Қалалық мәслихат депутаттарының Қытай Халық Республикасының Хэйлунцзян провинциясының делегациясымен кездесуі өтті

Өзінің құттықтау сөзінде мәслихат хатшысы Жанат Нурпиисов қытайлық әріптестерін астананың өкілдік органы айналысатын мәселелер шеңберімен таныстырды. Мәслихат пен оның тұрақты комиссиясының қызметінің негізгі бағыттарын айтты. Халық қалаулылары өздерінің сайлау округтарында ұшырасатын мәселелерге тоқталды. Бұл тұрғын үй алуға кезекке тұру, әлеуметтік көмек көрсету, тұрғын үйді жөндеу, абаттандыру, көгалдандыру, көшелерді жарықтандыру және асфальт төсеу және т.б. көптеген мәселелер.

Жанат Газизович Қытай Халық Республикасы біздің мемлекетіміздің басты серіктестерінің бірі екенін айтып кетті. Қазақстан мен Қытай арасында екі жақты өзара қатынастың барлық бағыттары бойынша өзара тиімді серіктестік белсенді дамып келеді. Достық қатынастарды жолға қою шеңберінде Қытай Халық Республикасының қалалары мен провинциялары арасында Астана, Пекин және Үрімші қалалары арасында тығыз байланыс орнаған. 

Мәслихат хатшысы қонақтарды астана дамуының негізгі әлеуметтік-экономикалық көрсеткіштерімен таныстырды. «Болашақтың энергиясы» тақырыбында өтетін ЭКСПО-2017 халықаралық мамандандырылған көрмесін өткізумен байланысты шараларға кеңінен тоқталды.

2017 жыл «Қазақстандағы Қытай туризмі жылы» деп жарияланған, осы жыл туризм саласында ғана емес индустрия, инновация, инвестиция салаларында да белсенді серіктестікке мүмкіндік беруі тиіс, - деп айтып кетті мәслихат хатшысы.

Қытайлық делегацияны бастап келген Хэйлунцзян провинциясының халықтық саяси консультативтік кеңесі  төрағасының орынбасары Ду Цзимин мырза мәслихат депутаттарына өз делегациясының мүшелерін таныстырды. Өзінің құттықтау сөзінде ол депутаттарға шырайлы қарсы алғандары үшін алғыс білдіріп, Хэйлунцзян провинциясы туралы мәліметтер берді, провинцияда дамыған негізгі салаларға тоқталды.

Қытайдан келген бизнесмендерді Астана қаласының аумағында жүзеге асырылып отырған «Астана қаласының жаңа көлік жүйесі. LRT 1-кезек» жобасы қызықтырды, ол Smart City Astana жүйесін салу мен жабдықтауды, жылжымалы состав жеткізуді, фото және бейне фиксация камераларын орнатуды жобалауды қарастырады. Кездесу аяқталғаннан кейін жоғарыда аталған жобаларды жүзеге асыру барысымен Инвестициялар және даму басқармасының кеңсесінде танысу жоспарланды. Хэйлунцзян провинциясының делегациясы ЭКСПО 2017 халықаралық көрмесіне тікелей қатысуға ниет білдіріп, Астана қаласы аумағында Хэйлунцзян провинциясының апталығын өткізуді ұсынды.

Әрі қарайғы серіктестік жоспарын талқылау және пікір алмасуға мәслихат депутаттары Мажит Шайдаров және Алмаз Ким қатысты.

«Бұл біздің алғашқы кездесуіміз және біздің достық қатынастарымыз болашақта да жалғасын табады деген үміттеміз. Астана қаласының мәслихаты осы бағыттағы барлық игі бастамаларды қолдауға дайын», деп айтып кетті қорытынды сөзінде мәслихат хатшысы Жанат Нурпиисов.

Кездесуге қалалық басқармалар басшылары, бұқаралық ақпарат құралдары өкілдері қатысты.