Қазақстан Республикасы Президентінің халыққа жолдауы

Кеше біз Президенттің «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауымен таныстық.

Шын мәнінде біздің ең қымбат құндылығымыз - ел Тәуелсіздігінің 30 жылдығы болып табылатынын атап өткім келеді. Бұл бүкіл әлемге танымал болу, бірлік, келісім, ұлт рухын нығайту, халықтың әл-ауқатын арттыру, жастардың болашаққа деген сенімі.

Сонымен қатар, Президент бүгінгі күннің өзекті мәселелеріне тоқталып, осы мәселелерді шешу жолдарын атап өтті. Бұл пандемиядан кейінгі кезеңдегі экономикалық даму, денсаулық сақтау жүйесінің тиімділігін арттыру, сапалы білім беру, өңірлік саясатты жетілдіру, саяси жаңғырту және адам құқықтарын қорғау.

 Мұғалім ретінде мемлекет педагог мәртебесін арттыру және өскелең ұрпаққа сапалы білім беру үшін қолдан келгеннің бәрін жасап жатқанын атап өткім келеді. Бұл педагогикалық мамандық санының өсуіне әсер етті, қазақстандық оқушылар халықаралық пәндік олимпиадалардың жеңімпаздары мен жүлдегерлері атанды, дарынды балалар мен осындай балаларды тәрбиелеген педагогтарға қолдау көрсетіліп тұрады.

Мұғалімнің алдында үлкен міндет тұр - жаһандық өзгерістер жағдайында білімді жаңартып үлгеру. Алынған білім түлек еңбек нарығына шыққанға дейін ескіреді.   

Осыған байланысты, мұғалімдерді қайта оқытуды 5 жылда емес, 3 жылда бір рет жүргізу ұсынылды. Бұл жағдайда қайта оқыту тегін болуы керек. Бұл мұғалімдерге бір қадам алда болуға және «тренд қалыптастыруға" мүмкіндік береді.

Бүгінгі күні тағы бір өзекті міндет - қашықтықтан оқыту нәтижесінде пайда болған білім алушылардың білімдеріндегі елеулі олқылықтардың орнын толтыру.

Мектептерде білімдегі    олқылықтарды толтыру бойынша жұмыс алгоритмдері әзірленді: психологиялық бейімделу, жеке қолдау көрсету үшін оқушылардың қажеттіліктерін зерделеу, сараланған тапсырмаларды іріктеумен жеке оқыту жоспарларын әзірлеу және жұмыстың басқа да нысандары мен тәсілдері. Ал «жалпыға міндетті оқыту» шеңберінде әлеуметтік осал отбасылардан шыққан балаларды дәстүрлі қолдауды «цифрлық мұғалім» білім беру жобасымен толықтыру ұсынылады.

Әрине, мектептерде орын жетіспеушілігі проблемасы бар. 2025 жылға дейін кемінде 800 мектеп салу туралы бұрын қойылған міндет енді жеке секторды тарта отырып, 1000 мектепке дейін ұлғайтылады.     

Президенттің жоғары білім беру сапасын арттыруға, ерте кәсіптік бағдар беруге және болашақ мамандықты таңдауды ұғынуға, сұранысқа ие мамандықтар бойынша тегін ТжКБ жүз пайыз қамтуды қамтамасыз етуге де назар аударғаны қуантады.

Жалпы, Президенттің Қазақстан халқына кезекті Жолдауында қоғамның ең өзекті мәселелері айтылды, нақты қадамдар, нақты ұсыныстар берілді, қойылған міндеттерді іске асыру бойынша проблемаларды шешу үшін қажетті жобалар ұсынылды.

Алмагүл Сегізбай, Нұр-Сұлтан қаласының мәслихат депутаты