«Халық үніне құлақ асатын мемлекет» тұжырымдамасын іске асыру

Депутат Аман Аюпов сайлау округінде орналасқан Елорданың гуманитарлық колледжінде "Сындарлы қоғамдық диалог – Қазақстанның тұрақтылығы мен өркендеуінің негізі" атты "Жастардың әлеуметтік және тұрақты Даму Қоры" мен "Қоғамдық даму істері жөніндегі басқарма" бірлесіп ұйымдастырған диалог алаңына қатысты.

Жолдаудың негізгі тезисіне – «Халық үніне құлақ асатын мемлекет» тұжырымдамасына толық тоқталып, «Оны жүзеге асыру - бұл біздің ортақ міндетіміз» контекстінде әңгіме өрбітті. Өкілетті билік құрылымдарында бір "Nur Otan" партиясының өкілдігі неге жеткіліксіз екенін, қоғамның игілігі үшін сындарлы саясат жүргізетін басқа да саяси партиялар мен қозғалыстар қажет екендігін талқылады. Сонымен қатар, азаматтық қоғам мен Үкіметтік емес Ұйымдар институтының қоғамдық келісімді нығайтудағы маңызына тоқталды. Заң шығарушы және атқарушы билік арасындағы қатынастардың сипаты  туралы, митингілер туралы заңнаманың азаматтарымыздың еркінерік білдіру құқығына сәйкес келмеуі туралы және тиісінше оларды жетілдіру қажеттілігі туралы әңгіме қозғалды.