Тұрақты комиссияның кезекті отырысының күн тәртібінде қалалық мәслихаттың халықты жұмыспен қамтуды қамтамасыз ету және елордада жаңа жұмыс орындарын ашу жөніндегі шешімін жүзеге асыру жұмыстарының нәтижелерін талқылау.
09.10.2019
2019 жылғы 9 қазанда қалалық Мәслихаттың бюджет, экономика, өнеркәсіп және кәсіпкерлік мәселелері жөніндегі тұрақты комиссиясының кезекті отырысы өтті. Отырыста 2018 жылғы 28 маусымдағы астана мәслихатының "Қала халқын жұмыспен қамтуды қамтамасыз ету және қолданыстағы заңнамаға сәйкес жаңа жұмыс орындарын құру бойынша іс-шараларды ұйымдастыру туралы" шешімін іске асыру бойынша жұмыстардың нәтижелері мен проблемалары талқыланды.
"Нұр-Сұлтан қаласының Жұмыспен қамту және әлеуметтік қорғау басқармасы" ММ басшысы Сәуле Нұрғожинаның баяндамасына сәйкес бүгінгі күні қала халқының жалпы саны 1 105 575 адамды құрайды, оның ішінде 25,5 мың адам жұмыссыз болып табылады. Яғни жұмыссыздық деңгейі 4,5% құрайды. Тоғыз мың адам "Еңбек" бағдарламасы аясында 2017-2021 жылдары жұмыспен қамтылды.
Қалалық білім басқармасы басшысының орынбасары Жанна Қылышбаева білім саласында атқарылған жұмыстар туралы баяндады. 2018 жылдан бастап 4 мектеп ашылды деп атап өтті. Бұл мектептерде 600-ге жуық адам жұмыс істейді. Қазіргі уақытта қала бойынша білім беру саласына 170 қызметкер қажет. Биыл Қазақстан Республикасы Білім және ғылым министрлігі көп балалы отбасылардан шыққан балаларға 165 грант бөлді. Сондай-ақ, жас қызметкерлерге арналған 350 орындық жатақхана пайдалануға берілді.
Мәслихат депутаттары кадрлардың жетіспеушілігі мәселесін шешу үшін электрондық оқыту жүйесінің тиімділігін талқылады және осы бағытты дамыту бойынша жұмыстар туралы сұрақ қойды. Нұр-Сұлтан қалалық Білім басқармасы басшысының орынбасары Жанна Қылышбаеваның айтуынша, қала мектептерінде бастауыш сынып және орыс тілі мұғалімдері жетіспейді. Алайда, кадрлардың жетіспеушілігі білім сапасына әсер етпейді. "Өрлеу" біліктілікті арттыру курстары негізінде оқытушыларды қайта даярлау жүргізіледі. Сондай-ақ сандық білім беру технологиялары бойынша өнімді жұмыстар жүргізілуде. Жанна Қылышбаева мүмкіндігі шектеулі балалар үйден шықпай-ақ онлайн режимінде қашықтықтан білім ала алатынын атап өтті. "Нұр-Сұлтан қаласының Инвестициялар және кәсіпкерлікті дамыту басқармасы" ММ басшысының орынбасары Жанар Бескемпірова елордада жаңа жұмыс орындарын ашу туралы баяндама жасады. Кәсіпкерлікті дамытуға және қолдауға бағытталған бағдарламаларды іске асыру нәтижесінде қала кәсіпорындарында 9 мыңнан астам жұмыс орны сақталып, 5,5 мыңнан астам жаңа жұмыс орны құрылды. "Бизнестің жол картасы-2020" мемлекеттік бағдарламасының "Бизнесті қолдау және дамыту" бағытының арқасында 262 жоба жүзеге асырылды, бұл биылғы жылы 200-ден астам жұмыс орнын ашуға мүмкіндік береді.
Бұл көрсеткіштер мәслихат депутаттарында сұрақтар тудырды. Олар 262 жобаны іске асыру нәтижесінде 200 жұмыс орнын құрудың логикаға сай емес екенін атап өтті. Депутаттар құзырлы органдардың өкілдерінен жоспарды қайта қарауды сұрады. Сондай-ақ, "Нұр-Сұлтан қаласының Инвестициялар және кәсіпкерлікті дамыту басқармасы" ММ басшысының орынбасары Жанар Бескемпірова қазіргі таңда 6 жаңа жоба әзірленуде деп хабарлады. Нәтижесінде 5 мыңға жуық жұмыс орнын ашу жоспарлануда. Елордада жұмыс орындарын құру туралы мәселе "Нұр-Сұлтан қалалық Жұмыспен қамту және әлеуметтік қорғау басқармасы" ММ басшысы Сәуле Нұрғожина да қатысты. "Нұр Отан" партиясының сайлауалды бағдарламасында айтылған "Халықтың әлеуметтік осал топтарын жұмыспен қамту" бағдарламасы бойынша жұмыс нәтижелері сұралды. Сәуле Нұрғожинаның айтуынша, бүгінде 539 мүгедек жұмысқа орналастырылды.
Отырыс соңында мәслихат депутаттары атқарушы органдардың өкілдеріне арналған барлық талаптар мен ескертулердің орындалуын талап етті. Комиссия отырысының жұмысына "Алматы", "Байқоңыр", "Есіл", "Сарыарқа" аудандары әкімдерінің орынбасарлары, қалалық департаменттер мен басқармалардың басшылары, БАҚ өкілдері қатысты.