Қазақстан Республикасының еңбек сіңірген дәрігері, «Астана қаласының орталық жол ауруханасы» ЖШС жалпы хирургия бөлімінің хирургиялық мәселелер жөніндегі бас консультанты.

«Құрмет белгісі», «Денсаулық сақтау ісінің үздігі» және «Құрметті теміржол қызметкері» ордендерімен марапатталған. Бірнеше рет Целиноград қалалық кеңесінің депутаты болып сайланды. 12-ші шақырылымдағы Қазақ КСР Жоғарғы Кеңесінің депутаты.

Нұр-Сұлтан қаласы мәслихатының 2020 жылғы 3 шілдедегі шешімімен Қазақстан Республикасының елордасы – Нұр-Сұлтан қаласының дамуы мен гүлденуіне қосқан зор үлесі, белсенді мемлекеттік және қоғамдық қызметі үшін «Нұр-Сұлтан қаласының құрметті азаматы» атағы берілді.