Астана бюджетінің үш жылдық жобасы талқыланды

Басқарма басшысының айтуынша, бюджет жобасы мемлекеттің 2020 жылға дейінгі жаңа саяси бағытта дамуымен және Астананы дамыту бағдарламасымен анықталған мақсаттар мен міндеттерді жүзеге асыру үшін құрылған. Мемлекет басшысының бұйрықтарын ескерумен экономикалық өсімді қамтамасыз ету және тиімді жұмыспен қамтылу мақсатында 2017-2019 жылдарға арналған бюджет жобасының негізгі басым шығындарымен жол-көліктік инфрақұрылымды, отын-энергетикалық кешенді, тұрғын үй – коммуналдық шаруашылығын және әлеуметтік саланы дамытуды жетілдіру және жылдамдатып дамыту анықталды. Үш жылдық бюджеттің параметрлері ағымдағы жағдайды және 69 қадам Астананы Еуразияның іскерлік, мәдени және ғылыми орталыққа айналдыру аясында «100 нақты қадам» Ұлт жоспарымен өзара байланысты қаланы дамытудың түзетілген болжамды индикаторларын ескерумен құрылған. Алиби Жумаев депутаттық фракция мүшелерін ағымдағы жылдың соңғы 10 айы бойынша қаланың даму қорытындыларымен таныстырды, ол қаланың тұрақты экономикалық даму үрдісін көрсетеді. Астананың дамуын көрсететін басты индикатор жалпы аймақтық өнім болып табылады, ол бірінші жартыжылдықтың қорытындысы бойынша 2,9% артты, астананың ЖАӨ үлесі республикалық көлемде 11,1% немесе республика бойынша үшінші көрсеткішті құрады. Есеп кезеңінде кәсіпорындарға, ұйымдарға және қала тұрғындарына жалпы көлемі 1,8 млн. шаршы метр тұрғын үй құрылды және пайдалануға берілді, бұл өткен жылдың сәйкесінше кезеңінен 28,4% жоғары.

Қаланың 2017-2019 жылдарға арналған әлеуметтік - экономикалық даму болжамымен негізгі макроэкономикалық индикаторлар және әлеуметтік-экономикалық даму көрсеткіштері анықталды. Облыстар тұрғысынан өндіруші өнеркәсіп өнімінің артуы болжамдалады, экономика дамуында шағын және орта бизнестің негізгі рөлі анықталады, бөлшек тауар айналымының көлемін, негізгі капиталға инвестициялау көлемін арттыру жоспарланды.

Алиби Жумаев астананың басты қаржылық құжатының негізгі салаларына тоқталды. Қала бюджеті бұрынғыдай әлеуметтік бағдарланған болып қалады. Басқарма басшысының айтуынша, қала мәслихатының тұрақты комиссиясы отырысында талқылау және қала әкімімен кездесу барысында депутаттармен айтылған ұсыныстар қарастырылды және қанағаттандырылды. Жеткізу лимиті аясында білім беруді басқару бойынша мектеп үшін қажетті шаруашылық құралдарын сатып алуға, оқулықтарды сатып алуға, ішкі істер департаменті бойынша ЭКСПО өткізу үшін автобустарды сатып алуға, мәдениетті басқару бойынша Тәуелсіздік сарайын жөндеуге және жартысын Жастар сарайын жөндеуге, жұмыспен қамтуды, еңбекті және әлеуметтік көмекті басқару бойынша ауыз қуысын сауықтыруға жұмсалатын қаражаттары қайта бөлінді.

Экономика және бюджеттік жоспарлау басқармасының басшысы бюджеттік бағдарламалар әкімшілігінің шығын бөлігіне толықтай тоқталды. Үш жылдық бюджет жобасы мәслихаттың тұрақты комиссиясында талқыланды, бюджеттік бағдарламалардың әкімшіліктерімен келісілді дейді Алиби Жумаев.

Депутаттарды, депутаттық фракция мүшелерін Астана қаласының 2016 жылғы бюджетті орындауы бойынша ағымдағы жағдайымен қаржы басқармасының басшысы Руслан Досаев таныстырды. Астана қаласының бюджеті кіріс бойынша осы жылдың 28 қараша айындағы жағдайына сәйкес 101,1% орындалған. Трансферттер мен республика бюджетінен бөлінген қарыздарды есептегенде меншікті кіріс бойынша жоспар 102,2% орындалған. Шығыстар бойынша бюджет 90,6% орындалған. Бүгінгі күні негізгі артта қалушылық инвестициялық жобаларды іске асыратын басқармаға тиіп отыр. Игерілмеген ең көп сома автомобиль жолдары, энергетика, коммуналдық шаруашылық, құрылыс басқармасында болып тұр. Игерілмеудің басты себептері мердігерлердің орындалған жұмыс актілерін уақытында өткізбеуі, сот қарауымен байланысты бірқатар артта қалушылықтар болып табылады. Руслан Досаев айтқандай, «Нұрлы жол» инфрақұрылымын дамытудың 2015-2019 жылдарға арналған мемлекеттік бағдарламасы аясында республикалық бюджеттен бөлінген бюджет қаражаттарын игеру мониторингі бойынша мәселе ерекше бақылануда. Бюджеттік қаражаттарды игеру мәселесі қала әкімінің бақылауында тұр, апта сайын кеңес жүргізіліп отырады.

Бюджетті уақытында орындау бойынша жұмыстарды жақсарту, бюджет жобасын талқылау барысына тұрғындарды тарту, жергілікті бюджеттің ашықтығын құрумен қамтамасыз ету, мемлекеттік органдардың тұрғындармен кері байланысын құру, әртүрлі қала жобаларына онлайн дауыс беруді енгізу, қоғамдық маңызы бар объектілер құрылысына және уақытында енгізілуіне лайықты көңіл бөлу бойынша ұсыныстармен және тілектерімен М.Е. Шекенов, Р.Ф.Умербаева депуттары сөз сөйледі. Біріккен отырысы нәтижесі бойынша Астана қаласы мәслихатының депутаттық фракциясы мен тұрақты комиссия мүшелері  Астана қаласының 2017-2019 жылдарға арналған бюджет жобасын қала мәслихаты сессиясының қарауына шығаруды ұсынды.

Өзінің депутаттық қызметін орындауда депутаттық фракция мүшелерінің тәртібі туралы екінші мәселе бойынша «Нұр Отан» партиясының Астана қалалық филиалы төрағасының бірінші орынбасары Е.К.Мамытбеков сөз сөйледі. Талқылау нәтижесі бойынша депутаттық фракция шешімі қабылданды.

Астана қаласы мәслихатының тұрақты комиссиясы мен депутаттық фракцияның бірлескен отырысына қаланың қалалық мәслихатының хатшысы Ж.Г. Нурпиисов, «Нұр Отан» партиясының Астана қалалық филиалы төрағасының бірінші орынбасары Е.К.Мамытбеков, қала басқармалары мен департаменттерінің басшылары, бұқаралық ақпарат құралдарының өкілдері қатысты.