Елорда мәслихаты елорданың атын өзгерту мәселесін жұртшылықпен талқылайды
14.09.2022
Елорданың атын өзгерту мәселесі қала мәслихатының қоғамдық тыңдауларының қарауына шығарылады.
Қоғамдық тыңдаулар 2022 жылдың 15 қыркүйегінде сағат 10:00-де ОНЛАЙН ФОРМАТТА қала жұртшылығының, мәслихат депутаттарының қатысуымен өтеді.
Қоғамдық тыңдауларға қала тұрғындары Facebook (елорда мәслихатының ресми парақшасы) арқылы қатыса алады, Zoom сервистік платформасында БАҚ өкілдерінің қатысуы үшін сілтеме қолжетімді болады. Азаматтардың барлық ұсыныстары тыңдау барысында жарияланады.
Қоғамдық тыңдауға қатысуға ниет білдірген бұқаралық ақпарат құралдарды тіркеу ағымдағы жылдың 14 қыркүйегінде сағат 18.00-ге дейін 55-54-83, 55-74-05 телефондары немесе maslihat_org@mail.ru эл. почта бойынша жүргізілетін болады.