Депутаттар көшенің жаңа атауларын қолдады

Елордада екі көшеге, аллея мен саябаққа атау беру ұсынылды. Қалалық мәслихаттың тұрақты комиссияларының бірлескен отырысы кезінде мәселе депутаттармен келісілді. Бұдан әрі бұл мәселе Республикалық ономастика комиссиясының қарауына жіберілетін болады.

Қалалық Тілдерді дамыту және мұрағат ісі басқармасының басшысы Тілеуғали Қышқашбаев қазақ еліне танымал тұлғалардың есімін нақты қандай көшелерге беру ұсынылғанын айтты. Сонымен, "Алматы" ауданында орналасқан жобалық көшені атақты қолбасшы Райымбек батырдың құрметіне атау жоспарлануда, Т.Жүргенов көшесінің қиылысында орналасқан жобалық атауы бар тағы бір жаңа көшеге ауыр атлетикадан Әлем және Еуропа чемпионы Анатолий Храпатыйдың есімі берілмек.

Сонымен қатар, ведомство басшысы Сембинов көшесіндегі аллеяға тұрғындардың өтініші бойынша, "Қаламгерлер аллеясы" атауын беру, сондай-ақ "Арай" паркін "Жетісу" деп өзгерту ұсынылғанын атап өтті.

Көшелерді, саяжолдарды қайта атау туралы ұсыныстарды қолдау мақсатында белгілі қоғам қайраткері, тарих ғылымдарының докторы Марат Әбсеметов сөз сөйлеп, есімдері мәңгі сақталып, еліміздің тарихына және дамуына үлкен үлес қосқанын атап өтті. Мәселені көпшілік тыңдауларда талқылау қорытындысы бойынша жоба мәслихаттың кезекті сессиясында және Республикалық ономастика комиссиясында қаралатын болады.