Мәслихаттың тұрақты комиссиясының бірлескен отырысы өткізілді

Баяндамашының айтуы бойынша, қаланың негізгі әлеуметтік-экономикалық көрсеткіштерінің өсуіне сәйкес жыл басынан бастап бюджеттің кіріс бөлігінің қамтылуымен байланысты нақтылау кезінде жеке кірістерді 1 476,7 млн.теңгеге, оның ішінде салықтық түсімдер бойынша 1 399,6 млн. теңгеге ұлғайту көзделеді.

Сонымен бірге, бюджеттік қаражатты меңгеру мониторингінің нәтижесінде астананы дамыту жөніндегі бірқатар міндеттерді шешуге бағытталған, шығыстарды ішкі қайта бөлу жүргізіледі. Атап айтқанда, «Жаңа РП ТП салу» жобасын жүзеге асыруға, санитарияны қамтамасыз етуге, қараусыз және қаңғып жүрген иттер мен мысықтарды ұстауға және жоюға, жануарлардан жұғатын аруларға қарсы шараларға. Білім жүйесіндегі мәселелерді шешу үшін қаражат мұғалімдерге жалақы төлеуге, мектеп оқушыларын ыстық тамақпен қамтамасыз етуге бағытталады. Депутаттар сондай-ақ қала көшелерін механикаландырылған құралдармен және қолмен тазалауға, мерекелерге қарсы қаланы безендіруге, денсаулық сақтау және әлеуметтік қорғау саласындағы әлеуметтік мәселелерді шешуге қаражат бөлуді мақұлдады.

Экономика және бюджеттік жоспарлау басқармасының басшысы Әліби Жұмаев өзінің сөзінде айтып өткендей, Астана қаласының бюджетін нағыз нақтылау жергілікті атқару органдарының бастамасы бойынша жүргізіледі.

Тұрақты комиссияның бірлескен отырысында  депутаттар Қазақстан Республикасы Парламентімен қабылданған, Қазақстан Рспубликасы Тәуелсіздігінің 25-жылдығы Декларациясын талқылады.

№20 сайлау округінен мәслихат депутаты Асхат Оралов Декларацияның маңыздылығы туралы айта келіп, Қазақстанның әлем картасындағы Ұлы дала елі ретінде қалыптасуына республиканың Тұңғыш Президенті, Ұлт Басшысы, «Нұр Отан» партиясының төрағасы Н.Ә.Назарбаевтың қосқан теңдессіз үлесін атап  өтті. «Әрине, тәуелсіздік – бұл біздің халқымыздың ұлы құндылығы,- деді ол, - республика Парламенті бүкіл Қазақстанның Елбасының маңайына топтасқандығын білдіретін және Тәуелсіздіктің маңыздылығының күмәнсіз екендігін көрсететін, тарихи құжат қабылдады».

Тәуелсіздік құрдасы депутат Оралов қазіргі таңда Қазақстан Республикасы Тұңғыш Президентінің елге қосқан үлесінің әділ бағаланып отырғандығы жайлы айтты. «Біз Қазақстан жастары өз Президентіміздің бізге деген ықыласы мен қамқорлығын сезінеміз. Барлық әлемде дағдарыс болып жатқандығына қарамастан, біздің Елбасы әлемдегі дамыған 30 елдің қатарына ену бойынша өр мақсат қойды және «Қазақстан – 2050» стратегиясы, «Ұлт жоспары: 100 нақты қадам», «Нұрлы жол» жаңа экономикалық саясаты және тағы басқалары сияқты стратегиялық маңызы бар құжаттар қабылдады және жүзеге асырып жатыр.

Депутаттың сөзі бойынша біздің еліміз Тәуелсіздік жылдарында әлемдік аренада елеулі табыстарға жетті.Оған дәлел - Қазақстанның ең бәсекеге қабілетті 50 елдің қатарына енуі, Астанада ЕҚЫҰ, ИЫҰ саммиттерін, қысқы Азия ойындарын өткізу болып табылады.Келесі жылы Халықаралық мамандандырылған ЭКСПО-2017 көрмесін өткізу жоспарланып отыр. Осы жылы Қазақстан Орталық Азия елдерінің арасында алғаш рет БҰҰ Қауіпсіздік Кеңесінің тұрақты емес мүшесі болып сайланды.

Еуразия жүрегі - астанамыз Астананың салынуы біздің еліміздің үлкен жетістігі.

№2 сайлау округінен мәслихат депутаты Зәуре Жүсіпова әріптестерінің пікірін білдіре отырып, ел жетістіктеріне жоғары баға беру қажеттілігі жайлы айтты. Оның сөзі бойынша, қазір біздің Қазақстан әлемдік аренада танымал және құрметке ие, республика дамып келе жатыр, онымен бірге қоғам да дамып келе жатыр. «Қазір көптеген мемлекеттік бағдарламалар қабылданды, мұның барлығы қазақстандықтардың әл-ауқатының тұрақты артуына бағытталған. Біз өз елімізді, өз басшымызды, өз Астанамызды мақтан тұтамыз. Қазіргі таңда Қазақстанның жаңа тарихының жаңа беттері жазылуда, біз жаңа мемлекеттің құрылысшыларымыз және өз республикамыздың гүлденуіне өз үлесімізді одан әрі қосамыз,- деді депутат.

Тұрақты комиссияның бірлескен отырысына Астана қаласы мәслихатының хатшысы Нурпиисов Ж.Г, қалалық құрылым басшылары, бұқаралық ақпарат құралдары өкілдері қатысты.