Астана қ. Қоғамдық кеңесінің кезекті отырысы өткізілді

Кеңестің қарастыруына 10 сұрақ қойылды. Осылайша, Қоғамдық кеңес мүшелері Қазақстан Республикасы инвестициялар және даму Министрлігінің Байланыс, ақпараттандыру және ақпарат Комитетінің «Халыққа қызмет көрсету» шаруашылық жүргізу құқығындағы республикалық мемлекеттік кәсіпорнын «Азаматтарға арналған үкімет» Мемлекеттік корпорациясы» коммерциялық емес акционерлік қоғамына қайта ұйымдастыруға байланысты өзгерістер енгізілген қала әкімдігінің қаулыларының бірқатар жобаларын талқылады.

Жер қатынастары және жерді пайдалану мен қорғалуына бақылау жасау басқармасының басшысы Төлеуғазы Нұркенов мекеме атауының өзгеруіне байланысты Астана қаласы аумағында жеке және заңды тұлғаларға көрсетілетін жер қатынастары саласында мемлекеттік қызметтер регламентіне өзгерістер енгізілгендігі туралы кеңес мүшелерін ақпараттандырды.

Бұдан өзге, астана аумағында карантин тәртібін енгізу үшін карантин аймақтарын айқындау туралы әкімдік қаулысының жобасы қарастырылды, мұны кеңес мүшелеріне ауыл шаруашылығы Басқармасының басшысы Әсет Құрманғалиев ұсынды. 

Кеңес мүшелері осыған қоса астаналық жұмыспен қамту Орталығы директоры Олжас Омардың баяндамасын тыңдады, ол мамандықтар қиығында құнын көрсете отырып, кәсіби білімді жүзеге асыратын, білім беруші мекемелердің тізімін ұсынды.

Талқылаулар барысында қоғамдық кеңес мүшелері бағдарламаның әрбір қатысушысын оқыту құнын есептеу сұрақтарына қызығушылық танытты. Әртүрлі мекемелердің оқыту мерзімдері секілді оның бағаларымен байланысты айырмашылықтарға айрықша назар аударылды. Кеңес төрағасы Сансызбай Есіловтің ұсынысы бойынша, «БЖК-2020» бағдарламасының аталмыш бағыты бойынша қаражаттардың ішкі бөліну механизмін кеңес мүшелері жеке зерделейді.

Кеңес сонымен бірге елордалық білім Басқармасының басшысы Эльмира Суханбердиеваның баяндамасын тыңдады. Осылайша, бүгінгі таңда «Азаматтарға арналған Үкімет» мемлекеттік корпорациясына атауын өзгерткен ХҚКО-на және т.б. білім беру мекемелерінен шетелге оқуға түсетін жоғары сынып оқушыларының экстернаты нысанында оқуға рұқсат беретін мемлекеттік қызметтерді табыстау туралы әкімдіктің қаулылар жобаларына бірауыздан қолдау көрсетілді.

Отырыста қаланың сәулет және қала құрылысы Басқармасының басшысы Виталий Силецкийдің «Қазақстан Республикасы аумағында жылжымайтын мүлік нысандарының мекенжайын айқындау анықтамаларын беру», «Сәулет-жоспарлау тапсырмаларын беру» және «Көтеретін және қоршаушы құрастырылымдарға, инженерлік жүйелер мен қондырғыларға өзгерістер енгізумен байланысты бұрыннан бар ғимараттар жайларының (жеке бөліктерінің) қайта құрастыруға (қайта жоспарлауға, қайта жабдықтауға) шешімдерді беру» мемлекеттік қызметтер регламенттерін бекіту туралы» әкімшілік қаулысына өзгерістер енгізу туралы баяндамасы қарастырылды.

«Көтеретін және қоршаушы құрастырылымдарға, инженерлік жүйелер мен қондырғыларға өзгерістер енгізумен байланысты бұрыннан бар ғимараттар жайларының (жеке бөліктерінің) қайта құрастыруға (қайта жоспарлауға, қайта жабдықтауға) шешімдерді беру» регламентін талқылау барысында туындаған көптеген даулы сұрақтарға байланысты жоғарыда аталған сұрақтың қарастырылуын қоғамдық кеңестің келесі отырысына қалдыруға шешім қабылданды.

Отырысқа сәйкес қалалық ведомстволар мен басқармалардың басшылары, қоғамдық ұйымдар және БАҚ өкілдері қатысты.