Қалалық мәслихаттың құрылыс, экология, көлік, сауда және тұрғын үй-коммуналдық шаруашылық мәселелері бойынша тұрақты комиссиясының отырысында астананың экологиялық жағдайын және мемлекеттік органдар жүргізіп отырған табиғат қорғау шаралары талқыланды
01.05.2016
Мәслихаттың «Қаладағы экологиялық қауіпсіздік пен қоршаған ортаны қорғауды қамтамасыз ету бойынша атқарушы органдардың қызметі туралы» мәселе бойынша мәслихат сессиясының нұсқауларын орындау барысы туралы баяндаманы депутаттар алдында астананың табиғат ресурстары және табиғат пайдалануды реттеу басқармасының орынбасары Сакен Исаев оқыды.
Өткен кезеңде мәслихат сессиясының нұсқауларын орындау бойынша шаралар жүзеге асырылған. Оның сөзіне сәйкес Астана қаласы ІІД әкімшілік полициясы басқармасы қалаға кіреберісте жол-патруль қызметі өткен жылы 15968 жүргізушіге қатысты атмосфераға зиянды заттар мен пайдаланылған газдарды шығарғаны үшін құны 47,5 млн теңгені құрайтын әкімшілік іс қозғаған. Бірінші тоқсанда тәртіп бұзғаны үшін жазаға тартылған жүргізушілер саны 1316 адам болды.
Бүгінгі таңда қалада қатты тұрмыстық қалдықтарды жинау және шығарумен «Астана Тазарту» ЖШС және «Таза Әлем - Астана» ЖШС 85 астам арнайы техника қолданып жүзеге асырады.
Қалада барлығы 1 842 контейнер алаңдарына орналастырылған 11 241 контейнер бар, олардың аумағынан күн сайын 1 000 тоннаға дейін ҚТҚ шығарылады.
- Жылжымалы ластау көздерінен шығарылатын қалдықтарды қысқарту мақсатында қаланың көлік инфрақұрылымы жақсартылады: тұрақты түрде жаңа жол айрықтары мен автомобиль жолдары салынып, қолданыстағы жолдар жөнделеді. Бұл қала көшелеріндегі автокөлік қозғалысы қарқынын төмендетуді мүмкіндік береді, олардың жол қиылыстарында «бос» жұмыс режимінде тұрып қалу уақытын қысқартады, атмосфераға шығарылатын ластаушы заттарды азайтуға мүмкіндік береді, - деп түсіндірді баяндамашы.
Сонымен қатар, қаладағы атмосфералық ауаның сапасын жақсарту бойынша кешенді жоспарға сәйкес ведомстволарға бағынышты коммуналдық кәсіпорындардың 2965 автокөлігі газ-мотор отынына ауысады. Оның ішінде ағымдағы жылдың 1 қаңтарынан бастап 318 газбен жұмыс жасауға көшкен.
Бұдан басқа, Астана қаласының ІІД Әкімшілік полициясы басқармасы 2014-2015 жылдар аралығында автокөлік құралдарына газ-мотор қондырғысын орнатуға 3802 келісім берген. Осы жылы газ отынына ауысуға ниетті қала жүргізушілерінің саны 1440 адамды құраған.
- Абаттандыруға қатысты. Қазіргі кезде қалада жалпы ауданы 396,4 га құрайтын 9 саябақ жұмыс жасайды, 2014 жылы 8 саябақ, ауданы 30 га төрт гүлзар және жалпы ауданы 131,9 га құрайтын 90 бақжолдары болған, ал 2014 жылы бақжолдар саны 69 болған, - деп хабарлады. Сакен Исаев.
Сонымен қатар, өзендер мен жер беті су ресурстарының жағалау сызығының тазалығын сақтауды бақылау жұмыстары жүргізіледі. Құрамына «Сарыарқа» ауданы әкімі аппаратының мамандары, Астана қ., Экология департаменті қызметкерлері, Астана қ. табиғат ресурстары басқармасының, Есіл бассейн инспекциясының, Астана қ., тұтынушылар құқықтарын қорғау департаментінің қызметкерлері, Астана қ. «Сарыарқа» ауданының ІІБ ӘҚБ ППБ инспекторларын енген жұмыс топтарының аралау жұмыстарының нәтижелері бойынша абаттандыру ережелерін бұзғаны үшін әкімшілік жауапкершілікке 47 жеке меншік үй иелері тартылған. Су айдынын саздан және ҚТҚ уақытылы тазартпағаны үшін әкімшілік жауапкершілікке заңды тұлғалар 138 740 теңге сомасына тартылған.
- Жалпы алғанда Астананың экологиялық жағдайы белгіленгене критерийлерге сәйкес келеді, астананың экологиялық инфрақұрылымы дамып келеді, халықтың өмір сүруіне қолайлы жағдай жасалған және экологиялық мәдениет дамып отыр, - деп қорытындылады баяндамашы.
Талқылау барысында депутаттар астананы газбен қамтамасыз ету туралы мәселе қозғады, бұл туралы әрі қарайғы уақытта пікірталас жүргізілетін болады.
Мәслихат депутаты, «Астанагенплан» ғылыми-зерттеу жобалық институты» ЖШС директоры Сарсембек Жунусов айтып кеткендей, жоба қазір жүзеге асыру кезеңінде, жұмыстар мемлекеттік-жеке серіктестік механизмі бойынша жүзеге асырылуда. Серіктес компания астанаға табиғи газ тасымалдайтын болғандықтан, мұнда газ арнайы шағын станцияларда таратылады. Олардың саны 6 болады, оның ішінде 2 қазірден бастап жұмыс істеп тұр, олар Көктал және Ипподром аудандарында орналасқан, 4 жоба кезеңінде.
Бұдан басқа, мәслихат хатшысы Жанат Нурпиисов ластаушыларға өзендер мен жағалау маңын уақытылы тазаламағаны үшін салынатын айыппұл мөлшерінің аздығына назар аударған. Оның сөзіне сәйкес бақылау жұмысын біршама күшейту қажет.
Депутаттар қала 2013 жылы сатып алған люминесцентті және энергия үнемдеуге арналған шамдарды жинауға арналған контейнерлер туралы да сұрақтар қойды. Олар тұрғындарға осындай қоқыстарды арнайы контейнерлерге тастау туралы насихат жұмыстарын тұрақты жүргізу қажет екенін айтып өтті.
Тұрақты комиссия отырысының жұмысына мәслихат хатшысы Жанат Нурпиисов, қаладағы сәйкес ведомстволар мен басқармалар басшылары, Астана қ. ішкі істер департаментінің жергілікті полиция қызметі басшылары, аудандық ІІД табиғат қорғау полициясы бөлімшелері, аудандардың пәтер иелері кооперативтері Ассоциациясының өкілдері, қоғамдық ұйымдар мен БАҚ өкілдері қатысты.