспарланған уақыты және оңалту мен қызмет көрсетудің жеке жоспары. Осылайша, мемлекеттік ұйымдар көрсететін қызметтердің сапасына қатысты олардың жауапкершілігі артады.

Мәслихат төрағасы Ерлан Каналимов инватакси қызметтеріне қатысты өзекті мәселені де қозғады.

«Жақын арада өз қаражатына 100-ге жуық инватакси сатып алатын инвестор келеді деп күтілуде. Шамамен қыркүйек айында депутаттық корпус инватаксидің жаңа жүйесінің диспетчерлік қызметімен танысады», - деп атап өтті отырыста Ерлан Каналимов. Сондай-ақ, оның айтуынша, депутаттық сауалдардан кейін көп ұзамай активтер басқармасы қайта әлеуметтендіру орталығын «Кирпичный» тұрғын алабынан басқа жерге көшіру мәселесін шешуі керек. Бүгінде осы орталыққа келіп түскен тұлғалар жергілікті тұрғындарға қолайсыздық туғызуда.