Депутаттарға арналған марапаттар
14.12.2016
5 және 6 шақырылымдардағы халықтың қалаулылары бүгін Қазақстан Республикасының 25 жылдығының құрметіне мерейтойлық медальдармен марапатталды. Қалалық мәслихаттың хатшысы Жанат Нурпиисов қатысушыларға жаңа шақырылымның бес депутаты Елбасының атынан мемлекеттік ордендермен марапатталғанын еске салды. Жанат Нурпиисов айтқандай, бұл кез келген қазақстандық үшін, әсіресе халықтың қалаулысы үшін өте маңызды оқиға.
Қазақстан Республикасының 25 жылдығына арналған мерейтойлық медальдарды 5-ші шақырылымның Астана қаласы мәслихатының сегіз депутаты алды. Қаланың сайлау комиссияларының 11 мүшесі Орталық сайлау комиссиясының алғыс хаттарымен марапатталды.
– Әр адам үшін негізгі үш құндылық бар – тәуелсіздік, денсаулық, отбасы амандығы. Бұл соңғы құрауыштар тікелей Тәуелсіздікпен байланысты. Тәуелсіздікке ие бола тұра ғана, адам ұлы істерді жасай алады. Біз Тәуелсіздіктің мерейтойлық күнін үшінші рет мерекелейміз – 10, 20 және 25 жылдық. Бұл еліміздің өркендеуінің және біздің Елбасымыз қиыншылықтардан өтіп, елімізді жоғары деңгейге көтере алғандығының белгісі. 5-ші шақырылымның депутаты Қаршыға Кулмуканов, - Елбасы осындай ұлы мейрамда біздің ынсапты еңбегімізді атап өткені қуантады, - деп атап өтті.
Мемлекеттілікті құруға, Қазақстан Республикасының егемендігін және әлеуметтік-экономикалық дамуына қосқан едәуір үлестері үшін алтыншы шақырылымның 23 депутаты «Қазақстан Республикасының Тәуелсіздігіне 25 жыл» мерейтойлық медальдерімен марапатталды.
Салтанатты табыстау рәсіміне Қазақстан Республикасының Орталық сайлау комиссиясының хатшысы мен мүшесі Бахыт Мельдешев және Сабила Мустафина қатысты. ОСК хатшысы, бүгін табысталған марапаттар, депутаттар мен барлық деңгейдегі сайлау комиссиялары мүшелерінің қызметтері Елбасымен жоғары бағаланатынын білдіретіндігін атап айтты.
- Біз көп жылдар бойы іргелес жұмыс істедік, зор нәтижеге қол жеткізу үшін өзіміздің біліміміз бен күшімізді қолданып, үлкен іс-шараны – Парламент Мәжілісінің депутаттарын, мәслихат депутаттарын сайлауды өткіздік. Бірлікпен, ауызбірлікпен байланысты, қазақстандықтарды біріктіретін мерекенің қарсаңында, әрқайсымыз әрі қарай жоғары мақсаттарға қарай талпынатынымызға шексіз сенім білдіреміз, - деп атап өтті Бахыт Мельдешев.