Г.К.Қасенованың төрағалық етуімен заңдылық, құқықтық тәртіп және жұртшылықпен жұмыс мәселелері бойынша Астана мәлихатының тұрақты комиссиясының отырысы өтті.
28.07.2016
Талқылаудың басты тақырыбы – астанадағы діни ахуал және дәстүрлі емес діни ағымдармен күрес мәселесі болды.
Қаладағы дін істері жөніндегі басқарма басшысының міндетін атқарушы Нұрдәулет Әлмұқановтың отырыс барысындағы хабарламасы бойынша, қазіргі сәтте астанада 70 адам миссионерлік іс-әрекетпен айналысуда, бұлар – Қазақстанға әр елден келген және өздерінің діни сенімдерін ұстанған адамдар. Олардың біреуі – ислам, 12-сі – православие, 28-і – католик, 6-уы мормонизм, 12-сі – кришнаит дінін ұстанғандар, тағы 10-ы жаңа апостол шіркеуіне жатады.
2011 жылдан бастап бейіндік басқарма іс-әрекеттері тиісті органдардың бақылауына алынған, түрлі конфессия өкілдеріне арнап діни ғимараттар құрылысы үшін 6 жер телімін бөлді. Баяндамашының сөзі бойынша, астанадағы діни ахуалды тиімді бақылауды қамтамасыз ету үшін басқарма Л.Н. Гумилев атындағы Еуразия ұлттық университетінің дін істері жөніндегі кафедрасымен, дін танушы-мұғалімдер өз біліктіліктерін арттыратын, «Өрлеу» ұлттық орталығының филиалымен, сондай-ақ Успен кафедралық соборымен және ҚМДБ өкілдерімен ынтымақтастық туралы меморандум жасасқан.
Сонымен бірге отырыс барысында астана ішкі істер Департаментінің экстремизммен күрес жөніндегі басқармасының басшысы Ербұлан Құсайынов дәстүрлі емес діни ағымдардың ықпалымен және таралуымен күрес жөнінде өткізілген профилактикалық жұмыс туралы айтты.
- Біз бес жылдан бері жергілікті полиция қызметімен бірге экстремизмнің алдын алуды тәжірибеге енгізіп келеміз, қаланың 25 учаскесіндегі әрбір полиция қызметкері бізге ақпарат жіберіп отырады, ол біріктіріледі және тексеріледі. Әрине, заңсыз миссионерлік іс-әрекет өткізу фактілері де кездеседі, мұндай адамдармен біз жұмыс істейміз,- деп атап өтті баяндамашы.
Отырысқа қатысушылар сонымен қоса мектеп оқушыларының хиджаб кию мәселелерін де талқылады. Әдетте, мұндай балалардың ата-аналары мектептің ішкі жарғылары мен оқушының сырт бейнесіне қоятын талаптарын елемей, балаларына хиджаб кигізеді. Отырыс жұмысына қала ведомстволары мен басқармаларының, қоғамдық ұйымдардың және бұқаралық ақпарат құралдарының өкілдері қатысты.