Елордалық мәслихатта апта сайын азаматтарды қабылдау өтуде

Қала тұрғындары Нұр-Сұлтан қаласы мәслихатының хатшысы Жанат Нұрпейісовқа ең өзекті сұрақтармен жүгінеді. Әр апта сайын азаматтарды қабылдау жүргізілетініне қарамастан, өтініш білдірушілердің саны және сұрақтар азаймайды. Соңғы екі апта ішінде қала тұрғындары өтініш жасаған ең өзекті мәселелер, әрине, пәтер мәселесі, №24 автобус маршруты қозғалысының сызбасын реттеу, тұрғын үй алабы тұрғындарының өмір сүру қауіпсіздігін қамтамасыз ету мәселелері.

Мәслихат хатшысы қабылдауға келген әрбір тұрғынды мұқият және үлкен түсіністікпен тыңдайды. Кеңес береді, кейбір мәселелер тиісті мемлекеттік органдардың басшыларын шақыра отырып, қабылданғаннан кейін шешіледі. Мысалы, Самал шағын ауданының тұрғындары шлагбаум орнатылғаннан кейін туындаған мәселемен көмек әрі кеңес алу үшін өтініш білдіріп, осы ауданда тұратын балалардың қауіпсіздігін қамтамасыз етуді мақсат еткен. Азаматтарды қабылдауға қатысқан қалалық орта сапасын бақылау басқармасының бөлім басшысына қала аумағындағы қолданыстағы абаттандыру Ережелеріне өзгерістер енгізу мәселесін зерделеу ұсынылды, онда аулалардың ішінде шлагбаумдарды орнатуды заңдастыру және мәселені өзара шешу жолдарын табу қажет. Сондай-ақ Жанат Ғазизұлы Нұр-Сұлтан қаласы әкімі аппаратының активтер және мемлекеттік сатып алу, құрылыс және тұрғын үй саясаты басқармасы және мемлекеттік-құқықтық бөлімінің басшылары көмек көрсету және ықтималдығы бойынша У.Х. Ибрагимовтың пәтерді коммуналдық меншіктен Қазақстан Республикасы Ұлттық ұланының балансына беру туралы өтініші бойынша оң шешім қабылдау жөнінде кездесу өткізді.

Жалпы, мәслихат хатшысының жеке мәселелері бойынша қабылдауында барлық өтініш білдірушілер тиісті кеңестер мен түсініктемелер алды.